ليه مستحيل النرجسي يتعالج وليه بيرفض يروح لمعالج او طبيب نفسي ؟هو مستحيل عشان هو اصلا مستحيل يرضى يروح بغرض العلاج اصلا يعني ايه يعني غالبا حيرفض يروح ولو قبل مش حيكون عشان يتعالج ،لا حيكون عشان الاسباب اللي قلنا في حلقة (اوعي تروحي لمعالج نفسي مع النرجسي )
اتش جي تيودور بيقول ان محدش من النرجسيين حيوافق يروح لمعالج ابدا ليه ؟
١- خليكي فاكرة كويس اننا متفوقين وفائقين ومتميزين عن البشر ،احنا اصلا مفيناش اي حاجة غلط ، انتي ليه شايفة اني محتاج اتعالج ؟ هو انتي ممكن تروحي لطبيب جلدية وانتي معندكيش شكوى من جلدك ؟ انا كمان معنديش اي اضطراب عقلي عشان اروح لطبيب ،
٢- وبعدين النرجسي شايف نفسه فوق اي حد من البشر زي ما كلكم عارفين فازاي اي حد ممكن يقيمه او يحكم عليه او يقرر ان كان عقله سليم ولا لا او غلطان ولا لا (دي نظرته للي بيروح لمعالج نفسي فيه حاجة غلط في عقله)
٣-هو بيعتبر المعالج دة حد انتي مجنداه عشان يقلل من قيمته وان انتي كمان مجرد ما حتقولي له انه محتاج لمعالج فدة تقليل عظيم من شأنه وقيمته انتي كدة بتنزليه لمستوى البشر (عشان كدة بنقول ماتواجهيهوش لما تعرفي انه نرجسي ، بعض الحالات اللي واجهته طردها من البيت وبعضهم طلقهم ومعرفوش ياخدوا حقوقهم يعني حتى لو انتي عايزة تهربي لازم تكوني جاهزة ومستعدة الاول وحاسباها صح قبل ماتواجهيه )
٤-كمان متنسيش انه نصف اله ازاي حد حيحكم على حالته العقلية والنفسية ؟ .وكمان انتي مليانة حقد عليه ومتحيزة لنفسك وبالتالي انتي معندكيش نزاهة لان دي جزء من تركيبتك انك تؤذيه وتمنعي عنه الوقود النرجسي و هو طبعا مش حيسمح لك بدة وهو بيقول اصلا انا الفاعل هنا وعمري ماحكون مفعول به ( كل دة كلام تيودور)
طيب اللي زي دة حيتعالج ازاي مستحيل حيتعالج طبعا
وبعدين بيقول ان النرجسي حيوافق يروح معاكي لمعالج في حالة واحدة انه يحس انك حتسيبيه وبالتالي حيتمنع عنه الوقود وهو معندوش مصدر بديل للوقود ومش حيقدر يجهزه دلوقتي( شوفي حلقة امتى النرجسي بيتمسك بفريسته وامتى يتخلص منها نهائيا)وحلقة ( ايه اللي حيحصل للنرجسي لو منعتي عنه الوقود وحيعمل معاكي ايه ) ، في الحالة دي بس بيوافق يروح لكن طبعا مش عشان يتعالج زي ماقلت لك لكن عشان يضحك عليكي ويفهمك انه متمسك بيكي وحيروح عشان خاطرك وهو طبعا عشان خاطر الوقود وفي نفس الوقت هي فرصة يلعب شوية بالمعالج وياخد منه وقود وخصوصا لو المعالج مش متخصص في النرجسية ومعندوش فكرة عن الاعيبهم ، وكمان هو بيستفيد كتير من الجلسات دي زي ماقلنا في حلقة (اوعي تروحي لمعالج نفسي مع النرجسي الخفي ) اللي مشافش الحلقة يشوفها مهمة جدا .
كمان النرجسي حيروح معاكي بشروطه زي مثلا انك تدفعي تمن الكشف واهي فرصة يخليكي تصرفي فلوسك ، فالمشوار دة بيكون كله فايدة له ومفهاش اي فايدة لكي بل بالعكس اذى شديد لكي زي ماقلت لك في الحلقة اوعي تروحي … واذا النرجسي حس ان المعالج فاهم الشخصية النرجسية وحيقدر يتجنب الاعيبه ويتغلب عليه فهو حينسحب فورا طبعا ومش حيكمل جلسات وممكن ينسحب من اول جلسة .

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11