ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢

- انتي اللي في ايدك كل حاجة
النرجسي لئيم وخبيث ومسيطر وشيطان وكل اللي انتي عايزة تقوليه انا معاكي لكن انتي ايه ايه صفاتك ايه دورك في حياتك انتي فين ردود افعالك انتي ايه اللي مكتفك ومسكتك انتي ايه اللي مخليكي تقبلي الوضع المهين اللي انتي فيه وخصوصا اللي بتنضرب وتتخان ويتخاض في شرفها ، ايه اللي مكبلك ومخليكي مش قادرة تقولي لا مش حقبل دة
١- انك بتنكري الواقع انتي بتنكري انه مش بيحبك بتنكري لانك مش عايزة تصدقي بتنكري لانك مش قادرة تتحملي الصدمة جهازك النفسي بيحميكي من الانهيار فيحاول يعمل لك حيلة دفاعية اسمها الانكار يخليكي تصدقي انه نرجسي اه ولئيم اه وبيغيظك اه كل دة بتستوعبيه ولكن مش مستوعبة ولا مصدقة انه مش بيحبك مع انك بالمنطق كدة واحد بيحب وبيتلذذ بانه يغيظك ويوصل لك للانهيار وبيجيب لك امراض ولما تمرضي يهرب ومايكونش جنبك انتي شايفة دة وعارفاه والمنطق بيقول ان محدش بيحب حد ممكن يعمل فيه كدة لكن لانه كان بيتلاعب بيكي من البداية فهو عامل لك تنافر معرفي اللي هو هو بيحبني بس عصبي فبيؤذيني بعصبيته بس مش قاصد يؤذي او هو بيتعصب عشان خايف عليا او هو بيضربني عشان بيحبني وبيغير عليا زي ما كانت امي او كان ابويا بيضربني عشان اذاكر عشان خايف عليا او كان بيضربني عشان بيربيني عشان بيحبني ، انتي اتزوع جواكي ان الحب لازم يكون مصحوب بالاذى فلما بتلاقيه مع النرجسي بيكون عادي وبيكون صعب عليكي تستوعبي انه مش بيحبك وخصوصا لو انتي في اول الجواز وعندك طفل في السنوات الأولى من عمره اللي هو بيكون ميدالية النرجسي شايله طول الوقت وبيلاعبه وانتي تفكري انه بيحبه او لو النرجسي خبيث وبيحاول يقرب من الأولاد على أساس يضمنهم في صفه ويجيب لهم الألعاب ويخرجهم وبيتنافس معاكي علي حبهم في الحالة دي بيتهيأ لك ولكل الناس انه بيحب أولاده ، ودة بيزود لخبطتك ، ويخليكي تنكري ان النرجسي مش بيحب ، طول ما انتيب تقنعي نفسك انه بيحبك طول ماحتفضلي سجينة المهانة
٢- الخوف اللي مزروع جواكي خوف من الوحدة وخوف من الفقر وخوف من بيت اهلك ورجوعك له وخوف من المجتمع وخوف من كلام الناس وخوف من الفشل وخوف من الشماتة وخوف النرجسي حيعمل فيكي ايه لو قلتي لا ، خوف من الطلاق وخوف من الانفصال ، واجهي الوحش واقتلي خوفك
٣- انتي مش عايزة تعترفي بغلطك ! ايه دة بقى احنا فينا من كدة انتي حتبكتينا انتي كمان ؟ شوفي انا مش بلومك ابدا ولا عايزاكي تلومي نفسك بالعكس انا هدفي أصلا انك تتخلصي من لوم النفس لكن المشكلة انك مش حتقدري تغيري أي حاجة انتي مش شايفة انها محتاجة تتغير ، يعني لما أكون شايفة نفسي مفياش عيب ومش بغلط يبقى اكيد حكون شايفة اني مش محتاجة اغير حاجة في نفسي والأخر هو اللي لازم يتغير ودة بيخليني عاجزة عن التقدم خطوة في حياتي ، لازم تشوفي اخطائك اللي عملتيها في حياتك مع النرجسي من اول يوم شوفتيه فيه ، وكل واحدة لو وقفت وقفة صدق مع النفس حتعرف ، خلينا مانتكلمش عن أخطاء في حق الله سواء سمحنا له بتجاوزات او غيره ، ربنا غفور رحيم وخلينا نقول انه كان ساحر واحنا ماشفناش العلامات الحمرا وخلينا نقول اننا كنا بنهرب من بيت الاهل اللي كله مشاكل وكل دة كان أسباب للتسرع في الجواز منه ، لكن بعد كل دة انتي كنتي بتدي بدون حساب وبتتنازلي برضه بدون حساب وبتسامحي بدون حساب وبتتئذي وترجعي تاني ويقول لك مش عايزك وترجعي تاني ويطردك في نص الليل وترجعي تاني ويضربك ويخوض في عرضك وترجعي تاني ، انا عارفة انه كان بيضحك عليكي مرة بكلمة حلوة ومرة يبكي ومرة يركع لكن في كل مرة بترجعي بدون ماتحكمي عقلك وكنتي سايبة مشاعرك هي اللي تفكر وتقرر سواء مشاعر إيجابية حب وتعلق او مشاعر سلبية خوف ، انتي لكي يد في اللي حصل لانك كنتي منساقة ورا احتياجك الشديد للحب والقبول والتقدير ،طيب دة كان احتياج وغصب عنك انا عارفة ومش بقول لك انتي غلطانة عشان الومك انا بقول لك انتي كان لكي يد وبالتالي تقدري تغيري انتي مش عاجزة انتي تقدري

















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية