ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢

ليه النرجسي علاقته بيكي وبأي شريك سطحية وبيهرب من العلاقات العميقة
غير ان النرجسي أصلا معندوش مشاعر او مجمد مشاعره فهو كمان بيخاف من القرب الشديد ويمكن دة اللي بيخليه يتمسك بتجميد مشاعره وبيهرب من العلاج النفسي اللي ممكن يساعده انه يحرر مشاعره ويحس زي باقي الناس ، اللي هو ايه بقى ؟ ان هو خايف يقرب فيكون تابع لزوجته وان هي اللي حتسيطر عليه وتمشيه وعشان كدة حالات كتير تقول ان النرجسي دايما يقول لها انتيب تعامليني بندية او انتي عايزة تبقي الراجل او انتي أصلا عايزة تمشي كلامك ، واحيانا من اول يوم جواز يقول لها انا الراجل هنا وانا اللي كلمتي تمشي وانا اللي باخد القرارات وانتي تنفذي وبس . كل دة كلام اتقال للحالات ودة بيدل على ان النرجسي خايف من ان الزواج يؤدي بيه الى انه يكون تابع لزوجته لانها حتستغل القرب وتحاول تسيطر عليه في حين انها بتكون أصلا ضعيفة ومنكسرة وجاية أصلا من عند اب نرجسي او ام نرجسية وهربانة منهم ولا في دماغها أي حاجة غير انها تبعد عن أهلها او بتكون جاية باحلام وردية مع زوج يحبها ولا في دماغها أي حاجة ومع ذلك هو بكون خايف ،
الحاجة التانية اللي بتخلي النرجسي يعمل مسافة دايما بينه وبينك ودة عند بعض النرجسيين مش كلهم ، هو أصلا عارف انه عنده نقص في المشاعر وعارف انه لو قرب ممكن يفشل في انه يلبي احتياجاتك العاطفية فيبعد أصلا ويبين انه زاهد فيكي وان انتي اللي عندك عيوب بتنفره منك وبالتالي انتي السبب والمشكلة فيكي وهو مش فاشل ولا عنده مشكلة في التواصل هو انتي اللي مش عاجباه ، واي حاجة بيفشل النرجسي في تلبيتها لزوجته بتكون هي السبب ، لو بيقصر في العلاقة الحميمة ومهما كانت هي جميلة او فاتنة الا انه بيفضل يقول لها أي عيوب فيها تخليها تشوف انها وحشة ومش كفاية وانها مش بتثيره ومفيهاش انوثة وعشان كدة هو مش بيقرب منها واحيانا من فرط البجاحة يقول لها انتي مفكيش انوثة والدليل على كدة اني مش عايز اجي جنبك ، دة كلام واحدة من الحالات .
لو النرجسي عمق علاقته بيكي واصبحتوا زوجين عاديين معظم وقته معاكي ومع أولاده وعنده مسئوليات ومشاوير الأولاد وطلبات البيت واحتياجاتكم ويقضي معاكم وقت كافي ولو دة حصل مش حيلاقي وقت لاهله اللي بياخد منهم وقود كتييير ولا حيلاقي وقت لاصحابه ولا حيقدر يكون علاقات بزيادة عشان ياخد منها وقود نرجسي لانك كمان حتطالبيه بالتزامات العلاقة زي انه يوفر لك وقت ورومانسية وكلام حلو وهو ماعندوش أي طاقة للكلام دة هو محتاج طاقته عشان يحصل بيها ع الوقود من المصادر الجاهزة اللي زي امه واخواته فليه يبذل معاكي مجهود بعد مادخلتي الفخ واستقريتي ؟
طبعا قلنا قبل كدة انه بيخاف من القرب لانه لو قرب لحد معين حينكشف وحتعرفي حقيقته وساعتها حتتغيري معاه زي ماحصل لك بالظبط لما شوفتي الفيديوهات وبكدة بيفقد مصدر مهم للوقود فعشان كدة بيفضل انه تكون علاقته بيكي سطحية وغامضة عشان تفضلي مخدوعة فيه وفاكراه ملاك باربعين جناح
لو النرجسي قرب منك وعمق علاقته بيكي فلازم يكون اد العلاقة العميقة دي ماديا ومعظم النرجسيين مش بيحب يصرف بدون مقابل فلو العلاقة عميقة ففيها التزامات لازم يوفيها وهو مش عايز يعمل دة
النرجسي أصلا مش محتاج لعلاقات عميقة لان هو كل همه الاستمتاع الفوري وتلبية رغباته يعني ياكل ويمشي زي مابيقولوا ، هو دلوقتي جاع فحياكل ويمشي مش حيقعد يغني لك عشان ياكل وكل احتياجاته بياخدها بنفس المنطق حاخد اللي انا عايزه بأقل التكاليف وحاخده ولو كان مش حقي وبعدين حهرب فمش حتحمل تمن اللي اخدته ولا مسئولية اللي عملته حخطف واجري لاني مش ملتزم تجاهك بحاجة ودة اللي بيخلي بعض النرجسيين مش عايز أصلا يلتزم في علاقة وتلاقيه بيتنقل من واحدة للتانية ومش عايز يرتبط ولا يتجوز ليه بقى
دة اللي حنقوله الحلقة الجاية ان شاء الله

















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية