ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢

بلاش تكوني مع نفسك زي النرجسي مع اولاده
هل انتي بتسمحي لنفسك انك تحسي بمشاعرك ؟ حبي نفسك ١٠
عايزة تكوني انتي ؟ عايزة تكوني واثقة بنفسك وبتحبي نفسك؟ اسألي نفسك سؤال مهم ،هل انا متاح لي اغضب؟ هل بسمح لنفس احس بالغضب؟ او الحزن او الفرح؟
طيب حبسطها لك اكتر ، لما بتغضبي بتحسي بايه ، اذا كنتي بتكبتي غضبك وبتخافي تعبري عنه فمش حتحسي بالمشاعر دي بشكل صحي وعشان تعرفي دة ابدأي اكتبي وصف لحالتك لما تحسي أي مشاعر ، ازاي؟ مثلا الغضب: جسمي بيكون متوتر ،وشي بيسخن ،اجز على اسناني ، برتعش
طيب الحزن : صدري يضيق ، ابكي ، وجهي يتجهم ،يكشر يعني
الخوف ، الفرح ، الاشمئزاز ، المفاجأة
اوصفي وضعك في المشاعر دي وشوفي انتيب تحسي مشاعرك ولا بتتجاهليها تمهيدا لكبتها ؟
الفكرة ان من حقك تحسي مشاعرك وتتقبلي وجودها لانها جزء منك لكن المهم انك تعرفي تتعاملي معاها صح ، تقبلي وجودها وماتنكريهاش زي ماكن النرجسي بينكرها او زي ما كان ابوكي او امك بينكروها عليكي ،يعني كانوا يقولوا لك ماينفعش تغضبي من اختك ، عيب تكرهي فلان ، مايصحش تتشمئزي من فلان ، دة اسمه انكار المشاعر ودة اللي بيخليكي انتي كمان بقيتي تنكريها واللي ينكر جزء من نفسه يعني بينكر نفسه ويتجاهلها وتزيد الفجوة بينه وبينها وفي الاخر ينفصل عن نفسه وهو دة اللي احنا عايزين نعالجه عشان كدة لازم تتدربي على انك تحسي مشاعرك وتتقبليها وتسمحي لها تمشي خلاص مش تستغرقي فيها ابدا خصوصا المشاعر السلبية
لما تحسي مشاعرك حتعرفي تسامحي نفسك وتعذريها كأنها طفلك لما يغضب وتعرفي سبب غضبه بتعذريه وتسامحيه وتحلي له مشكلته ودة بنسميه التعاطف ،ودة اللي مطلوب منك تعمليه مع نفسك وازاي حنوصل لكدة عن طريق انك تفهمي ان مفيش حاجة اسمها شخص كامل لازم تفهمي انك عشان تكوني كويسة كفاية مش لازم تكوني كاملة رعبتك في الكمال والمثالية بتخليكي تكوني قاسية على نفسك وبتمنعك انك تتعاطفي معاها زي النرجسي بالظبط . مش النرجسي بيكون عايز الصورة تكون كاملة وعايز أولاده يكونوا احسن أولاد في المظهر والدراسة عشان يتفاخر بيهم ادام الناس وعشان الصورة تكمل وبالتالي بيعذبهم ويطلعهم مش اسوياء بسبب ضغطه عليهم عشان يكونوا كاملين وفي الاخر كلهم بيعانوا اضطرابات نفسية بسبب ضغطه عليهم دة . انتيب تعملي كدة في نفسك لما بتكوني لسة بعيد عنها ومنفصلة عنها ولما بتكوني مش قادرة تحسي بقيمتها من الداخل ولما بتكوني لسة معتمدة على الاخرين في انك تحسي بقيمتك وقدرك فبتحاولي تكوني مثالية وكاملة عشان هم يشوفوا دة فيقولوه لكي فانتي تحسي انك بقيتي كفاية وبقيتي لكي قيمة .
لما بتتبني السياسة دي مع نفسك بتكوني اقسى على نفسك من النرجسي على أولاده لانك حتى مش بتعملي لنفسك هوفرينج ولا فترات راحة علطول شغالة جلد ذات ولوم نفس باستمرار ،مش بتسمحي لنفسك تغلطي ولو غلطتي بتلومي نفسك ليل نهار ودة ضد الطبيعة البشرية ، ربنا خلقنا نتعلم بالتجربة نجرب ونغلط ونجرب ونصحح ، لما مايكونش عندك مبدأ التعلم بالغلط حتكوني مش بترحمي نفسك ابدا
اقبلي اغلاطك واقبلي عيوبك عشان تقدري تتعاطفي مع نفسك
اكتبي الصفات السلبية فيكي واقبلي وجودها واللي تقدري تصلحيه صلحيه بدون جلد ذات
مثلا : انا خزانتي غير مرتبة .... لابأس ان أكون فوضوي في جزء من حياتي
أحيانا اتسرع في الحكم على الناس .... لا بأس ان اخذ حذري وعليا ان اتدرب ان لا احكم علي احد
اكتبي خمس أوجه قصور فيكي وفكري نفسك انك انسان ومش كامل وانك بتحاولي تحسني قدر استطاعتك وانك متقبلة نفسك بعيوبها زي ما بتتقبلي صديقتك القريبة منك بكل عيوبها لانكب تحبيها وزي ماتقبلتي النرجسي بكوارثه سنين لانك كنتي متوهمة انك بتحبيه











#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية