ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢

خساير العلاقة مع نرجسي
١- الحزن والاكتئاب والقلق ، طبعا نتيجة للعجز الناتج عن العلاقة مع النرجسي ، او كمان نتيجة النقص المستمر في المشاعر اللي مفروض توصلك من الشريك ، الاكتئاب مرض له علاج ومش مفروض اننا نستسلم له ونهمله لانه ممكن يؤدي للانتحار وكمان القلق المزمن واعراضه زي التوتر والشك في النفس والتعب وله بعض الاعراض الجسدية زي الصداع وتوتر العضلات ومتلازمة التعب المزمن ، واحيانا القلق يوصل اعراضه لضربات القلب السريعة وصعوبة التنفس والدوخة و والشعور بان فيه حاجة فظيعة حتحصل ، وطبعا القلق زيه زي الاكتئاب له علاج ولازم منقبلش وجود الاتنين دول في حياتنا ونستسلم لهم ابدا ولازم ناخد خطوة العلاج
٢- الاحساس بعدم الاستقرار ، في الاول بتكوني مهما قلتي مش عاجبه لازم يكون فيه حاجة غلط اتكلمتي كتير او اختصرتي او قلتي متأخر او كدبتي ، مع الوقت بتلاقي نفسك تاخدي وقت طويل عشان تقرري حتقولي ايه وتفكري الف مرة قبل ماتتكلمي عشان متتعرضيش للحساب منه ، شوية شوية بتلاقي نفسك قلقانة وخايفة من مقابلته ، اول مابيرجع من الشغل الكل بيكون في حالة طوارئ ، مع انه مكنش الوضع كدة قبل كدة ، بعدين بتقولي في الاخر كنت دايما حاسة ان فيه حاجة غلط واحيانا اللي حوالية كانوا بينبهوني مكنتش بسمع لهم ، دة غير بقى تعرضك للجاس لايتينج ووصولك للشك الذاتي ، والمشي المستمر على قشر بيض ، الحياة مع النرجسي بتديكي احساس بعدم الاستقرار وعدم الاحساس بالامان
٣- الاحساس ان مفيش حاجة بتفرحك ودة طبعا او مفتاح من مفاتيح الاكتئاب ، وطبعا دة ناتج عن انك وصلتي لنقطة عدم الاكتراث وعدم الاهتمام وبالتالي كل حاجة شبه بعضها ومفيش حاجة فارقة ، فبتوصلي لنقطة مفيش حاجة بقت تفرحك ٤- الاحساس بالعار ، بسبب الاسقاط اللي عمله عليكي من احساسه هو بالعار والخجل ، وكمان الخجل من انه بيعاملك بالطريقة دي والخجل من انك تحكي اللي بيحصل بينك وبينه ، والخجل من انك مش قادرة تسيبيه ، والخجل من انك يتقال لك انتي ليه مش بتسيبيه وكل دة في الاخر بيوصلك انك تفضلي الانسحاب من العالم الخارجي عشان تريحي نفسك
٥ - الاحساس بالانهاك العقلي والعاطفي، مفيش تركيز ومفيش معنى للحياة وتدهور في العمل والعلاقات والحياة
٦- انعزال عن العالم وفقد جميع العلاقات السوية اللي في حياتك لان النرجسي مش عايز حد يلاحظ اللي بيحصل فيكي وينبهك فتفوقي
٧- أسوأ حاجة ممكن تخسريها علاقتك باولادك لانك كل تركيزك بيكون ع النرجسي وعلى احتياجاته وطلباته وخياناته ومراضاته وطول الوقت تلفي حواليه وفي الاخر مابتاخديش حاجة والكارثة بقى انك كمان خسرتي اولادك مفيش اهتمام بنفسياتهم لانك أصلا محطمة نفسيا مفيش استماع لهم لانك أصلا محتاجة حد يسمعك ومنهكة ومعندكيش صبر ولا أصلا شايفة اولادك انتي في المرحلة دي اولادك أحيانا يكونوا بالنسبة لك أداة لارضاء النرجسي حذاكر لهم عشان هو حينبسط لما يكونوا متفوقين وحربيهم كويس عشان يفتخر بيهم ، لازم ياكلوا كويس عشان مايمرضوش لانه بيخاف عليهم او لانه حيعمل مشاكل وتعملي كل دة عشان تتقي شره مش حبا في اولادك لانك مش شايفة غير النرجسي
٨- طبعا مش محتاجة أقول انك ممكن تخسري شغلك ومستقبلك المهني عشان هو مش عايزك تشتغلي ومهما كانت وظيفتك كويسة الا انه بيصمم يقعدك في البيت ،ومش كدة وبس لو سابك تشتغلي حياخد فلوسك ولو ورثتي حياخد ورثك يعني كمان بتخسري كل مادياتك وبتلاقي نفسك معكيش أي حاجة ولا عندك امان ولا زوج حتى اولادك بيقدر يقلبهم عليكي وياخدهم اذا ماكنتيش لحقتي الباقي من علاقتك بيهم
النرجسي بيجردك من كل شيء في الحياة لحد مايخسرك نفسك





#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية