(٤) كوني نفسك متكونيش اللي الناس عايزينك تكونيه
اللي حصل لك بسبب النرجسي انك اتحولتي من انتي لحد تاني تماما حد بيحب اللي النرجسي بيحبه وبيلبس اللي النرجسي عايزه يلبسه وحتى بياكل اللني النرجسي بيحب ياكله او عايزك تاكليه يعني هو عمل منك نسخة مشوهة منه وطبعا حتلاقي في حياتك ناس كتير ومش شرط يكونوا نرجسيين لكن ناس قريبين وبيحبوكي لكن مش فاهمين اي حاجة عن النرجسي ولا عن معاناتك معاه حتلاقيهم بيحاولوا يقنعوكي انك تستمرس معاه وانه كويس وان علاقتكم كويسة ومفهاش عيوب واستهدي بالله واستحملي وكل الرجالة كدة وهكذا انتي بين نوعين من الناس نوع عايزك على كيفه عشان يستغلك ونوع عايزك علي كيفه عشان بيحبك وعايز مصلحته والاتنين بيؤذوكي ومفروض تقاوميهم ومتسمحيش لهم انهم يخلوكي حد تاني غير نفسك ، من دلوقتي قرري تكوني نفسك تعملي اللي انتي عايزة تعمليه ( في اطار مايرضي الله) وتاكلي اللي بتحبيه وتلبسي اللي تحبي تلبسيه ، ولاالنرجسي ولا غيره يخليكي تعملي حاجة انتي مش عايزة تعمليها ، اتعلمي تقولي لا بهدوء وبدون عصبية مش لازم تصبري لحد ماتوصلي للانفجار والانهيار وتغلطي وتبقى اللأ اللي قلتيها تتحسب عليكي مش لكي

تابعونا على الفيس
اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
قناة التلجرام
https://t.me/learnaboutnarcisest

الكتب :
١- Becoming the Narcissist's Nightmare
٢- In sheep's clothing
3- healing from narcissist