ليه النرجسي بيفضل يتصرف كطفل ومش عايز يكبر
ليه بيكون مرتبط بأهله ويبان حنين وكريم معاهم وانتي عنيف وبخيل معاكي ؟
ليه مش بيفرح لما بييجي له المولود الاول؟
سام فاكنين المصنف نرجسي بيقول ايه في الموضوع دة ؟
النرجسي يعتبر نصف راشد ونصف طفل ، بعضهم بيفضل ياخد دور الطفل بكل اشكاله لدرجة انه يقلد صوت الطفل وطريقة كلامه احيانا وخصوصا النساء النرجسيات ، لكن اغلبهم بيستخدم طرق خفية طبعا زي انهم يرفضوا اعمال الكبار زي شغل البيت بالنسبة للبنت النرجسية او الدراسة والعمل بالنسبة للشاب النرجسي وبيستمر الكلام دة معاهم احيانا وبيتحول بعضهم لنرجسي عاطل طالما لقى حد يصرف عليه سواء كان ابوه او امه او زوجته ، وبعضهم يتهرب من تعلم مهارات الكبار زي السواقة والتواصل مع الناس ، ….
فطبعا النرجسي بيفضل دور الطفل اللي بيخليه ميشيلش مسئولية ، بيحصل على احتياجاته النرجسية من لفت الانتباه والاهتمام والرعاية وتلبية كل طلباته وتدليله وتملقه وعدم محاسبته على اخطائه واكيد كل دة حاجات مشتركة بين النرجسي والاطفال ومننساش كمان تعدد العلاقات اللي بتتمثل عند الطفل في الالعاب اللي بيشبط فيها ويكسرها ويرميها ويروح يجيب غيرها
كمان دة بيوضح لنا ليه بعض النرجسيين بيفضل متعلق بأهله وخصوصا ابوه وامه و لو مش موجودين حتلاقيه بيقدس السلطة ! ليه الكلام دة ؟ لان النرجسي عايز يفضل المدلل بتاع ابوه وامه وخصوصا انه بذل مجهود كبير عشان يوصل للوضع دة انه احسن واحد في اخواته وانه الحنين واللي مفيش زيه وطبعا هو بيعمل معاهم دور الكير تيكر بس قولا بس لا عملا وبيوزع بقى مسؤلياته تجاههم على اخواته او زوجته واولاده وهو بيفضل برضه الطفل الافضل ( نرجسي خفي) ودة بيوفر للنرجسي ميزتين : الاولى انه بيرمي مسئولية الاختيار واتخاذ القرار على اهله وبيريح نفسه من مسئولية النتايج ، والحاج التانية انه بيرمي كل مسئولياته على اهله واخواته وزوجته وطبعا بيكون حر بيعمل اللي هو عايزه في الحياة بدون اي مسئوليات
وتلاقي النوع دة لا بيعمل lovebombing ولا هوفرينج لانه كل طاقته رايحة على اهله وبيت اهله علطول الحنية والمراعية كلها عندهم عشان كدة كتيير جدا زوجات بتسأل ليه معايا معاملة زي الزفت ومع اهله بيحبهم وانا كنت دايما اقول لا مش بيحبهم انما بياخد منهم وقود ودة اللي بيقوله سام فاكنين انه بيحافظ على مكانته عندهم طبعا عشان الوقود .
اما الامهات اللي بيحصلها احباط لان الزوج النرجسي بيتصدم لما يعرف انها حامل اول حمل لها وبيكون رد فعله سيء جدا وممكن يحبط ويعمل لها صمت عقابي ، السبب برضه متعلق بدورة كطفل اللي هو متمسك بيه وان الضيف الجديد دة حيسلبه الدور دة وحياخد منه الاهتمام والانتباه وكل مزايا الطفولة اللي هو بيستمتع بيها من اللي حواليه كلهم وبالاخص انتي الراعي الرسمي له وطبعا مين السبب في مجي الطفل دة ومين اللي جابه انتي طبعا كالعادة المسئولية بالكامل بتقع عليكي زي اي حاجة وحشة بتحصل وبيرمي عليكي مسئوليتها فبيكون رد فعله عقاب لكي . كمان غير الكلام دة الطفل دة مسئولية جديدة وهو اصلا بيهرب من مسئولياته ،،طب لو فرح ؟ يبقى عشان محتاج يربي مصدر وقود جديد او يكمل الصورة بيه عشان الصورة تطلع حلوة اللي هي صورته في الحياة

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11

الكتب :
Malignant self-love