ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢
ليه بعد ماتبعدي عن النرجسي بترجعي تاني؟ ازاي ماتبصيش وراكي أصلا؟
كل ما ابعد عن النرجسي وأقول مستحيل حصدقه تاني ومستحيل حيقدر يرجعني ومستحيل احن له ،الاقي نفسي بتراجع والاقي نفسي برجع مجرد ماييجي يقول لي معلش وحقك عليا انا تعبت من نفسي
رضوى الشربيني قالت جملة حلوة اوي هي اللي اوحت لي بالفكرة دي ، رضوى قالت اللي بيمشي زعلان ممكن يرجع انما اللي بيمشي فاهم مابيرجعش
دي حقيقة فعلا انتي لو مش فاهمة انه نرجسي طول الوقت بيموت فيكي وانتي تزعلي وتنقهري ومجرد مايبتسم في وشك ترجعي ولانك متعاطفة فبتسامحي عمال على بطال وملكيش حدود فتمام تعالى كمل شغلك في هدمي ، ولما بتعرفي انه نرجسي ولكن لسة مافهمتيش النرجسي دة شكله ايه واوصافه ايه وايه اللي جوة نفسه والشر اللي مخزون فيها ،لسة مش فاهمة عارفة بس مش فاهمة في الحالة دي انتي لسة بتمشي عشان زعلانة ،عارفين يعني بتمشي عشان زعلانة يعني زعلانة منه وزعلانة منه يعني انتي كنتي متوقعة انه يعمل غير كدة ومتوقعة منه انه مايعملش الشر دة ابدا وزعلانة عشان مفروض انه بيحبك فازاي يعمل كدة ، ماهو احنا مش بنزعل غير من اللي عندنا فيه عشم فكونك ماشية زعلانة فدة معناه انك متخيلة انك بتحبي الشخص دة او متخيلة انه بيحبك او حتى متخيلة انه شخص سوي فلما بيغلط بتزعلي ، لكن بقى لما مثلا بتكوني عارفة ان الشارع اللي وراكم فيه كلب مسعور حتزعلي ؟ ولا حتفهمي ان ماينفعش تمشي في الشارع دة ولا تمري من جنبه ؟ فلما تفهمي مش تعرفي وبس لا تعرفي انه نرجسي وبعدين تفهمي يعني ايه نرجسي وتفهمي انه مش بيحب وتفهمي انه بيؤذي عن عمد وانه كان بيستغلك وانه كان بيغيظك وبيهدم ثقتك بنفسك عن عمد وبيهدم شخصيتك عن عمد لما بتفهمي كل دة مش بتزعلي منه بتزعلي على نفسك وعمرك وصحتك ،لكن بتكوني فاهمة انه شخص غير سوي ماينفعش تديه امان وماينفعش يتحب وماينفعش تتوقعي منه خير ابدا فلما تقرري تبعدي بيكون مستحيل مستحيل ترجعي والمقصود نا بالبعد مش شرط جسديا البعد النفسي ودة اهم الف مرة من البعد الجسدي ، البعد النفسي هو اللي بيسهل وبيحقق البعد الجسدي ، المهم انك عشان تقدري توصلي للخروج بلاعودة لازم تكوني فاهمة انتي مع مين لازم تكوني فاهمة الشخصية واد ايه مضطربة ولازم تكوني فاهمة انه مش بيقدر يحب ابدا مهما عمل ومهما بين لك فهو كذاب وخدي بالك اننا بنتكلم عن الشخصية النرجسية اللي انتي متأكدة انه نرجسي ، وزي ماقلت لكم قبل كدة العلم والفهم اعدى أعداء النرجسي لانك لو فهمتي حتهدي كل اللي عمله . عشان كدة فعلا اللي بيمشي فاهم عمره مايرجع ،خلاص مش حينضحك عليه تاني ، وخدي بالك لازم تفهمي نفسك كمان مش تفهمي النرجسي وبس لازم تفهمي انتي ليه وقعتي في نرجسي وليه سمحتي له يعمل فيكي اللي عمله وليه كنتي راضخة وليه حدودك مفتوحة وليه متخيلة ان ينفع اؤذيكي عشان بحبك وليه نفسك مش مهمة عندك ، او ليه انتي زعلانة من نفسك وليه بتعاقبيها وليه مش عايزة تساعديها ومين اللي وصلك لكدة ، افهمي نفسك واعرفي هي مين ابدأي تغيري وتصلحي فيها اتعلمي واقرأي اكتر واسمعي اكتر عشان تفهمي العالم اللي حواليكي وتفهمي الناس وتفهمي ان الدنيا زي مافيها خير وحب فيها شر وخداع ، اكتر حاجة بتعطل ضحية الشخصيات السامة انها بتكون مش قادرة تستوعب ان فيه شر بالشكل دة وانها بتكون شايفة العالم بمراية قلبها اللي بيحب وبس وبتتخيل ان العالم كله حب وان مفيش بني ادم حيحب يؤذي حد بيحبه وان الناس كلهم طيبين ، دة كلام الحالات اللي مش قادرة تخرج من العلاقة السامة هم بيقولوا لي كدة انا مش قادرة اصدق ان فيه حد بالشر دة ، هي مش مستوعبة ان النرجسي كان قاصد يضرها كل الضرر دة ، هي مش قادرة تستوعب انه باللؤم والشر دة ، وبعضهم أصلا مش عايزة تصدق وعندها انكار تام وتقول اكيد انا اللي ماعرفتش افهمه واستوعبه ، واكتر حالات الانكار بشوفها في انكار نرجسية الاب والام واذاهم ودة بيخليكي متجمدة في جرح الطفولة وقابلة اذى النرجسي لان انكار انهم اذوكي بيخليكي شايفة ان النرجسي كمان بيحبك زيهم مش بيؤذيكي داخ ايف عليكي
لو فهمتي انتي نفسك حتتغيري وتفكيرك حيتغير وشخصيتك حتتغير



















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية