اوعي تاخدي النرجسي الخفي لمعالج نفسي او استشاري اسري
ديبي قالت نقطة خطيرة جدا في كتابها : لو عرضتي عليه تروحوا لمعالج حيقبل وحيروح معاكي علي عكس اللي بيحص عادة من الرجل العادي او النرجسي الظاهر ، وطبعا موافقته دي بتديكي انطباع جميل وبتضيف له صفة هايلة لصفاته الجميلة اللي في خيالك .
طيب ليه هو حيقبل وحيروح معاكي ؟ ايه الفايدة اللي حياخدها من الكلام دة ؟ ديبي بتقول ان هو حيقبل المشوار دة عشان حيستفيد منه كذا حاجة وان المشوار دة مش في مصلحتك نهائيا وانه من اسوأ الاشياء اللي ممكن تعمليها مع النرجسي الخفي ليه؟ لان المعالج بيقول له ايه الحاجات الغلط اللي عملها معاكي واد ايه هو تسبب لك في الالم والاذى ودة بيوضح للنرجسي اي جزء من الماسك بتاعه حصل فيه كسر واي جزء من نفسه الشريرة ظهر لكي عشان يداوي ويصلح الصورة الوهمية عشان يفضل مسيطر عليكي عاطفيا ، كمان هو بيفهم من المعالج انتي عايزة ومحتاجة ايه وايه اللي مفروض يعمله عشان يعجبك انتي وغيرك وطبعا حيعمل كل اللي المعالج حيقترحه عليه فيعجبك اكتر وتحبيه اكتر ويعجب المعالج طبعا وكدة مقابلات المعالج اصبحت سبب في ارتباطك بيه زيادة وانخداعك فيه زيادة وحتحبيه اكتر وتحترميه اكتر وحيظبط صورته بشكل اكمل واتم من الاول ويؤكد حبك وولائك له
كمان حيتعرف اكتر على نقط ضعفك ونقط عدم الامان عندك وحيبدأ يمثل دور المنقذ فيبدأ يجاملك ويشجعك ويحفزك وكأنه جزء من العلاج بتاعك وطبعا دة بيكون اكبر اذى لكي لانه بيلخبطك ويخليكي تثقي فيه اكتر ويغيبك عن الاذي اللي واقع عليكي منه ، دة غير انه حيستخدم ضعفك دة ضدك بعدين وحيتلاعب بيكي ويسيطر عليكي باستخدام المعلومات اللي اخدها من المعالج عنك ودي بتكون اكبر خيانة بتتعرضي لها منه .
** النرجسي الخفي له طريقة يخليكي بيها تديه كل الحنان وتسامحيه على كل اخطاءه ازاي ؟؟ هو دايما يمدح فيكي بالرغم من كل السوء اللي بيعمله فيكي ويقول عليكي انك نعمة ربنا عليه وان عمره ما حصل علي الحب والاهتمام من حد في الدنيا زي ماحصل عليهم منك ، هو كدة بيمليكي هو عايز منك ايه عايز حب واهتمام دائمين غير منقطعين وفي نفس الوقت يبين لك هو اد ايه محتاج لك وانتي طبعا عشان caretaker ومتعاطفة جدا بتلاقي نفسك نفسك قررتي انك حتعيشي بس عشان تسعديه وفعلا بتعملي كل حاجة في حياتك عشان تسعديه ، حتى اولادك بتربيهم وتعلميهم بالطريقة اللي تسعده هو مش اللي فيها مصلحتهم وطبعا بتحققي كل اللي قاله عنك وبتكوني اكتر حد بيحبه وبتتفاني في حبه وبتديله كل الاهتمام والرعاية وطبعا الوقود النرجسي اللي هو عايزه منك ، وطبعا على مر السنين لما كان بيعمل كل التصرفات الغريبة اللي بيعملها كل نرجسي كنتي بتلتمسي له كل الاعذار وتقولي انه مسكين ومجروح معرفش الحب الحقيقي ابدا في حياته ومشافش غير ناس سيئيين ومسيئين ومستغلين ومحدش اداله قيمته ابدا فهو عشان كدة متعقد ومش قادر يفرق بينك وبينهم وبين ماضيه المؤلم وانه معذور ومصيره حيفهمك ويقدرك ويقدر حبك له ومش بعيد تصلي وتدعي له ربنا ينور بصيرته ويفهمك على حقيقتك من كتر ماهو بيوجه لك اتهامات زور ، وطبعا لولا الوهم اللي هو زرعه في دماغك في مرحلة ال lovebombing انه مسكين ومجروح وبيحبك مكنتيش سامحتيه في تصرفات كتييير عملها على مر السنين
وبعد كل دة ييجي في مرحلة التجاهل او ال discard يقول لك طول عمرك كان باين عليكي انك عمرك ماحبيتيني

تابعونا على الفيس
اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
قناة التلجرام
https://t.me/learnaboutnarcisest

الكتب
the covert passive aggressive narcissist