ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢
البند التاني من بنود العقد واللي لازم نمحقه ونسحقه سحق هو انك ممنوع عليكي تقولي كلمة انا عايزة كذا ، او انا محتاجة كذا ، إحساس مرير بالعار لو قلتي انا عايزة الشيء الفلاني او انا محتاجة اعمل كذا، ليه؟ لانك اتعودتي من طفولتك انك ماينفعش تقولي انا عايزة لان كل ماتطلبي حاجة تتواجهي باتهامات انك انانية ومش بتحبي غير نفسك وانتي طلباتك بتكون بسيطة ومشروعة او ان طلباتك بتكون طفولية ومن غير أي ادراك اذا الوالدين حيقدروا يلبوها ماديا ولا ل ألانك كنتي طفلة ومش مدركة مدى امكانياتهم فهم سواء بجهل او بنرجسية كان رد فعلهم علي طلباتك ان دي انانية وان انتي مش مقدرة تعبنا او مش شايفة ان لكي اخوات محتاجين زيك او اتقال لك لا انتي مش محتاجة الشيء دة او مش من حقك تاخديه ومش بيكون الرد دة بيتقال مرة فنقول لهم حق ويمكن انتي طلبتي فعلا حاجة مش من حقك لا دة بيكون دايما الرد على أي حاجة تقولي انك محتاجاها ، واحيانا بيكون الاحتياج مش مادي أحيانا بيكون معنوي يعني محتاجة اهتمام او مساندة او وقت من احد الوالدين ودايما بيكون ردهم انا مش فاضي انتي مش شايفاني مشغول او مشغولة ، او رد باستهزاء وسخرية زي انتي كبرتي ع الكلام دة او بلاش تلزيق او انتي اتدلعتي اوي ، كل الردود دي بتعلمك انك مش من حقك تطلبي ومش من حقك تحتاجي ولازم تاخدي اللي يتقدم لك وتقدريه وتتذلي أحيانا عشان اخدتيه والمصيبة بقي لو كنتي مميزة عن اخواتك بحاجة واهلك كل يوم يعاقبوكي ع التميز دة زي مثلا حالة جميلة جدا واختها مش جميلة او جمالها عادي والام النرجسية او حتى الجاهلة طول الوقت تراضي في اختك بانها تقول لك الجمال مش كل حاجة ، الجمال جمال الروح انتي جميلة اه بس اختك روحها احلى اوانتي جميلة بس دمك تقيل او اختك دمها خفيف عنك ،او ماتتنططيش علينا وطبعا اذا طلبتي أي حاجة انتي محتاجاها حيتقال لك لا حنجيبها لاختك لانها محتاجة ، لازم نلبسها كويس لازم نعتني بيها عشان تثق بنفسها ،معلش اختك أولى وجمل زي دي تخليكي تكرهي نفسك وجمالك وتخليكي تتعلمي انك ابدا ماتطلبيش لا احتياجاتك ولا حقوقك تجنبا لسماع الجمل الهدامة اللي بيقولوها لك ، وخلاص بتكبري علي معتقد ان اللي بيطلب او بيعبر عن احتياجاته انسان اناني وطماع وانا مش كدة اكيد انا حد مثالي ولازم اثبت دة لكل الناس حتى لامي وابويا اللي عمرهم مانصفوني يمكن بقى ينصفوني دلوقتي وطبعا بتروحي بالمعتقد دة لبيت النرجسي واللي هو بيكون دارسك زي ماقلنا وفهم كل نقط ضعفك وبيبدأ يتك عليها ويكمل تعليمك ان مش من حقك تطلبي ولا تعبري عن احتياجاتك وهو بقى بيعلمك بطريقة قذرة وفي منتهى القسوة اللي هي لو طلبتي او عبرتي عن أي احتياج بيقابل دة بغضب نرجسي او صمت عقابي ومعاهم اتهامات فضيعة بالانانية والجشع والطمع وعدم التقدير فبتكون النتيجة استمرار في السكوت والاقتناع بان مش من حقك يكون لكي احتياجات .
ازاي تخلص من البند دة ؟ لازمك تفهمي حقوقك زي مابتفهمي واجباتك لازم تعرفي ايه اللي من حقك شوفي حلقة "اعرفي حقوقك واعرفي ازاي تطلبيها وتخافظي عليها في علاقتك مع النرجسي"
افهمي ان دي حقوقك اللي ربنا اداها لك وافهمي انك لازم تحافظي عليها واعرفي انك مسئولة عن نفسك ادام رب العالمين
لما تعرفي ان دي حقوقك حتقتنعي انك لازم تطالبي بيها وتدافعي عنها ، وكمان لما تقربي من نفسك وتحبيها وتحترميها حتدافعي عنها وعن حق،قها زي ما بتدافعي عن طفلك او عن صديقتك او اختك انتي مش اقل من ذول انتي مش اوحش حد تعرفيه عشان طول الوقت مهملاه ومش بتدافعي يعنه انتي أصلا اهم حد عند نفسك انتي اول حد حيحاسبك عليه ربنا ،
كمان عشان تمسحي البند دة لازم تتعلمي تثقي في نفسك عشان لما تثقي فيه حتقدري تطلبي من غير خجل وحتتخلصي من الشعور بالعار اللي بيلازمك لما بتحسي ان لكي احتياج لانك بشر ومفيش بشر مش بيحتاج وكمان لازم تبطلي تبحثي عن المثالية والكمال لان دول هم اللي ودوكي للشخصية الاعتمادية وهم اللي وقعوكي فريسة للنرجسي
كفاية بقى جري ورا سراب الكمال لان دة مش لنا مش للبشر الكمال لله وحده .يارب تفوقي بقى
















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية