()ازاي اواجه الصمت العقابي ؟
ولا اي حاجة اعملي له انتي كمان صمت عقابي ، هو اصلا بيعمل لك صمت عقابي ليه ؟ عشان يعذبك بالبعد ويتفرج عليكي وانتي منكدة وزعلانة ومشتاقة له وحتموتي عليه وكل ما شاف الكلام دة منك كل ما طول فترة الصمت العقابي لانه بياخد وقود تمام من منظرك وانتي مكتئبة ، ولو هو عايز يصالحك عشان مصلحة عايزها منك ايا كانت ايه ممكن يفضل يستفزك عشان تنهاري وتعيطي وتديه جرعة وقود كبيرة وبعدين يحن عليكي بعدها بالصلح ودة بيكون عشان ياخد منك اللي هو عايزه مش عشانك ، ولو معرفش يستفزك وكنتي فاهماه ومديتيهوش الفرصة ومانهارتيش حيبدأ يدخل في هوفريج عشان يهديكي وبرضه ياخد اللي هو عايزه ، يبقى انتي حلك انك تكوني باردة وميهمكيش الصمت العقابي بالعكس حالات كتير من اللي بدأو يتعافوا من ادمان النرجسي بيقولوا ان الصمت العقابي بيكون فرصة كويسة جدا للاستجمام والحياة في سلام شوية ، فانتي لازم تعالجي نفسك من ادمان النرجسي وساعتها عمرك ماحتشتكي من الصمت العقابي

()كيف نتعامل مع الزوج النرجسي لما يبقى اسلوبه هادىء ورومنسي للتجاوب معه قبل العلاقة الحميمية واحنا عارفين بعدها سيعود بالعصبية والسيطرة
ولا اي حاجة متحسسيهوش انك فارق معاكي لا المعاملة الحلوة ولا الوحشة ، بس من بعيد كدة تبيني له انك كنت لطيف عشان العلاقة وبعدين قلبت ، يعني بطريقة هادية وبهزار ومن غير خناق ولا انفعال عشان متستفزيهوش وعشان كمان متحسسيهوش انك مهتمة اصلا ، يعني ممكن لما يبدأ يكون لطيف وعايز العلاقة تقولي له بضحك ايوة دلوقتي هادي ولطيف وبعدين بعد العلاقة حترجع العصبية تاني ،طبعا كل واحدة بإسلوبها وبالطريقة اللي عارفة انه ممكن يتجاوب بيها ، لاحظي ان مع كل شره الا انه بشر وكل البشر لهم نقط ضعف وهو تحديدا جبان وبيخاف فمش مفروض انتي تخافي منه بالعكس انتي لو بقيتي قوية هو حيخاف منك و القوة هنا مش زعيق وصوت عالي وتبجح لا خالص القوة هنا ذكاء وحكمة تفكري قبل ماتتكلمي وتعرفي انتي عايزة ايه من اللي حتقوليه عشان تعرفي تقوليه صح


()هل اذا كان بيشتم او بيهني و تجاهلتو هل التجاهل معه في هذه الحالة صح .لانه غاضب كثير
طبعا الحل الوحيد هو التجاهل لكن بدون استهزاء او استفزاز عشان تحمي نفسك ، اسكتي ومتبينيش اي انفعال نهائيا ، ولما تلاقي نفسك مش خايفة منه ممكن تقولي له لو سمحت متقولش لي كدة ، او متكلمنيش بالطريقة دي وتسيبيه وتمشي عشان متديهوش فرصة يفجر خناقة ، ولو تطاول وحيقول لك مثلا حتعملي ايه يعني قولي له حشتكيك لربنا وهو حيبطلك تقول لي كدة او تمد ايدك او اي حاجة بيعملها فيكي ودايما تقولي له خد بالك ربنا سامعك ، خد بالك ربنا شايفك اثناد ماهو بيتعدي عليكي بأي طريقة تعدي ، هم بيخافوا مهما بين لك انه مش بيخاف لكن هو بيخاف وبيخاف جدا
تابعونا على الفيس
اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
قناة التلجرام
https://t.me/learnaboutnarcisest