التشافي من علاقة نرجسية / مارجليز فجيلستاند ، شاهيدة عربي ، ويندي تي
عشان نتكلم عن التشافي لازم نفهم الاول ايه اللي عايزين نتشافى منه ، طبعا كلنا عرفنا صفات النرجسي وتصرفاته ودة قلته في سلسلة علامات تدل على ان زوجك نرجسي
هنا حنتكلم بشكل علمي شوية لكن مبسط تبسيط غير مخل ان شاء الله … النرجسي بيصنع لنفسه حاجة اسمها “الذات الزائفة “ ودي اللي هو بيظهرها للعالم ، شكلها ايه الذات دي؟ باختصار : التفوق ، العظمة ، الكمال ، الجمال ، المظهر الرائع ، المتحدث اللبق ، قمة الاستحقاق بسبب العظمة ، قمة الحنية والرأفة والرحمة ، قمة الادب والخلاق الحميدة ، قمة في العلم والمعرفة وهكذا جميع الصفات اللي يتمنى اي انسان انه يحققها في نفسه ولكنها واقعيا يستحيل انها تتجمع كلها في شخص واحد ، فالنرجسي بيدرسها كويس عن طريق انه يلاحظها في الاشخاص القريبين منه واللي بيعرفهم في محيطه ويبدأ يمثل كل صفة في تصرفاته ويقنع نفسه بيها ويتقنها وبعدين يصدق نفسه ان الصفات دي فيه ، وبكدة النفس الزائفة دي بتكون زي صورة متجمعة من شوية صور كتييير لكن مش متثبتة كويس في الصورة فهي مش عاملة له نفس او ذات حقيقية بالعكس اتسببت في وجود شخصيتين في شخص واحد وعشان كدة بتلاقي له مواقف واقوال متناقضة مع بعضها تماما .طبعا لو كان اشتغل على نفسه بقصد اكتساب الصفات الجيدة دي اكيد كان حيكتسب منها جزء كبير وكان بقى انسان جيد لكن هو مش بيحب يبذل مجهود ولا يتعب نفسه في اي حاجة .
طيب ايه النفس الحقيقية للنرجسي اللي تحت السطح دي شكلها ايه ؟
النرجسي بينكر ويخفي الصفات الحقيقية عن العالم وحتى عن نفسه الصفات اللي هي المكر والتلاعب والانانية ، غضب وعدائية ، سطحية ، وفي معظم الاحيان تصرفات هجومية او دفاعية بدون اسباب ، خسة وندالة و قد يكون مدمن اي شيء مخدرات قمار ، افلام اباحية ،….
ومن هنا بنفهم ان النرجسي عايش كشخصين في شخص واحد وبعضهم بيعترف بدة بس طبعا بدون فهم او وعي لان معظم الكلام دة بيكون في اللاواعي وبيخرج في لحظات ويروح لحاله
..........
تابعونا على الفيس
اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
قناة التلجرام
https://t.me/learnaboutnarcisest

الكتب :
١- Becoming the Narcissist's Nightmare
٢- Disarming the Narcissist
3- healing from narcissist