ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢
ايه اللي بيخليكي تعيشي سنين مع النرجسي من غير ماتنتبهي انه فيه حاجة غلط واذا حسيتي ان فيه حاجة غلط مش بتعرفي ايه هي؟
كتير جدا من الحالات بتيجي تقول لي انا زعلانة من نفسي اني كنت غبية كل السنين دي انا ازاي قبلت ان دة يحصل معايا ، انا ليه ماقلتش لا ومادافعتش عن نفسي ،واضح اني كنت غبية جدا
دي من الحاجات الهادمة لشخصية زوجة النرجسي ومن ضمن أسباب الصدمة اللي بتحصل لك لما تعرفي ان جوزك نرجسي انتي مش بس بتتصدمي فيه انتي بتتصدمي في نفسك كمان لان لما الأمور بتتكشف لك بتلاقي نفسك كنتي قابلة أوضاع ومواقف وحياة غير ادمية وكنتي متعايشة معاها وفاكرة ان دة العادي بتاع البني ادمين وبعدين تبدأي توجهي لنفسك الاتهامات بدون ماتفكري الأول وبالراحة انتي ليه قبلتي وازاي حسيتي ان دة العادي والطبيعي . تعالي نفكر سوا بالراحة وبالعقل كدة ، لما تكوني طفلة في اسرة مفهاش دفء مفيهاش أحضان ماما مش بتحضن وبابا مش بنشوفه ولو شفناه بيكون ع السفرة غالبا الغدا وبس ، او تكوني طفلة بتتربى بالضرب او بالتعنيف اللفظي ،او تكوني شايفة ان ماما طول الوقت بيتوجه لها نقد بسبب وبدون سبب وممكن انتي كمان يطولك النقد دة برضه بسبب وبدون سبب ، ولما تكوني طفلة محدش بيسمع لك لما تحبي تحكي حاجة حصلت لك سواء في البيت او برة البيت بتخافي أصلا تحكيها لانك مش آمنة من رد فعل الكبير اللي بتحكي له سواء كان بابا ولا ماما ، ولما تكوني طفلة ملكيش حقوق وعليكي بس واجبات والتزامات تجاه الكل وانتي مش لاقية حد جنبك ودايما مطلوب منك ومش بتاخدي حاجة على الأقل عاطفيا ، لما يكون أسلوب التعامل معاكي انك تسمعي الكلام بدون اعتراض ولو اتأذيتي ودافعتي عن نفسك يزيد الأذى ، لما تتعلمي في بيت اهلك ان بابا او ماما بتضربك عشان بتحبك ولما تتعلمي ان بابا بيتخانق مع ماما عشان حاجة مش من حقه ياخدها او ماما بتتخانق مع بابا عشان مش قادر ينفذ لها طلب اكبر من امكانياته ، لما تكوني أصلا طفلة عايشة حياة مقلوبة ومش سوية والبقاء فيها للاقوى والاضعف فيها لو مازادش ضعفه حيختفي أصلا من الحياة ، ولما تكبري على ان دة العادي ودي هي الحياة وتروحي لزوج نرجسي وتلاقي ان الحياة معاه اسهل بكتير من الحياة عند اهلك لانك كنتي عندهم طول الوقت مفعول به فلما تروحي للنرجسي اول استقبال منه بيكون مفيش هنا فاعل ومفعول احنا شركاء لكن بشروط والشروط بتكون انك حتكوني نائب فاعل عارفين نائب الفاعل اللي هو اتفعل بيه بدون فاعل زي مانقول أكلت الفريسة هنا الفريسة بنعربها نائب فاعل طيب الفعل اكل والفاعل فين ؟ مفيش النرجسي بيتملص من كل افعاله وبينكر انه اكل الفريسة وبيلبسك انتي في كل اللي حصل وبتلاقي نفسك نائب فاعل في حين ان الحقيقة انك مفعول به بس الفاعل هرب ، في الأول بتصدقيه ان احنا شركاء وان الحياة وردية ولما يبدأ يبث السم بالتنقيط مش بتحسي بيه لانك متعودة انك تاخديه بوضوح في بيت اهلك بتاخديه حقنة او بيتبخ في وشك فعارفة انه سم واضح وكرهتيه وهربتي منه لكن عند النرجسي في الأول مش بيكون واضح وبيكون اهون من اللي في بيت اهلك او حتى لو شبهه فانتي بتكوني متعودة عليه وشايفة ان دي الحياة وكل الدنيا كدة واحيانا تشوفي ان العيب فيكي وان انتي لكي اخطائك ومش معقول كل الناس وحشين وانتي بس اللي كويسة مش معقول ماما وبابا اللي هم القدوة والأمان والحب (شكلا ) مش معقول هم اللي غلط وانتي اللي صح وخصوصا بقى ان النرجسي زيهم او شبههم او بيكرر أفعال تشبه افعالهم وكلمات واتهامات تشبه كلماتهم واتهاماتهم فمش معقول كل دول غلط وضدك فأكيد انتي فيكي حاجة غلط
حالات كتير بتقول لي مش شرط ان حد من الاهل يكون نرجسي عشان انا اتجوز نرجسي انا امي كانت طيبة وابويا كان طيب جدا ، أقول لها مين فيهم طباعه قريبة شوية من طباع زوجك تقول لي بابا وغيرها تقول لي ماما طيب امال ازاي مش شرط
المهم انتي مش غبية انتي كنتي متعودة ع الحياة الغلط فلما كملتي فيها ماعرفتيش انها غلط الى ان أراد ربنا يعرفك


#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية