التشافي (١٩)
ازاي تتلاعبي بالنرجسي زي ماهو بيتلاعب بيكي ؟ من كتاب في ثياب الخراف لدكتور جورج سيمون
من وجهة نظر الشخص المستغل سواء نرجسي او غيره فيه اربع انواع من المواجهات ممكن تحصل بينك وبينه :
(١) هو يكسب وانتي تخسري
ودي الفرضية المفضلة عنده يعني دي غاية المنى واحسن حاجة ممكن تحصل معاه
(٢) انتي تكسبي وهو يخسر
ودي اكتر حاجة ممكن يكرهها في حياته وحيحاربك بمنتهي القسوة عشان يمنع حصول الكلام دة عشان كدة اللي بتحاول تنفصل عن النرجسي بتواجه صعوبات مش طبيعية وعصيبة وحروب وتشويه سمعة وكل حاجة قذرة يقدر يعملها بيعملها عشان يطلعك خسرانة زي ماهو خسران ويتجنب كارثة انه يخسر وانتي تكسبي
(٣)هو يخسر وانتي كمان تخسري
وهو طبعا بيكره جدا انه يخسر لكن في حالة انه حيخسر لا محالة فحيعمل كل مافي وسعه ومقدرته انه يطلعك انتي كمان خسرانة زي ماقلت لك دلوقتي ، ودة اللي بيوصل النوادر منهم لجرايم القتل او الانتحار في اقصى حالات النرجسية الخبيثة والعياذ بالله ، الله يحفظكم ويحميكم
(٤)هو يكسب وانتي كمان تكسبي
ودة النوع المهم اللي احنا حنشتغل عليه عشان نعرف نتلاعب بالنرجسي ، وطبعا اكيد انتي عارفة انه عمره ماحيسعى لدة انه يكسب وانتي تكسبي لكن دة بيكون دايما الاختيار التاني بالنسبة له اللي ممكن يقبله لومكسبش وانتي خسرتي ، ، خدي بالك ان النرجسي حيعمل اي حاجة في الدنيا عشان ميخسرش ودي نقطة ضعف عظيمة عنده ومفروض انك تعرفي تستغليها كويس ، وتتلاعبي بيه ، فلما تيجي تتفاوضي معاه على حاجة حطي شروط تضمن له شوية مكاسب (من غير ماتخسرك) يعني تحطي له حاجة هو عايزها وبيطلبها دايما وانتي بترفضيها (متكونش حاجة بتغضب ربنا ) هنا دكتور جورج حاطط مثال : زوجة نرجسي بتطلب منه يزود الوقت اللي بيتواجد فيه مع اولاده في البيت فأبدت رغبتها في انها تدعمه وتساعده في انه يوصل لمركز معين هو بيسعى للوصول اليه في عمله على شرط انه ياخد اجازة اخر الاسبوع ويلتزم بتواجده فيها في البيت مع الاولاد والمفروض ان الزوجة عارفة انه محتاج جدا للدعم دة عشان كدة هو وافق على طلبها ،، عندي حالة قلت لها تطبق التكتيك دة ولما لقت زوجها تحمس ووافق على التفارض سألته ايه اللي يضمن لي التزامك بدورك في الاتفاق ودة عمره ماحصل ؟ قال لها المرة دي حلتزم عشان متحرمش من حاجة انا محتاجها جدا ، ،، الزوجة دي عرضت عليه انها تراعي امه في اليوم بتاعة بدله في مقابل انه يعمل لها مصروف شهري خاص بيها والحمد لله نجحت في التفاوض وهو التزم وهي كمان عملت حاجة فيها اجر وثواب لانها كانت صعبانة عليها حماتها لانه كان بيهملها ومش بيهتم بيها . وفي نفس الوقت حماتها تبقى خالتها ، يعني هي مقدمتش تنازل كبير ولا جت على نفسها ولا عملت حاجة مهينة ولا اغضبت ربنا عشان تنجح التفاوض وتاخد اللي هي عايزاه ، هي طبقت تكتيك مكسب - مكسب ونجح لكن خدي بالك وانتي وبتطبقي الكلام دة لازم تكوني حكيمة وذكية وناعمة ومتحسسيهوش انك ممكن تقللي من حصتك في الاتفاقية او تاخدي عبء اكتر من المتفق عليه وانه اذا اخل بالالتزام انتي كمان حتنسحبي فورا ودايما تحسسيه انك مصحصحة له وواخدة بالك من حقك في الاتفاق
كمان من ضمن اساليب التلاعب اللي ممكن تتبعيها معاه عشان توزني العلاقة : انك ابدا متحسسيهوش انك راضية عنه ولا انك محتاجة تقربي منه لا نفسيا ولا جسديا واذا هو عمل لك هوفر وبدأتي تحسي انه اتغير وبقى طبيعي اوعي تحسسيه باحساسك دة لانه لو حس بيه وحس انك اتطمني له وبدأتي تقربي حيقلب عليكي فورا وحتشوفي الوش التاني
تابعونا على الفيس
اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
قناة التلجرام
https://t.me/learnaboutnarcisest
الكتب :
١- Becoming the Narcissist's Nightmare
٢- In sheep's clothing
3- healing from narcissist