ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢

لما النرجسي او قروده يقولوا لك عايزة ايه اكتر من اللي انتي فيه انتي عايشة في نعمة
من المصايب اللي بتخليكي ترضخي للظلم والذل والحياة الميتة ان كل اللي حواليكي شايفين انك في نعمة وبتتبطري عليها ، جوزك مؤدب "شكلا ادام الناس" وكريم جدا وبيساعد اللي رايح واللي جاي فاكيد كريم جدا معاكي وممكن سكون كريم معاكي كمان فلوس بالمن والاذى ، وعندك أولاد ماشاء الله يفرحوا ومتربيين وكأنهم مولودين متربيين ومش انتي اللي طلعت عينك عشان تربيهم وتجنبيهم اذى النرجسي وبتحاربي عشان تبعديه عنهم ، وكمان عايشة في مكان كويس ومستوى اجتماعي ومادي هايل ، انتي عايزة ايه تاني انتي لو مش سعيدة في الوضع دة تبقي بتتبطري ع النعمة ومفترية ودة بيخليكي انتي كمان تشكي في نفسك وتتلخبطي هو انا فعلا ليا حق أكون تعيسة وحزينة ولا انا مش بحمد ربنا ومش راضية وانا عايشة احسن عيشة بس انا اللي وحشة ؟
تعالي احكي لك حكاية حالة وانتي حتقولي لي في التعليقات رأيك هي فعلا بتتبطر ولا هي من الصابرين والمفروض تعمل ايه ؟
الحالة بتقول انها اتجوزت شخص محترم جدا ومرتاح ماديا وهي حبته جدا لدرجة انها كانت بتعامله كأنه ابنها لطف وطاعة وخدمة ودلع وكل اللي تقدر عليه وهو في اول كام شهر كان بيبادلها نفس المعاملة بس أحيانا كان يقول لها كلمات كدة غريبة ملهاش أي مناسبة انها تتقال زي مثلا انا قبل الجواز كنت اسافر مع اصحابي ومعانا بنات حلوات وكنا نقضي وقت رائع وهي كانت تسمع الكلام الغريب وتسكت وشوية ويقول لها شفتي فلانة كنت أتمنى تكوني شكلها ، وفلانة شعرها لونه حلو وفلانة طويلة وانا بحب الطول ، المهم كلام كتير معناه انك مش مالية عيني وهي لما كانت تزعل كان يصالحها ويجيب لها هدية ، ويقول لها كلمتين حلوين واستمرت الحياة على هذا الشكل وهي بتقول اكيد مش قاصد يضايقني هو معتبرني صديقته ، ومرت السنين وجت الأولاد وزادت المسئولية ومازال الزوج المحترم جدا ادام الناس وكريم جدا في البيت لكن بدز يقتر عليها وبدا يمنع عنها احتياجاتها وبدات تشوف الخصام اللي بدون سبب وبدأ باسورد الموبايل والتأخير بعد الشغل وبعد ثلاث سنوات من الزواج بدأ يسيب غرفته ويبات في غرفة الضيوف وهي مش فاهمة ليه وتقول يمكن انا ضايقته يمكن انا عملت حاجة زعلته وهو كتوم ومش بيتكلم وتلف وراه وتتحايل عليه وهو كل مايشوفها بتتحايل هي نفسها بتقول كنت بشوف فرحة في عينه وكتير كنت المحه بيبتسم ويداري ابتسامته وانا مش فاهمة هو ايه اللي بيضحك في الموقف انت مكشر طول الوقت ومدوخني وراك ودلوقتي بتضحك وتدور وشك فيه حاجة غلط لكن عمر ماكان ييجي في بالها انه مستمتع بلفها وراه ومحايلتها عليه وانه كان بيستمتع بشخطه فيها وكسفتها لما يقول لها بطلي زن انتي بتلفي ورايا ليه انا مش عايزك تقولي لي مالك ويزعق فيها ، المهم كل دة وكل الناس شايفة الصورة من برة شايفة واحدة عايشة في فيلا وعندها خدم وسيارة بسواق وبتلبس احسن لبس وتروح مكان ماهي عايزة دي الصورة اللي متصدرة للناس ، لكن الحقيقة انها عايشة لوحدها شايلة مسئولية أولادها بالكامل خروجها ورايحة جاية عبارة عن توصيل أولادها للمدارس والتمارين والدروس وبتخلص مصالحهم واخرها تزور أهلها مرة دة لو سمح لها واللبس هو بيلبسها اللي يعجبه ولو هي حبت تغير ستايل لبسها ممنوع ولو حبت تروح مكان هي عايزة تروحه ممنوع ولو اعترضت على أي حاجة في الحياة ممكن تنضرب ولو اتكلمت مع صاحبتها في التليفون في وجوده يعمل لها غضب نرجسي او يحرجها ويزعق لها على أي حاجة عشان يحرجها ويحرج اللي بتكلمها ، ومع أي غلطة مهما كانت تافهة يسب فيها وفي أهلها وبدأ يدخل بقى في الخوض في العرض والشرف لو طلبت تزور صاحبتها يقول لها انتي ايه اللي بينك وبين جوزها ولو راحت لاختها يقول لها انتيب تروحي لها عشان جوزها ولو البواب قال لها سلام عليكم يقول لها ايه اللي بينك وبين والبواب .
طبعا متفقين من اول الجواز ان مفيش شغل ومفيش دراسة ومفيش غير اولادك وللأسف لاهي بتربي أولادها ولا فايقة لهم لانها بتحاول تفهم جوزها حبيبها اللي بيحبها ويذلها وممكن يخونها عشان هي السبب وبتديه الوقت والمجهود كله فمفيش أي طاقة ولا أي حاجة بتديها لاولادها مفيش غير النرجسي اللي بتلف حواليه وهي مغمية عينها ولا شايفة حاجة ولاحد
هي دي حياة احسن حالة حرفيا احسن حالة واحسن ظروف لزوجة نرجسي
هي دي عايشة؟ هي دي في نعمة؟ هي دي لما تعترض ع الحياة دي تبقى بتتبطر؟ هي دي اللي بتبدل في نظارات الشمس مرة كبيرة اوي تخبي نصوشها عشان تداري زرقان العين اللي ضربها فيها المغوار اللي متجوزاه ومرة صغيرة وتلبس كمامة عشان الضربة المرة دي عورت شفايفها وسنانها دخلت فيها ،هي دي اللي عايشة في نعمة وجوزها مدلعها ومهنيها
اللي شايفة نفسها في الوضع دة تقول لنا عملت ايه واللي لسة متلخبطة تقول لنا رأيها دلوقتي


٣-















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية