ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢
هو النرجسي حيرجع لي تاني ؟ طيب حيندم ع اللي عمله فيه؟ طيب مش حيحس انه خسرني؟
للأسف حالات كتير بتسأل الأسئلة دي لحد الان . حقول لك الإجابة وحقول لك امتى بيرجع وامتى مابيرجعش
هو النرجسي ممكن يرجع تاني؟ هو أصلا مشي فجأة وبدون مقدمات وانا كنت مموتة نفسي عشان يرضى ، هو مش حيعرف قيمتي وييجي يقول لي انا اسف انا غلطان سامحيني ، هو مش حيحس انه خسرني ولا حيندم انه سابني ولا حيندم على ظلمه ليا؟
هو مش حيلاقي حد يستحمله زيي ولا يحبه زيي ولا يعمل معاه اللي كنت بعملهوله انا متأكدة من كدة معقول هو مش حيرجع تاني؟
شوفي ياستي اول حاجة عايزة اقولها لك انه حيلاقي زيك كتير للأسف ليه؟ لان كل الحالات زيك وكلهم او٩٩٪ منهم بيدوا عطاء لامحدود وبيحبوا النرجسي بغباء وقلبهم صافي وجميل ومتعاطفات فأكيد منك كتير وللأسف اللي زيك اللي هم المتعاطفات دول هم اللي بيحبوا النرجسي هم اللي مشاعرهم بتلخببطهم وتخبي عيوب الاخر لانهم دايما شايفين العالم انعكاس لقلوبهم شايفين كل الناس طيبين مفيش حد شرير الناس ليه مش حتكون بتحب بعض وليه حيؤذوا بعض اكيد مش قاصدين اكيد عندهم ظروف اكيد متعصبين ،المهم انهم في النهاية بيحبوا بدون شرط او قيد وبالتالي فانتي وهم فرائس سهلة جدا للشخصيات السامة ،
دي نقطة النقطة التانية بقى هو حيرجع ولا مش حيرجع؟ هو حيرجع بس مش عشان بيحبك ولا عرف قيمتك ولا أي حاجة من اللي في خيالك هو حيرجع يتطمن على ممتلكاته او يزور مسرح الجريمة ، شوفتي لما بيقولوا ان المجرم دايما يحوم حوالين مكان الجريمة هو النرجسي بيفضل يتابع ويراقب ضحيته بعد مايسيبها او هي تسيبه عشان هي مسرح الجريمة وهو فعلا مجرم وطبعا لانك كنتي معاه في يوم من الأيام فانتي احدى ممتلكاته اللي حيحب ان محدش ياخدها ابدا عايزك كدة قاعدة له مستنياه يحن عليكي ويرجع ولما بيرجع اما بيكمل تعذيبك او بيبص عليكي ويمشي ، هو كمان ممكن يرجع لو لقى عندك حاجة جديدة يقدر يستفيد منها ، ورثتي مثلا او اشتغلتي شغلانة جامدة او جت لك سفرية للخليج او اترقيتي ولا اخدتي منصب ، المهم فيكي فايدة حيرجع مفكيش تمام يرجع ليه
فهو في كل الأحوال مش راجع ندمان ولا راجع تايب ولا عرف انه خسارته كبيرة لا خالص اطلاقا، اللي لازم تفهميه واللي لسة مش قادرة تستوعبيه انه مختلف عنك تماما انتي وهو نقيضين هو بلا مشاعر وانتي عبارة عن كتلة مشاعر ، هو مش بيعرف يحب وانتي ماشية تحبي في قطط وكلاب الشارع . فانتي في واد وهو في واد تاني ، اللي معندوش مشاعر مش بيعرف الندم واللي زي النرجسي شايف انه يستحق كل حاجة فمن حقه يعمل كل اللي عايز يعمله واللي مايفهمش كدة يستاهل اللي يجرا له وهو من حقه يدافع عن استحقاقه دة بكل وسيلة وبالنسبة له مش بيكون بيظلم ولا بييجي عليكي هو بياخد حقه وبيدافع عن حقه لانه يستحق لانه احسن حد في العالم .
من الاخر كدة اللي عايزاكي تفهميه انه لابيحس ولا بيندم ولا بيقدر ولا عمره حيقدر اللي عملتيه عشانه ولا حيحس بالخسارة انه سابك الا اذا عرف ان وراكي فلوس او أي مصلحة او حتقدري تاخدي كل مستحقاتك بعد الطلاق ساعتها حيحس بالخسارة بس
امتى بقى مايرجعش؟ لو انتي كنتي طول الوقت محسساه انك احسن منه وطول الوقت هو من جواه عارف انك احسن منه يعني فرق المستوى العلمي والاجتماعي عالي جدا وانتي كنتي واثقة من نفسك اوي وماعرفش يكسرك ساعتها حيروح مايرجعش لانه مش عارف ياخد منك اللي هو عايزه
كمان لو عرف انك فهمتيه تماما وحس انك مش حتديه أي وقود ولا خدمة ولا علاقة ولا أي مصلحة طبعا برضه مش حيرجع
لو عارفكويس انك بقيتي قوية وحتعرفي تنتقمي منه وتفضحيه لو رجع فمش حيرجع
النرجسي لابيندم ولا بيحب ولا بيفر قمعاه عشرة ولا جمايل ولا تضحيات هو شايف انه يستحق كل الناس تشيله على دماغها وتمشي عشان هو عظيم
فوقي يابنتي واصحي بقى وحاولي تستوعبي انه مفهوش امل الا اذا هو عايز يبقى كويس ودول قلة نادرة جدا جدا

















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية