ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢

امتى وازاي النرجسي يفهم انه فقد ملكيته لكي "انتي مش ملك حد"
هل انتي أصلا مقتنعة انك مش ملك حد ، هل انتي فعلا مقتنعة انك مش ملك النرجسي ولا ملك اولادك او امك او ابوكي؟
يعني ايه انا ملك حد لا طبعا انا مش ملك حد .
طيب تعالي نشوف كدة تصرفاتك بتقول ايه؟ حنبدأ بحاجة بسيطة وصغيرة جدا وحنبدأ باولادك مش اطفالك يعني اولادك اللي بدأوا يدركوا حقك وحقي تمام، انتي لما بتكوني تعبانة ومرهقة ومش قادرة تتحركي من مكانك وييجي ابنك او بنتك تطلب منك حاجة هي تقدر تعملها وانتي تقومي بالرغم من تعبك وتعمليها لها وتبرري دة باي كلام مش مقنع زي هي اية من المدرسة تعبانة او هي وراها مذاكرة او أي تبرير ،خدي بالك مجرد مابررتي التصرف اللي بتعملي فلازم تفهمي انه تصرف غلط فانتي بررتي دلوقتي اذيتك لنفسك ،لانك لما ماتديش جسمك الوقت الكافي للراحة فانتي بتؤذي نفسك ، طيب تعالي نشوف تصرفاتك مع النرجسي من اول يوم عرفتيه وانتي بتدلعي فيه ازاي وبتخدميه ازاي وبتيجي على نفسك وتفوتي له اغلاط اد ايه هل دي تصرفات بتقول انك ملكهم ولا مش ملكهم ،
يعني ايه انتي ملك حد اصلا ؟ يعني الحد دة له مطلق الحرية في التصرف فيكي يعني ايه يعني متحكم فيكي تحكم كامل وانتي ملكيش حق الاعتراض ، لدرجة انه يقدر يتحكم في تفكيرك ومشاعرك وردود افعالك .
طيب هل دة حاصل مع أي حد في حياتك ؟ وهل انتي تقدري تغيري دة؟ وهل انتي اللي ملكتيه نفسك ولا هو سرقها منك؟
شوفي انا مش حتكلم في مين عمل ايه وانتي ملكتيه نفسك ولا هو سرقها عشان الكلام في النقطة دي بيوصلنا للوم النفس ودة مش هدفي خالص انا هدفي اوصلك انك تستردي ملكيتك لنفسك وتبطلي تبقي ملك حد ولو كانوا اولادك .
طيب حنعمل دة ازاي ؟ الأول افهمي عقد الملكية دة ايه بنوده عشان تعرفي تفسخيه ، بنوده انك متاحة طول الوقت للخدمة ليل او نهار لدرجة ان النرجسي او أي حد من اولادك رجع البيت وانتين ايمة من حقه يصحيكي عشان تغرفي له ياكل في حين انه يقدر يعمل دة لنفسه ، كمان من البنود دي انك ماينفعش تقولي انا محتاجة كذا زي انا محتاجة ارتاح انا محتاجة افك عن نفسي انا محتاجة أكون لوحدي انا محتاجة لبس انا محتاجة فلوس ،كل دة مش من حقك تقوليه لان العقد بيقول كدة ، كمان من ضمن البنود الخفية في العقد انك ماينفعش تشعري ماينفعش تشعري بالغضب وماينفعش تشعري بالغيرة وماينفعش تشعري بالاستياء والحزن ماينفعش يكون لكي أي نوع من المشاعر انتي لازم تحسي اللي النرجسي عايزك تحسيه ولازم تكوني مبتهجة طول الوقت عشان نفسية اولادك ولازم ردود افعالك تكون زي ما النرجسي عايز يعني لما يعوزك تنبسطي تنبسطي ولما يحب يعصبك وتغضبي تتعصبي ولو ماتعصبتيش يفضل يستفز فيكي لحد ما تنهاري ، حتى ردودك وكلامك مش من حقك تمتلكيهم انتي لازم تقولي اللي هو عايزك تقوليه وتردي باللي هو عايزك تردي بيه
طيب لو دي بنود العقد اللي انتي مضيتي عليها بالفعل وانتي منومة مغناطيسيا من قبل ماتعرفي النرجسي انتي مضيتي عليها للاقوى للسلطة الابوية النرجسية في طفولتك واستمر العقد الى ان تم توريثه او منحه للنرجسي وانتي بنفسك عملتي له تمليك او منح لحد جديد بعد النرجسي اولادك وممكن جدا اشخاص تانيين في حياتك زي صديقة مقربة او مديرك في العمل
المهم كدة عرفتي بنود عقد ملكيتهم لنفسك وشخصك؟ طيب ازاي بقى حنخرج من العقد دة وازاي نسترد الملكية دي ؟ عايزة شغل كتير لازم العقد دة يكون قضيتك من النهاردة ،لازم تشوفي ايه اللي انتي خسراناه بسببه ، خدوا بالكم انا مش بحرضك انك ماتراعيش اولادك ولا بحرضك ماتقوميش بواجباتك ولا بحرضك تنسحبي من حياة اهلك والناس اللي محتاجة لك لا اطلاقا انا بدعوكي لامتلاك نفسك وفي نفس الوقت تعملي كل واجباتك وتاخدي كل حقوقك
الموضوع طويل ومحتاج حلقات كتير وان شاء الله حنزل لكم كل أسبوع بالكتير حلقة في استرداد الملكية النفسية
















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية