تخيلي ان حد حيديكي مليون دولار لكن بشرط تديه اذن يقتل ١٠ من جيرانك
اللي مش متعاطف حيقول عادي مش انا اللي حقتل وكدة كدة الناس كل يوم بتموت حتفرق ايه لو كانوا من جيراني ؟
انتي حتقولي ايه ؟
شوية الشرط بيكبر وبيكون العشرة من جيرانك دول انتي عارفاهم واتعاملتي معاهم عن قرب يعني فيه تواصل عاطفي بينك وبينهم ، هل حتاخدي المليون دولار؟
طيب لو الشرط زاد اكتر ، العشرة اللي حيتقتلوا دول حيكون عندهم أبناء أعمارهم اقل من عشر سنوات وانت مطلوب منك تعرفيهم وجها لوجه سبب موت ابائهم ومينفعش تكدب عليهم
حتعملي ايه؟
طبعا مفيش حد متعاطف حياخد الفلوس ولو من او طلب ، واللي يلاقي نفسه ممكن ياخدها يعرف انه غير متعاطف وكمان اما يكون نرجسي او سيكوباتي او حد فاقد للتعاطف


لعبة الغرفة ، هي مش بتبين لك اذا انت نرجسي خفي ولا لا اد ما بترسم لك الصورة الى حد كبير جدا وانا عن نفسي جربتها والحمد لله طلعت عندي ثقة كويسة بالنفس
بس خدي بالك اللعبة دي لو لعبتيها مع نرجسي وهو عارف الغرض منها حيكدب طبعا وممكن يغير الأجوبة الحقيقية اللي ممكن تدل على شخصيته
اللعبة بتقول : تخيلي انك في غرفة وتخيلي ان فيه طاولة في الغرفة ، تخيلي شكل الطاولة وحجمها وتفاصيلها ومكانها ، تخيلي كمان ان فيه سلم وتخيلي موجود فين في الغرفة وتخيلي كمان شكله ، وتخيلي وجود فازا ؟ فين مكانها وهل فيها ورد وكام وردة ؟ تخيلي وجود حصان حيكون شكله ايه وموجود فين؟
تخيلي تحصل عاصفة في الغرفة تفتكري ايه اللي حيجرى للحاجات دي كلها ؟

الكاتب بيقول ان الطاولة بتمثل شخصك وبيقول انك لو تخيلتيها كبيرة وقوية وفي منتصف الغرفة فدة معناه انك شخصية قوية متمركزة وثابتة في الأرض وعندك ثقة عالية ،
وطبعا النرجسي الخفي معندوش كل دة هو حيحط الترابيزة في ركن وحتكون صغيرة وضعيفة ، اما الفازة بالورود فبتمثل اسرتك واصدقائك وطبعا النرجسي مش حيكون عنده ورد وممكن يكون عنده واحدة ولو كان طيف قليل ممكن يكون عدد ورود قليل ،
السلم بيشير لطموحك وتفكيرك في المستقبل فإذا كان طويل وقوي ومسنود ع الحيط فدة معناه انك طموحة وتفكيرك قوي ، النرجسي ممكن يحط السلم ع الأرض أصلا او يعمله سلمين بيتقابلوا في تلة مثلا
الحصان بيشير للزوج او الزوجة وطبعا النرجسي حيحطه بعيد عن الطاولة وممكن يخرجه برة الغرفة أصلا ، او يكون باصص برة ، العاصفة بتشير للمواقف الصعبة ، والشخص الإيجابي حيتخيل كل حاجة زي ماهي بعد العاصفة اما النرجسي السلبي ممكن يتخيل ان كل حاجة اتدمرت