ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢
الاستاكوزا و ضحية النرجسي وذوبان الدماغ "شيء عجيب"
ايه علاقة الاستاكوزا بضحية النرجسي وايه موضوع ذوبان الدماغ دة؟
الاستاكوزا او حيوان الكركند قرأت عنه في احد الكتب الثرية لكاتب عظيم وعالم نفسي رائع اسمه جوردان بي بيترسون ،بيقول ايه بيقول ان حيوان الكركند دة زيه زي أي حيوان بيبني لنفسه بيت تحت المية يستخبى فيه ويحمي نفسه من الحيوانات المفترسة ولما بيلاقي البيت ويستقر فيه بيبدأ يعلن سيطرته ع المنطقة اللي هو فيها ولما ييجي ذكر كركند تاني يعجبه بيته ومنطقته يحاول يدخل فيها فيبدأ صاحب السطوة والسلطة يدافع عن منطقته وبتدور بينهم عدة جولات اولاها استعراض مخالب واخرها قطع مخالب وبينهم حوالي ثلاث جولات استعراضية ومناوشات عن بعد وعلى حسب الحرب حتطول ولا الضعيف حيتراجع ويستسلم ، طيب ايه علاقة القصة الغريبة دي بضحية النرجسي ودماغها؟
شوفي بقى ايه اللي بيحصل للكركند المهزوم ولو خرج من المعركة سليم جسديا يعني انسحب قبل التشابك المخالبي اللي عادة بينتهي بقتل احدهم ، او فقدانه احد مخالبه ، المهم ان المهزوم اذا كان في الأصل كان كركند قوي ومسيطر وله سطوة وجه كركند شاب عفي وهزمه بيحصل ايه؟ بيحصل له حاجة عجيبة جدا سبحان الخلاق : دماغ الكركند المهزوم دة بيدوب حرفيا بيدوب وينمو له دماغ جديد خاضع عشان يكون ملائم للوضع الجديد بتاعه لانه تحول من كركند مسيطر لكركند خاضع ذليل من ملك الى تابع ، ولان الدماغ الأصلي للكركند مش متطور زي دماغ الانسان فمش حيقدر يتحمل التحول من ملك الى تابع الا اذا تحلل وإعادة نموه من جديد .
بيترسون بعد ماشرح الية ذوبان دماغ الكركند كتب بالحرف الواحد :
وربما يشعر أي انسان عانى من تحول مؤلم بعد هزيمة مذلة في علاقة رومانسية او في الحياة المهنية بشعور الكركند الذي كان ناجحا ومهيمنا ذات يوم من الأيام
طبقي بقى على دماغ البشر المتطور اللي بيقدر يتحمل التحول من ملك الى تابع لكن الدماغ نفسه بيتغير بيتحول لدماغ تابع زي الكركند ما طلع له دماغ جديد بس بشكل صريح البني ادم بيطلع له دماغ جديد بشكل غير صريح لان الكركند دماغه بيدوب كمادة وبيختفي وبيتكون دماغ جديد انما البشر فالدماغ بتتغير تركيبته ودة اللي بيحصل لاي حد بيدخل في علاقة سامة وبيكون عنده امل في حياة زوجية سوية ومحبة ومودة ورحمة وبعدين فجأة يكتشف انه مع انسان مستغل بيبذل قصارى جهده في تحطيمه وهو بيبذل قصارى جهده في ارضاؤه ودي فعلا اكبر هزيمة ممكن يتهد
العجيب كمان ان الكركند المنتصر بيزيد عنده هرمون السيروتونين فيكون مشبع بالغرور والزهو ومش بيتراجع عن التحدي ،ااما الكركند المهزوم فبيقل عنده مستوى السيروتونين فبيكون منهزم وذليل وبيفضل الهروب ويخاف ويهرب عند اول لمحة للمشكلات .دة بالنسبة للكركند ،تعالوا بقى نشوف البني ادم بيحصل له ايه لما تنخفض مستويات السيروتونين عنده ، قلق واضطرابات ذعر اللي بنقول عليه بانيك اتاك ، اضطرابات الانتباه ودي بتصيب الأطفال وللأسف بلاحظها عند معظم أبناء النرجسيين ، اضطرابات الاكل ، الوسواس القهري ، اضطراب مابعد الصدمة الكآبة الشتوية ودي اسمها العلمي اضطرابات عاطفية موسمية ، اضطراب القلق . دة غير الغضب الزائد ، حساسية مفرطة للالم ، اضطرابات الجهاز الهضمي والارق والشعور الدائم بالارهاق الصداع النصفي ،
طيب بالمرة بقى ازاي نرفع السيروتونين بشكل طبيعي بعد اللي حصل لك ولاولادك من الحياة مع النرجسي ؟
التعرض للشمس بس مش في الأوقات المؤذية طبعا ، التمارين الرياضية بعض الفيتامينات زي الماغنسيوم والاوميجا ٣ نبات الجنسنج
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية