ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢
لو اختفيتي نفسيا من حياة النرجسي حيتجوز عليكي؟
تعليقات كتير ع الانستجرام على موضوع انك تختفي من حياة النرجسي بتقول انه كدة هو حيرتاح اكتر او ان واحدة عملت كدة فاتجوز عليها
طيب انتي لو اختفيتي من حياة النرجسي اختفاء نفسي يعني تبطلي تديه معلومات عنك بس ماتقطعيش علاقة حميمة وخدمة او وقود وخدمة وكل واحدة على حسب النرجسي اللي معاها فهو مش حيمشي ابدا ولا حاجة بس كل الحكاية انه ممكن يتغاظ فيعمل غضب نرجسي وممكن يقلق فيعمل هوفرينج وممكن لما يزهق يختفي هو كمان بصمت عقابي عشان يرعبك ويخليكي تتراجعي وبعدين ممكن يكثف التجسس ، وانتي لو كل نقطة من دول استغليتيها صح حتقدري تستفيدي من الاختفاء كويس جدا
اول حاجة لو اتغاظ وعمل غضب نرجسي انتي حتستفيدي انك حتفهمي انه متغاظ منك لسبب حقيقي المرة دي ودة حيشفي غليلك شوية منه "يشفي صدور قوم مؤمنين " وحتحسي بالانتصار من جواكي انك وصلتيه للغضب بس بالحق مش ظلم زي ماهو بيعمل معاكي ، وكمانحتواجهي الوحش بنفسية مختلفة حتواجهي الغضب النرجسي وانتي فاهمة هو حاصل ليه فمفيش الارتباك اللي كنتي بتبقي فيه لما الغضب كان مش مفهوم سببه وفجائي وبالتالي مش حتنفعلي زي الأول ومش حتخافي زي الأول ودة حيجننه بزيادة ومزيد من الانتصار لكي ،المهم ميكونش بيضرب عشان ماتؤذيش نفسك ولو كان من النوع اللي بيضرب حاولي ماتكونيش في المكان او ماترديش ولا تزودي استفزازه
طيب تاني حاجة الهوفرينج ومش محتاجة أقول لك حتستفيدي منه ازاي قلنا قبل كدة كتير
ولو عمل صمت عقابي واختفى هو كمان فدي احسن فايدة تاخديها من الحكاية دي انك ترتاحي لك شوية وتطبقي التشافي براحتك ومن غير ضغط نفسي منه ، ولو كثف التجسس وحاول يقفل عليكي الدنيا فانتي برضه مستفيدة انك توصلي له اللي انتي عايزاه يعرفه عنك يعني مثلا لو هو بيراقب تليفونك فانتي تشاتي مع حد قريب منكم وتتكلمي انك بتفكري تسيبيه لانه بقى عصبي بزيادة ودة حيضر الأولاد او ان فلانة بتقول ان جوزها بيقول عليه كذا اللي هي تحذيرات ان شكله حيبقى وحش ادام الناس او مثلا صاحبتك تقول لك باين من لبسك ان جوزك كريم دة لو هو اللي بيجيب لك لبسك طبعا مش انتي اللي بتدفعي ،فهو يعرف ان الناس شايفة انه كريم عشان بيجيب لك لبس فيزود ، يعني أي حاجة عايزاه يعملها ممكن تستفيدي جدا من تجسسه عليكي في انه يعملها . اما بقي موضوع انه ممكن يتجوز عليكي او انه حينبسط ومش حيهمه لان عنده مصدر تاني او عنده بديل فدة مش صحيح لان هو لو عنده بديل فهو أصلا مش بيقعد ولا يسمع لك ولا عايز يعرف اخبارك ومش شايفك أصلا عشان يحس انك اختفيتي ولا موجودة ، هو لو عنده بديل مش بيكون شايف غيره عشان هو بيرتب خطة الاستفادة منه فلا هو شايف وجودك ولا هو شايف اختفائك . وموضوع انه حينبسط ويرتاح من المسئولية فعلى أساس انه شايلها معاكي أصلا ؟ لو هو شايلها معاكي بما يرضي الله فتأكدي انه مش نرجسي
اما موضوع انه ممكن يتجوز عليكي عشان انتي اختفيتي نفسيا فدة مش منطقي أصلا لان هانتي لسة بتديه حاجتين من تلاتة فمش دة اللي حيخليه يتجوز ولو اتجوز فهو أصلا ناوي وماصدق يتلكك لكن النرجسي اللي مش في دماغه جواز واللي امكانياته ماتسمحش انه يفتح كمان بيت مش حيروح يتجوز ببساطة كدة اما اللي أصلا قادر فهو ناوي ومستني الفرصة ولو الفرصة مجتش هو حيخلقها ويدور على أي خناقة ويكبرها عشان يمشي ويتجوز وبعدين ييجي يقول لك انتي السبب سواء كنتي اختفيتي او لا فمتخافيش المكتوب مكتوب فلو ربنا كاتب انه يتجوز يتجوز وانتي كرامتك مش مهدرة وانتي قوية وانتي مش مدمناه ولا بتجري وراه ولا هو عارف عنك حاجة لا خططك ولا حياتك ولا مشاكل اولادك ع الأقل يكون سمه مكسور شوية


















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية