التعايش مع النرجسي
العلاقة مع نرجسي سوف تنتهي عاجلا او آجلا لا محالة مهما حاولتي الحفاظ عليها
في حال انتهاء العلاقة بأي شكل من اشكال الانتهاء (نفسي ، جسدي )لازم تتعلمي التخلي عن شوية حاجات وتوقعات وآمال واحلام عن العلاقة ولازم تغيري تتوقعاتك وافتراضاتك وردود افعالك واستراتيجياتك ودة طبعا حيقلل من احباطاتك وجروحك العاطفية والضغوط الناتجة عن العلاقة
(١) غيري توقعاتك
طبعا انتي دلوقتي فهمتي ان نظرة النرجسي للعالم وللعلاقات وحتى لكي انتي نظرة محرفة ومشوهة ومنحرفة وغير سوية وكمان ردود افعاله غير منطقية ولا طبيعية ، السبب الاساسي والاكبر في انك بتتصدمي بشكل مستمر من ردود افعاله ومن تصرفاته هو انك في كل مرة بتتوقعي انه حيتصرف بمنطقية وطبعا انتي معذورة لانه بييجي عليه وقت بتلاقيه بيتعامل بشكل طبيعي وكأنه انسان طبيعي فيتهيألك انه اصبح طبيعي لكن للاسف الرؤية الملتوية والمنحرفة حتفضل تظهر تاني على السطح عشان كدة لازم تكوني دايما مستعدة ومتوقعة التصرفات الغريبة
(٢)النرجسي حيفضل طول عمره نرجسي
ممكن يكون من اصعب الاشياء انك تدركي ان الشخص اللي بتحبيه مريض نفسيكاتب كتاب التعافي من النرجسي سماه معاق عاطفيا ، هو بيقول ان النرجسي لما بيلبس قناع النفس المزيفة بيكون شبه الناس الطبيعية يبدو هادئ وريلاكس ولطيف ومسلي لكن متكونيش مغفلة وتفكري ان كله تمام وكوني مستعدة دايما لفترة تعطل القناع
(٣)تجاوزي خوفك من انك تكوني بتحكمي غلط
المتعاطف او ال caretaker بتجد صعوبة في انها تحكم على اي حد حكم سلبي زي ما قلنا قبل كدة انها بتشوف الجانب الايجابي بس من كل اللي حواليها ودة بيخليها علطول مش عارفة تتعامل مع النرجسي ولا قادرة تفهمه لانها علطول بتفرض فيه حسن النية ، لازم تتوقعي السيء من الاخرين لان كل الناس صفاتها فيها الحلو وفيها السيء بما فيهم انتي
(٤)وقفي تماما صفة ال caretaker
زي ما اتفقنا قبل كدة ان من صفاتك انك caretaker وان الصفة دي بتخليكي في العلاقة السمية دي تكوني الشخص اللي بيصلح ويحل المشاكل ويجنب النرجسي القلق والاحباط طبعا عشان تحمي نفسك وتحمي اولادك من شره وعشان تتخلصي من الدور دة لازم تعملي لنفسك اصلاح شامل عشان تقدري ترجعي شخص مستقل وقائم بذاته وغير خاضع ولا تابع
لازم توقفي الرعاية والعناية بالنرجسي وتحولي الرعاية والعناية دي لنفسك ازاي؟
اول خطوة : وقفي تفكير فيه طول الوقت ( ودة حيحصل لو نفذنا اللي قلناه في حلقات الهرمونات ) ركزي على انتي عايزة ايه وحاسة بايه ، كل ماتلاقي نفسك بتفكري فيه ومحتارة ياترى بيفكر في ايه حاسس بإيه فورا حولي التفكير دة لنفسك اسألي نفسك انتي حاسة بإيه وجهي اهتمامك لنفسك ، دة حيحتاج منك تركيز وتدريب شوية وبعد كدة حيبقى طبيعي وحتتعودي عليه
كل ماركزتي على نفسك واحتياجاتك كل ماحتحسي بأهميتك وحتبدأي تراضي نفسك وتبدأي تشفي
خلاص انتي دلوقتي دورك تراعي نفسك ومش دورك انك تعتني بالنرجسي .
بعض الحالات بتقول لازم افكر فيه عشان اتوقع تصرفاته واحمي نفسي منه ، طبعا انتي كدة بتجهدي نفسك على الفاضي لانه كدة كدة تصرفاته بتكون فجائية في كل الاحوال ومش ممكن حد يتوقعها حرفيا وانتي كدة عمرك ماحتعرفي تعتني بنفسك يعني انتي عاملة زي اللي قاعدة ادام اسد وطول الوقت بتفكري حياكلك امتى وحياكلك بأي طريقة وكدة عمرك ماحتعرفي تخططي ازاي تهربي منه او ازاي تروضيه . اذا انتي فهمتي تصرفات النرجسي وحفظتي انه مش طبيعي وان عمره ماحيكون طبيعي خلاص كدة انتي مؤهلة انك تتعاملي مع اي تصرف مفاجيء ولما تبطلي تكوني caretaker حتكوني مؤهلة اكتر وحتقدري تحطي طاقتك في مكان صح وحتقدري تتقبلي النرجسي زي ماهو وبكدة حتكوني محمية اكتر ومش حتتفاجئي وتتصدمي كل مرة
تابعونا على الفيس
اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
قناة التلجرام
https://t.me/learnaboutnarcisest