ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢

٣ طرق النرجسي بيحاول يقنعك ترجعي له بيهم والثلاثة أسوأ من بعض
لما انتي بتسيبي النرجسي وتقطعي التواصل معاه بتضربيه في مقتل لاسباب كتيرة مش وقت نشرحها المهم ان هو مش بيستسلم لقرارك وبيقرر يستعيدك سواء لان هلسة محتاج لك او لانه عايز ينتقم ،المهم انه بيحاول يرجعك بواحدة من ثلاث طرق
١- تكتيك خطير ممكن يعمله النرجسي عشان يقنعك تقطعي قطع التواصل ، بيلبس ماسك جديد ويتقمص شخصية الانسان المحترم اللي بيشيل المسئولية المستقيم اللي بقى بيعتكف في المسجد وبيشتغل ٢٤ ساعة والكريم اللي عنده استعداد يجيب لك حتة من السما ، المهم حيتحول من النقيض للنقيض واي عيب مضايقك حيعمل عكسه تماما ويبدأ يبعت لك قروده الطائرة عشان يشرحوا لك الوضع الجديد ومش بعيد تشوفي دة على الفيس في بوستاته الدينية وكلامه عن انه نصير المرأة او ندمه ع اللي عمله في حبيبته او ندمه على اخطاؤه المهم حيعمل لك صورة جديدة لفارس احلامك ، ويبدأ بقى يوصل لك رسالة مع قروده الطائرة انه بيقول انه طفولته كانت مأساوية وانه كان ضحية الظروف واهله هم السبب في كل التصرفات اللي عملها معاكي وهو حاليا بيتعالج واديكي شايفة النتيجة ، ودة طبعا حيكون اخطر جزئية في التكتيك لانه عارف انك متعاطفة فحيصعب عليكي ومدمنة اصلاح فحتجري عليه عشان تساعديه يتعالج ، وطبعا مش محتاجة افكرك ايه اللي ممكن يعمله لو رجعتي له بعد كل دة والفضايح اللي عملتيها له وعرفتي الناس مشاكله وانه بيتعالج وكمان المجهود اللي عمله عشان يرجعك فلازم حياخد حقه منك وحينتقم شر انتقام وبتكون الحياه بعد الرجوع اسوأ بكتير من قبل ماتقطعي معاه ، ومش محتاجة اكرر ان النرجسي مش بسهولة يتعالج ومش بيتغير بدون علاج فمتصدقيش انه اتغير لمجرد انه غير سلوكه .متفكريش ترجعي عشان تعالجيه انتي اولى بالمجهود دة لانك محتاجة تتعالجي من اثر حياتك معاه واللي عمله فيكي ، استعيدي نفسك واستعيدي حياتك الاول والاهم .
٢- النرجسي ممكن يحاول استرجاعك بطريقة بدائية غبية زيه لكن المشكلة انها بتمس نقطة ضعف عندك اللي هي التعاطف ، هو عارف انك متعاطفة وبيصعب عليكي أي حد فممكن لما تقطعي التواصل معاه يدعي ان عنده كارثة حياتية ، اما حيعمل عملية او عنده مرض مميت او عمل حادث ،او حد مات له ، او فقد وظيفته ، المهم انه حيفجر أي كارثة يجيبك بيها وانتي طبعا بنت ناس واصيلة ولازم تقفي جنبه لحد مايقوم بالسلامة وتعملي بأصلك وبعد كدة حترجعي لقطع التواصل ودي بتكون نيتك ، لكن اللي بيحصل انه بعد ماتواجدتي معاه حيشتغلك طبعا ويفضل يشكر فيكي ويبوس ايدك ورجلك ان انتي اصيلة ووقفتي جنبه وبس خلاص رجعنا للدايرة المسمومة تاني ، المشكلة هنا ان انتي ممكن يكون عندك مشاكل من الطفولة مقدرتيش ترضي احد ابويكي كنرجسي ولسة بتحاولي تحصلي على الحب عن طريق ارضاد الاخرين فتروحي تاخدي بالك منه عشان يحبك وهو اصلا معندوش مشاعر ونلف بقى حوالين نفسنا ، وتفضلي مصدر الوقود للنرجسيين طول عمرك بحثا عن ان حد يحبك ، متقعيش في نفس الجحر مرتين ( المؤمن لا يلدغ من جحر مرتين ، لانه المؤمن يرى بنور الله ) وبطلي تحلي مشاكل الناس وتحاولي تراضيهم وراضي نفسك وركزي في مشاكلك مع نفسك وصالحيها
٣- تشويه السمعة من ضمن الالاعيب القذرة اللي بيعملها النرجسي في حالة قطعتي التواصل معاه وطبعا بيكون عايز ينتقم منك عشان تركتيه وفي نفس الوقت بيعمل لك ارهاب وتهديد انك لو مرجعتيش حيزود في تشويه سمعتك ، وطبعا انتي المفروض لاتلتفتي ابدا للهبل تاع هدة لانها فترة وكل حاجة بتنكشف وكل الناس بتفهمه سواء رجعتي ودة معناه انه كداب والا مكنش رجعك او تركتيه وهو نفسه حيقول انك مفيش زيك وخصوصا لو دخل في مرحلة البكاء والانهيار لما يفقد الامل في رجوعك متشغليش بالك باللي بيقوله انتي مع ربنا وان الله يدافع عن اللذين امنوا فكوني منهم ، وممكن كمان يهددك بانه ياخد منك الاولاد او يؤذيهم وهو بيكون عارف نقط ضعفك وبيحاول يهددك بيها وممكن يتلف ممتلكاتك وممكن مثلا ياخد منك الموبايل العربية زي مابيعاقب اولاده ، وممكن يخرجك من بيتك او يخليكي برة و يروح يغير طبلة الباب (الكالون ) وخصوصا لو انتوا لسة مفيش طلاق وهو يقدر يفتح وطبعا بعضهم بيدخل ياخد اللي هو عايزه ومنهم اللي بيسرق دهب زوجته ، يعني أي شيء ممكن يعمله في سبيل انه يرجعك وينتقم منك في نفس الوقت . مينفعش تعملي قطع اتصال غير لو انتي مأمنة نفسك وبيتك وجاهزة لمناوشات النرجسي .
















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية