ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢

استردي ملكيتك لنفسك حرري نفسك من استعباد النرجسي لكي
النرجسي فاكر نفسه دفع فيكي كام؟ دفع مهر وشبكة ورجع باع الشبكة والمهر جبتوا له بيه عفش يعيش عليه ،هو اتكلف ايه عشانك انتي شخصيا؟ طيب بلاش دي هو بقى امتلكك على أساس ايه ماهو عقد الزواج من النرجسي دة عبارة عن عقد تملك بينص على ان الزوجة ملكية خاصة للزوج وليس لها أي حقوق هو امتلكها وبقت مستعبدة والحلقة اللي فاتت اتكلمنا في الموضوع دة بالتفصيل واتكلمنا عن بنود عقد الملكية وقلنا ان انتي أحيانا بيكون لكي يد في العقد دة واحيانا بتسلميه بايدك لاولادك ولناس تانية غير النرجسي الزوج
النهاردة حنتكلم عن نقض البنود واسترجاع ملكيتك لنفسك وحناخدهم بند بند ، اول بند قلناه الحلقة اللي فاتت :
اول بند انك متاحة طول الوقت ودة اوحش حاجة ممكن الانسان يعملها في نفسه ، انك تكوني متاحة طول الوقت دة مش مفروض يكون غير لرضيعك وبس لحد مايتفطم ويكبر ويمشي ع الأرض وياكل ويشرب لوحده ويتكلم ويقدر يعبر عن طلباته واحتياجاته ساعتها حيكون مش من حقه انك تكوني متاحة له ٢٤ ساعة في ال ٢٤ ساعة ، ليه لان من حقك تنامي ومن حقك ترتاحي ومن حقك تختلي بنفسك ولان الطفل اصبح عنده القدرة على البقاء لوحده مع العابه او في حضانته او نايم يعني فيه أوقات ينفع يستغنى عنك فيها ، طيب غير كدة ماينفعش تكوني متاحة لمخلوق طول الوقت لازم انتي بنفسك تكوني مقتنعة بكدة عشان تقدري تنفذي دة ،انا عارفة انك شخصية متعاطفة وممكن تكوني اعتمادية ومابتعرفيش تقولي لا ولا بتعرفي تدوري وشك عن حد محتاج لك ولو على حساب صحتك كل دة انا عارفاه لكن برضه كل دة لازم تتعالجي منه لانك زي ماحتتحاسبي على اللي حواليكي واللي انتي مسئولة عنهم حتتحاسبي عن نفسك ووقتك وعمرك وصحتك فلازم تقتنعي ان ماينفعش تهلكي صحتك عشان أي حد أيا كان مين الا الرضيع اللي لاحول له ولا قوة وطبعا الأطفال أصحاب الهمم والمرضى ،لكن باقي الناس مش من حقهم انك تكوني متاحة لهم طول الوقت واللي لازم تفهميه ان اللي يطلب منك تكوني متاحة له طول الوقت لازم تفهمي انه بيستغلك سواء بيستغلك بشكل واعي يعني عارف انه بيستغلك او بشكل غير واعي ودول بيكونوا اولادك أحيانا لما تكوني مرتبطة بيهم جدا ومعوداهم على العطاء اللامحدود فهم خلاص اتعودوا على كدة وشايفين ان دة حق مكتسب ولو قصرتي فيه يزعلوا فدول برضه بيستغلوكي بس وهم مش واخدين بالهم ومش قاصدين شر بس هو بيكون عشم زيادة عن اللزوم وانتي اللي بتكوني السبب في العشم دة لانك انتي اللي مش بتقولي لا ،انتي اللي مبسوطة بكدة انتي اللي بتكوني عايزة تنامي وتيجي على نفسك عشان ماتزعليهمش وتسهري معاهم انتي اللي بتكوني مش قادرة تقفي وظهرك بيموتك من الألم وتقفي تحطي لهم عشا وهم بصحتهم وقادرين لكن قاعدين يلعبوا ولا يتسامروا وانتي تقولي مش عايزة اضايقههم ولا مش عايزة اقطع عليهم اللمة الحلوة ودة كلام مش منطقي وكتير الحالات بييجي وقت تقع فعلا ويجروا بيه ع المستشفيات ولما بيكون الأولاد اسوياء بينتبهوا وبيبدأوا يراجعوا نفسهم ويقرروا انهم يريحوها لكن لو الأولاد شربوا من النرجسي ولا بيهتموا ولا بيفكروا غير في هم عايزين ايه ومش بيحسوا بامهم اللي وقعت وصحتها انهارت . طيب الام دي بقى هي اللي مفروض تسمع الكلام دة كويس وتقرر حتعمل ايه في نفسها وتفكر كدة انها لما تقف ادام ربنا يسألها عملتي ايه في جسدك وصحتك حتقول له ايه حتقول له خفت أقول لا وماخفتش من وقفتي دي ادامك ، اذا ربنا جل جلاله مش بيكلفنا فوق طاقتنا احنا ليه نسمح للبشر يكلفونا فوق طاقتنا ؟ لان احنا محتاجين منهم حاجة اللي هي ايه اللي هي التقدير والقبول اللي احنا محرومين منه داخليا وتاني بنلف نلف ونرجع نقول قدري نفسك وحبيها عشان تقدري تحرريها تابعي كورس حبي نفسك ع القناة
ملخص الحلقة انك ماينفعش تكوني متاحة طول الوقت لاي حد غير ربك لانك محتاجة له مع كل نفس بتتنفسيه ورضيعك لانه محتاج لك مع كل نفس بيتنفسه



#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية