١- انتي مخلصة في المجمل واذا وعدتي نفذتي وعدك الى الابد وحتى لو النرجسي طول الوقت لا يفي بوعوده دايما بيتهيأ لك انك لما تفضلي بالاخلاص دة هو حيتعدل و دة عمره مابيحصل
٢- مشكلتك انك عطوفة على الاخرين اكتر بكتير من عطفك علي نفسك ومتقدريش تحبطي حد او تزعليه وممكن اذا غضبتي جدا واحبطتي اي حد ولو كان معاكي حق بتعاقبي نفسك في حين انك بتسامحي النرجسي ببساطة جدا على اخطاءه ووقاحته وايذائه لك و الطريقة دي لمعاملتك لنفسك في مقابل معاملتك لشريكك النرجسي بتعمل عدم توازن في العلاقة وبتاخدها في اتجاه منحرف ، لما تعطي كتير جدا في مقابل انك تاخدي قليل جدا فانتي بكدة بتقللي او تتجاهلي مشاعرك واحتياجاتك لو حد طبيعي بيتعامل معاكي برفق وميضغطش عليكي في حين النرجسي فدة اللي هو عايزه ، عايز حد ياخد منه فقط ولايعطيه اي شيء
٣- انتي بطبعك عطائة ، انتي مقتنعة ان اللي عايز ياخد لازم يعطي فاذا انتي احتجتي للرعاية والحب والاحترام حتسبقي بيهم للي ادامك وانتي متخيلة انه حيديهم لك من غير ماتطلبيهم ، لكن الزوج النرجسي حياخد بدون عطاء وحتبدأي تحسي بعدم التقدير وبالاهمال و كمان انه مستغلك وطبعا دة بيزود عدم توازن العلاقة
٤- من ضمن نقاط ضعفك اللي تعتبر مميزات بالنسبة للنرجسي انك عندك احساس مبالغ فيه بالذنب ،وانك طول الوقت مش جيدة بالشكل الكافي ، ودة بيخليكي في علاقاتك تحسي انك محتاجة تعطي اكتر وطبعا الزوج النرجسي بيستغل النقطة دي جدا فيكي ويزكيها عشان تعطيه فوق طاقتك وعمره مايحسسك انك تمام او انه راضي عشان تفضلي تعملي مجهود
٥- الخوف من الغضب والخوف من الرفض :اكتر حاجة بتخوف المتعاطفة هي الغضب او الرفض ومتقدريش تعيشي في بيئة فيها نزاع او صراع واحيانا بعض ضحايا النرجسية بيحصل لهم تجمد لوحصل مواجهة بينهم وبين النرجسي ، واحيانا تفضل الاستسلام على الدخول في نزاعات ، والنرجسي كالعادة بيستغل نقطة الخوف في انه يعمل كل حاجة بطريقته وبالشكل اللي يريحه غير آبه باحتياجاتك ولا برفضك لدة بل وبيخوفك ويرهبك بحيث تفضلي الاستسلام وتتنازلي عن كل اعتراضاتك
٦- حدودك ضعيفة او تكاد تكون منعدمة ، حدودك دي هي الخط الحمر اللي بيحمي اعتقاداتك وافكارك وانتمائاتك وحقوقك وخصوصياتك وحتى تفردك ، حدودك دي جزء منها بيكفله لكي المجتمع بالقوانين والجزء التاني انتي بتحطيه لنفسك بطرق كتيرة جدا منها انك تقولي لا ، انك متفتحيش لحد انتي مش عايزة تقابليه مترديش على مكالمة انتي عارفة انها حتسبب لك ازعاج ، متسمحيش لحد يعاملك بطريقة معينة انتي مبتحبيهاش ، وعشان انتي بتحترمي حدود الاخرين بتتوقعي من الكل انه يحترم حدودك فاذا وقعتي مع نرجسي اللي هو اصلا مبيحترمش اي حدود لاي حد ومش عايز اصلا يكون لكي حدود لان الحدود حتقلل سيطرته عليكي فحيرفض الالتزالم بحدودك ولما تعترضي مش حيقبل الاعتراض مرارا وتكرارا وانتي تحاولي تفهميه بالراحة وبالذوق وهو بيرفض ودة بيهلك قوتك في المقاومة وفي النهاية بتستسلمي له وبيكسر حدودك ويحكم السيطرة عليكي
٧- بتنكري احتياجاتك ومتطلباتك ومشاعرك ودة طبعا بيوصل للنرجسي وبيستغله وبيعتبر ان احتياجاتك ومشاعرك شيء مزعج لانه ممكن يخرب له السيناريو الخيالي اللي هو فرضه في حياتك معاه
٨- التتنصل من قواكي
٩- غير مرتاحة او متأقلمة مع القوة ،، بيتهيألك ان القوة بتتعارض مع الحنية والرعاية وانك عشان تكوني قوية لازم تكوني انانية وتهملي الاخرين ودة من ضمن الحاجات اللي بتخليكي في النهاية في قمة الضعف
——————————————————————————————
تابعونا على الفيس
اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
قناة التلجرام
https://t.me/learnaboutnarcisest
الكتب
١- Becoming the Narcissist's Nightmare
٢- Disarming the Narcissist
3- healing from narcissist