النرجسي الخفي من كتاب ديبي ميرزا the covert passive aggressive narcissist (النرجسي الخفي السلبي العدوانية)
النرجسي الخفي بيخفي صفاته المظلمة لانه محتاج ان الناس تحبه ، سمعته مهمة جدا جدا بالنسبة له
النرجسي الظاهر غالبا مش محبوب لانه علطول بيزعج الناس ودايما بيحب يتكلم عن نفسه واهميته وانجازاته بشكل ممل ومزعج ، بخلاف الخفي مش بيحب يتكلم عن نفسه وبيمثل دور التواضع المتعاطف مع الكل لكن ميمنعش انه لو لقى مجموعنه المقربة عندهم استعداد يسمعوا حيبدأ يقول ويقرفهم
النرجسي الظاهر غالبازيجاته قصيرة مش بيستمر في علاقة لمدة طويلة غالبا ، اما النرجسي الخفي فبيستمر زواجه عقود من غير ما زوجته تكتشف انه نرجسي ، وبرضه ممكن يرتبط في علاقة غرامية او عاطفية لسنوات ، واكم من اولاد نرجسي مااكتشفوش انه نرجسي لحد مايوصلوا لعمر الثلاثين
النرجسي الخفي دايما يكون في كارير مثير للاعجاب زي رجل الدين ، قائد روحاني ، معالج ، رئيس منظمة غير ربحية ، سياسي ، الكارير اللي صاحبه بيبدو عطوف ومهتم بالاخرين ويبص في عي عينك مباشرة ويحسسك انه مهتم بيكي ، وطبعا هو عنده نهم للانتباه والاهتمام والتقدير لكن بيخفي دة عن الناس عشان يحبوه ويثقوا فيه
هو عارف انه لازم يظهر متواضع عشان يكون محبوب وعارف ازاي يلعب الدور دة ويسحر الناس ، هو اصلا استاذ في التلاعب ومعندوش اي مشاعر لكن هو علم نفسه ازاي يتصرف وكأن عنده مشاعر ودة برضه عشان يكون محبوب
هو حيبص في عينك ويخليكي تحسي انك مميزة ومسموعة ودايما نظراته تحسسك اننه مهتم ولكنه في الحقيقة مش مهتم بس هو بيعكس مشاعرك انتي
مع النرجسي الحياة بتتمحور حواليه ،لكن هو بيعرف يظهر ان الوضع مش كدة ، يعني هو مش حيقول لك اعملي كذا ولا اهتمي بكذا لكن حيعرفك انه بيحب كذا ويسكت وانتي بقى لو معملتيش اللي هو بيحبه او اللي هو بيفضله دة حيكون المعاملة السيئة والتكشيرة المريبة اللي لو سألتيه مش حيقول لك حاجة اصلا وممكن يقول لك مفيش انتي اللي مالك ، ومع تكرار الحاجات اللي زي كدة انتي بتلاقي نفسك بتعملي اللي بحبه واللي بيفضله وهو برضه مش بيرضى وتلاقي نفسك متمحورة حواليه من غير ماتحسي ومن غير مايطلب منك حاجة اصلا . غير النرجسي الظاهر اللي بيملي شروطه من اول يوم ولو مسمعتيش كلامه بالحرف بيبدأ يزعق ويتخانق وممكن يضرب ، فهو واضح جدا وسهل تعرفي انه سيء .
خطورة النرجسي الخفي انه مرحلة التحقير والاذلال بتكون تصرفاته فيها مش مباشرة ولا صريحة ولا واضحة بالعكس بيطبطب عليكي بإيد ويطعنك بالتانية ومش بيغلط في الكلام ولا بيضرب
لما بتكوني مع نرجسي خفي بتتعلمي تتجاهلي احساسك الداخلي ومع الوقت بتصدقيه وتكدبي نفسك ، وفجأة بتكتشفي انه برمجك ببطء انك تشوفي الاشياء بالطريقة اللي هو عايزك تشوفيها بيها ، حتى نظرتك لنفسك هو بيغيرها بحيث يقدر يسيطر عليكي عشان تفضلي مصدر الوقود له.

تابعونا على الفيس
اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
قناة التلجرام
https://t.me/learnaboutnarcisest

الكتب
the covert passive aggressive narcissist