ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢
لما النرجسي يقول لك انتي مش حتعرفي تعيشي من غيري
لما النرجسي بيحس انك خلاص نويتي تهربي او حتى بدأتي تتغيري وتفهميه وبيبدأ يقلق ويحس انه فقد السيطرة عليكي يقول لك هو انتي فاكرة انك تقدري تستغني عني؟ هو انتي فاكرة ان حد حيبص في وشك أصلا؟
النرجسي أصلا عارف انه شخصية سيئة وصعب أي حد يتحمله ومنهم كتير اوي يقول لزوجته في اول الجواز لما تفكري تسيبيني حعمل كذا وكأنه متأكد انها مش حتقدر تتحمله ، وبعضهم يقول مصيرك حتقولي لي مش قادرة اكمل ،او تفتكري حتستحمليني ،واللي بيقولها بطريقة عدوانية يوم ماتفكري تسيبيني حعمل فيكي كذا وكذا ، المهم انهم فعلا عارفين ان محدش يتحملهم وبعضهم بيقولها صريحة انا عارف ان محدش يستحملني وعشان هو عارف كدة فهو من البداية بيعمل حساب اليوم دة بيبدأ يحبسك ويمنعك من انك تقضي أي مصلحة ويعلمك تعتمدي عليه في كل لحاجة عشان بعدين لما يبدأ يقرفك بطبعه وعصبيته واستفزازه وتلاقي نفسك مش قادرة تستحملي وتفكري تهربي تلاقي نفسك بتسألي نفسك طب انا مين حيعمل لي كذا ومين حيجيب لي كذا ومين حيصرف وحجيب منين وطبعا بتكوني قعدك من شغلك واتحبستي كام سنة اللي هو انتي خلاص نسيتي ازاي تمشي في الشارع لوحدك أصلا ، وساعتها النرجسي بيقول لك بكل ثقة انتي مش حتعرفي تعيشي من غيري ، واحد بيقول للزوجة التانية عن طليقته هي مش حتعرف تتأقلم مع حد بعدي ابدا ، وهو كان في منتهى اللؤم والخبث معاها وخياله المريض بيصور له انها مش حتعيش بعده ،عشان كدة اوعي تستسلمي للاعتماد على أي مخلوق أصلا في حياتك ،من اول يوم كل واحد يشيل مسئولياته وبما انك بتشتغلي وبتخرجي يبقى مصالحك تعمليها بنفسك أوراق مدارس اولادك تعمليها بنفسك ، أي مصالح واي مشاوير عودي نفسك انك تعتمدي على نفسك فيها لو زوجك سوي يبقى ترحميه وتقسموا المسئوليات مع بعض ولو جوزك نرجسي يبقى انتيب تقدري تعتمدي على نفسك وتقدري تديري حياتك في وجوده وفي عدم وجوده ، واحدة من الحالات لما وقفت للنرجسي ع الطلاق بقى يقول لها انتي فاكرة نفسك قوية انتي أصلا ضعيفة انتي ماتقدريش تعيشي من غيري مين حياخد باله من تفاصيلك انتي ازاي عايزة تحاربي العالم دة عشان هي قررت تنسحب من حياته تبقى حتحارب العالم لانه موهوم ان العالم كله اللي بيحبه حيحاربها عشان حتسيبه ، دي نظرة النرجسي لنفسه ولكي وانتي شخص سوي ومفروض انك حتى لو شخصية اعتمادية مفروض انك عندك عقل ومنطق وحكمة مش عند النرجسي فمش مفروض تصدقي الكلام اللي بيقوله لكي وانتي عارفة ومتأكدة انه عايز يكسرك وان كلامه مش صحيح لكن انتي لسة جواكي خوف ولسة جواكي قلق ولسة جواكي شوية ادمان بيخلوكي تقولي في نفسك يمكن عنده حق يمكن انا ظالماه يمكن فعلا مقدرش أعيش من غيره هو أحيانا بيكون كويس ، ماتخليش الخوف يغلبك ومتساعديش النرجسي ولا غيره يكسرك . انتي بنفسك انتي تقدري تاخدي بالك من نفسك وانتي تهتمي بتفاصيلك انتي تقدري تستغني عن أي حد وتعتني بنفسك انتي مش محتاجة حد عشان تعيشي انتي أصلا اللي معيشة النرجسي وأولاده انتي اللي بتراعي وانتي اللي بتطبطبي وانتي اللي بتصرفي وانتي اللي مرتبة الحياة انتي اللي بتربي وانتي اللي بتذاكري وانتي اللي شايلة المسئولية كاملة وهو بيروح الشغل ويخرج مع أصحابه وبييجي يلاقي البيت والأولاد بتكبر والحياة مستقرة والصورة ادام الناس مكتملة ، مين فيكم اللي مايقدرش يعيش من غير التاني ، النرجسي هو اللي مايقدرش يعيش من غيرك ولو سابك ومشي حيدور على نسخة منك برضه يشيلها الشيلة بالكامل دة لو استحملته وعاشت معاه ، النرجسي هو اللي مايقدرش يعيش من غير ظل له يخدمه ويديه وقود وعلاقة حميمة ويرتب له حياته وياخد منه فلوسه ويستغله ،
مش انتي اللي مش حتعرفي تعيشي من غيره ولما يقول لك كدة قولي له اقدر وانت اللي مش حتقدر انت اللي معتمد عليا في حياتك كلها ولو عايز تجرب جرب ، ماتخليش النرجسي يضعفك ولا تسمحي له يهددك

















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية