ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢

النرجسي بيوصلك انك تشكي في وجود ربنا او انه ربنا مستقصدك او ان ربنا مش بيحبك
لما توصلي انك تشكي في وجود ربنا ولو للحظات في نفسك او حتى قلتي دة للمعالج او الطبيب النفسي ولما تحسي ان ربنا سبحانه وتعالى مش بيحبك او انه بيحب النرجسي اللي بيعصي وبيديه كل حاجة ومخليه سعيد في حياته وانتي بتاخدي على دماغك وبس وبتتهاني وبتتعذبي ومش عارفة تتجوزي او اتجوزتي ومش عارفة تخلفي او اتجوزتي واتطلقتي او اتجوزتي وعايشة في عذاب وذل وهوان مع النرجسي او انه سابك فجأة وراح عاش حياته واتجوز بعدك عشرة او مشي بعدك مع مية وعايش بالطول والعرض وان السعادة في منظورك بقت للاشرار وبس وان فكرة الاخلاق والدين دي فكرة رجعية متخلفة ، او انك توصلي ان كدة كدة ربنا غضبان عليكي او مش بيحبك يبقى انتحر واخلص ماهو كدة كدة تعذيب فمش دنيا وآخرة اموت بقى واخلص ، لما توصلي لكدة (وهنا باستثني اللي عندها اكتئاب او وسواس قهري او أي مرض نفسي ) انا بتكلم عن السوية او اللي اخرها اضطراب مابعد الصدمة ، المهم انك لما توصلي لكدة لازم تراجعي نفسك لازم تبحثي في حياتك وفي تصرفاتك وفي افعالك فيه ايه بتعمليه وصلك لكدة ، زي ماقلت لكم قبل كدة من خبرتي مع الحالات مفيش حالة قالت لي انها شايفة ان ربنا مش بيحبها او انها بدأت تشك ان مفيش رب أصلا او انها بدأت تشوف ان ربنا بيحب النرجسي وبيديه كل حاجة وبيكرهها وبياخد منها كل حاجة او انها شايفة ان ربنا مش بيقف معاها والله مافي واحدة وصلت لكدة الا وفي حياتها ذنب هي مصرة عليه وبتعمله وعارفة انه ذنب وهي بتقول لنفسها انها مش قادرة تبطله زي ايه؟ ، مثلا بتكون بتسمع كلام النرجسي في حاجة تغضب ربنا وتقول خايفة منه او خايفة يطلقني ، وكلكم عارفين ايه اللي بيطلبه النرجسي من زوجته حرام وهي بتهاوده فيه من اول العلاقة الحميمة وطلباته الشاذة فيها لحد انه يكون ديوث ، مرورا بالمخدرات والمسكرات وماخفي كان اعظم ، لما تكوني بتعصي ربنا عشان شخص وهو عارف انك بتعصي عشانه ومامنعكيش ولا حاول يمنعك انك تعصي تأكدي ان الشخص دة نقمة على حياتك وتأكدي انه حيكون مصدر تعاسة وعذاب لكي ، طيب ايه نوع الذنب اللي ممكن تكوني بتعمليه بعيدا عن النرجسي وتكوني أصلا مش واخدة بالك انه ذنب او انك بتعصي ؟ مثلا اللبس المثير اللبس اللي يبين مفاتن جسمك وانتي ممكن تكوني شايفة ان دي حرية شخصية وتكوني مقتنعة بافكار الشباب الطايش اللي بيشوف ان من حقه يعمل اللي هو عايزه في نفسه ، من حقك فعلا ومن حقك كمان تحافظي على نعمة ربنا اللي مديهالك ماترخصيهاش وتمنحيها لاي حد ولكل حد ، جمالك وجسمك نعمة ومش مفروض ان حد ياخد من النعمة دي ببلاش كدة بالرخيص كدة النعمة دي ربنا مديها لك عشان تستخدميها فيما يرضيه تعفي زوجك وتحافظي على بيتك ومملكتك ، النعمة دي ملكك انتي لوحدك ومش مشاع دي انتي ازاي انتي تبقي متاحة للجميع يستمتع بالنظر لمفاتنك ويملي عينه منها ويقول في نفسه مبتذلة ورخيصة ، وهو بيبتسم لك ابتسامة المفترس اللي حيموت وياكل الفريسة ، صدقيني كونك تعرضي مفاتنك ع السوشيال ميديا او في الشارع دة انتي بترخصي نفسك للعامة وبتوحي لهم انك سهلة ورخيصة ودة ناتج عن كونك رخيصة عند نفسك وكل دة كوم وكونك بتعصي ربنا دة كوم تاني ومستمرة في الذنب ومصرة عليه ، وخدوا بالكم انا بتكلم عن الابتذال في اللبس مش بتكلم عن اللي مش محجبة ولا المحتشمة انا بتكلم عن اللبس اللي مش لبس أصلا البنطلون اللي شبه الشراب والشورت الموضة والجيب اللي لحد كذا ،والتوب اللي معري المعدة ، اللبس المبتذل بتاع الجيم واللي بقوا كمان يمشوا بيه في الشارع ، فكري بينك وبين نفسك انتي ليه بتلبسيه وليه بتعرضيه ع السوشيال ميديا وايه الدافع ورا الكلام دة وفكري كدة هل دة ذنب ولا لا ومع ذلك ربنا مامنعش عنك نعمه ولا حاسبك ع الذنب ومديكي فرصة تفهمي لوحدك ولما مافهمتيش بعت لك اللي يفهمك بالعافية بقي اللي يخليكي تقولي يارب الحقني لا وايه بتقولي يارب الحقني وانتي برضه مش شايفاه وبرضه لسة بتعصيه والادهى انك ممكن تعصيه اكتر مع اللي بعته يفهمك(النرجسي) فتنسي ربنا اكتر وتزودي في الذنوب اكتر وبعدين تقولي هو ليه ربنا سايبني اتعذب معاه















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية