ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢
بمجرد ان تستيقظ ضحية النرجسي فستظل مستيقظة الى الابد
الفيلسوف الألماني فريدريك نيتشة له مقولة انا بشوفها عظيمة خصوصا في حالة ضحية النرجسي ، هو بيقول انه بمجرد ان تستيقظ فستظل مستيقظا الى الابد
ودة اللي مفروض انه بيحصل مع ضحية النرجسي اللي بتصحى فعلا وبتفوق ،ودة اللي احنا بنسعى انها توصل له ، اللي بيحصل ان بعض الضحايا بتسمع عن النرجسية وتعرف عنها كتير وتبدأ تبص على الشريك او الشخص النرجسي اللي في حياتها فاذا كانت لسة نايمة فبتبدأ تنكر ان الكلام مطابق له وتبدأ تهرب من انها تعرف اكتر وتفهم اكتر ،او انها تفضَّل انها تفضل نايمة لانها خايفة من نتيجة الصحوة لانها مش حتقدر تواجه الكارثة اللي هي فيها لانها شايفة انها اضعف من انها تواجه او انها تجد حل او انها تعترف ان حب حياتها طلع مش حقيقي ، المهم انها بتكون تحت تأثير الخوف فبتفضل في ثبات عميق لحد ماتصحى على صدمة من النرجسي نفسه تفوقها بقى وتصحيها .
لكن ليه مانصحاش من الأول ونفوق ونتعلم ،المشكلة ان حالات كتير بتيجي تحكي عن تصرفات النرجسي اللي في حياتها أيا كان هو مين خصوصا الام والزوج بتحكي وهي بتدافع عنه بتحكي وتبكي وفي نفس الوقت تقول يمكن انا مستفزة اصل انا برد عليه اصلي ممكن أكون ظالماه ولما اناقشها بالراحة واسألها بتردي عليه تشتميه تقول لي لا طبعا طيب بتردي تقولي ايه تقول بدافع عن نفسي بقول لا محصلش ،طيب ايه المستفز في كدة ؟ الحالة دي بتكون أصلا اتربت في بيت نرجسي الاب او الام واتعودت انها ماينفعش ترد ولا تدافع عن نفسها وانها لما تدافع عن نفسها حتتئذي ولو دافعت عن نفسها فهي مش مؤدبة ومستفزة فلما راحت للنرجسي هي أصلا رايحة وهي في سابع نومة هي رايحة محطوطة في القالب ومتشكلة جاهزة زي ماهو عايز بالظبط ، ولما بيكون النرجسي خفي خبيث بيقدر يحافظ ع التنويم دة بفتات الخبز وبالفلوس والكرم المزعوم فيذلها ويعذبها وبعدين ياخدها في حضنه ويبوس راسها ويوهمها انه بيحبها ويجيب لها هدية والنوع دة بيكون اخطر مايكون على ضحيته لانها مش بتصحى الا بعد فوات الأوان.
عشان كدة احنا من هنا ورايح عايزين نتكلم عنك انتي ازاي تصحي وازاي تفهمي وتعرفي انك منومة وضايعة حقوقك ؟ ازاي تدركي انك واقعة في فخ الإساءة والذل وازاي تصحي ولما تصحي ساعتها عمرك ماحتنامي تاني يعني عمرك ماحتكوني عرضة للاساءة والاستغلال من أي شخصية سامة ،
ولما تصحي صحي اللي حواليكي ونبهي كل اللي تلاقيها لسة نايمة ، ازاي ببساطة شديدة جدا اقرأي عن حقوقك من ناحيتين من ناحية حقوق الانسان الطبيعية ودي على جوجل حتلاقيها ببساطة والاهم من كدة حقوق المرأة في الإسلام ، حقوقك في ظل الشريعة السمحة ، في ظل عدل ربنا مش ظلم الشيوخ الذكوريين اللي بيهدموا المرأة لصالح الرجل ، ابحثي في السيرة وشوفي حقوق المرأة من معاملة سيدنا عليه الصلاة والسلام لزوجاته ولبنته ولعماته ، دوري في أمهات الكتب او اسألي الشيوخ كل دور الإفتاء متاحة لكي بالتليفون وبيردوا عليكي ومعظمهم شيوخ وسطيين نحسبهم على خير ، اعرفي حقوقك كزوجة وكإبنة افهمي واجباتك كمان كزوجة وايه اللي فعلا لازم تعمليه وحتتحاسبي لو ماعملتيهوش وايه اللي أصلا لو عملتيه وآذيتي نفسك حتتحاسبي على نفسك ، عدل ربنا بعيد كل البعد عن عاداتنا وتقاليدنا في تقديس الذكر وانه من حقه نخدمه سواء كان اخ او زوج او ابن ، عدل ربنا مفهوش ان الزوج يضرب زوجته وبعدين يقع عليها كالبهائم عدل ربنا مفهوش ان الزوج يحرم زوجته من حقها الشرعي ويمنعها تروح جيم نسائي تفرغ فيه طاقتها المكبوتة ، عدل ربنا مفهوش ان الزوج مايصرفش على بيته ويطلب منك انك تصرفي عليه وعلى أولاده وبعدين يأمر وينهي ويدعي ان له القوامة ، لو عرفتي عدل ربنا صدقيني حتصحي ومش حتنامي تاني ابدا


















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية