ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢

اتعلمي ماتتنازليش عن حقوقك لا مع النرجسي ولا مع غيره
لما تفوقي فجأة وتلاقي نفسك ملطشة للي رايح واللي جاي ، الكل مش بيحترم حدودك والكل عايزك تخدميه والكل عايز ياخد منك ومايديكيش ، تفتكري المشكلة فين فيهم ولا فيكي؟
تفتكري أصلا انتي لما فوقتي هم عملوا كدة ولا هو دة الوضع من زمان وانتي اللي كنتي مغيبة ومش شايفة أصلا ايه اللي بيحصل حواليكي ؟ طيب هم كل الناس دول نرجسيين واستغلاليين ولا فيه منهم ناس كويسين ومش قاصدين يستغلوكي؟
شوفي الحقيقة اللي انتي لازم تفهميها ان انتي اللي عاملة دة مش الناس انتي اللي دايما متاحة للجميع وانتي اللي دايما مستعدة تعملي كل حاجة لاي حد ، انتي اللي عندك احتياج دائم للعطاء ، واذا انتي ماادركتتيش النقطة دي فيكي حتفضلي تدي وماتاخديش وفي الاخر تحبطي وتزعلي من الناس ،
الناس اللي متابعة قناتنا عارفة ان دة غالبا بيكون بسبب الشخصية الاعتمادية ، ومش حنتكلم عنها النهاردة عندنا قايمة تشغيل عنها وعن كيفية التخلص منها ، النهاردة عايزة أقول لك ان الناس اللي حواليكي سواء مستغلين او انتي علمتيهم يستغلوكي او خلينا نقولها بشكل الطف انتي علمتيهم يعتمدوا عليكي في كل حاجة مش هم اللي مفروض يتغيروا عشان انتي ترتاحي لا اطلاقا انتي اللي لازم تتغيري وانتي اللي لازم توقفي العطاء بالتدريج وانتي اللي لازم تكوني فاهمة انتي عايزة ايه ومش عايزة ايه وتكوني صادقة مع الناس وفي الأول لازم تكوني صادقة مع نفسك ، الناس دي اتعودت منك انك دايما حاضرة ودايمة موجودة وانك عمرك مابترفضي لهم طلب فاي حد فيهم بيحس انه محتاج حاجة بييجي يجري عليكي عايز يفضفض لحد بييجي يفضفض لك ليه لان انتي الوحيدة اللي مش بتقولي لا انتي اللي لطيفة وبتتسمعي لهم كلهم وانتي اللي لطيفة ومش بترفضي أي خدمة لحد وانتي الوحيدة اللي فاضية لهم باقي الناس مشغولة وانتي واضح لهم انك مفيش حاجة وراكي دي الصورة اللي واصلة لهم ،ماهو انتي ولا مرة قلتي لهم لا انا مش حقدر سامحوني معنديش وقت او مثلا انا عندي موعد النهاردة مش حقدر اشوفكم او انا النهاردة خارجة مش حينفع استقبلكم ، انتي ممكن تلغي او تؤجلي ميعاد الدكتور بتاعك عشان فيه ضيوف جايين لك وماتقدريش تقولي ياجماعة شرفونا في يوم تاني عشان انا مرتبطة في اليوم دة ولو كان ارتباطك مش دكتور ولو حتقابلي صاحبتك المهم انك عندك موعد سابق لكن ماتقدريش تقولي لا ولو الموعد المسبق مهم بتتورطي وتقعي في مأزق وماتبقيش عارفة تتصرفي اعمل ايه أقول لا ازاي ، دة انتي ودي صورتك عند اللي حواليكي انك طول الوقت متاحة وعمرك مابتقولي لا وعمرك مابتحرجي حد ، وبالتالي أي حد بيحتاج حاجة مين اول حد ييجي في باله انتي انتي المضمونة والمتاحة ومين اللي عمل كدة انتي برضه ، انتي اللي علمتي اولادك انك متاحة ومستباح حقوقك ونفسك لهم ولابوهم ، طبعا انتي عارفة هم اتعلموا دة ازاي ، ابوهم علمه لهم عن طريق معاملته السيئة لكي وانتي علمتيه لهم عن طريق ضعفك وخضوعك له ،وبعدين علمتيه لهم عن طريق انك برضه متاحة لهم وخصوصا في الخدمة طول الوقت ماعلمتيهمش يعتمدوا على نفسهم عشان تكوني شايفة كل حاجة وعشان تطمني ان كل حاجة تكون برفكت وانهم يكونوا شاطرين في دراستهم فتذاكري بهم بنفسك لانك مش واثقة فيهم وتجهزي لهم اكلهم بنفسك عشان هم مش حياكلوا الا اذا اكلتيهم ويبقوا كبروا وبقوا شباب ويصحوكي من النوم عشان تأكليهم وميعرفوش يكووا هدومهم وانتي اللي تكوي ، انتي اللي بتعملي كل حاجة وهم بيتفرجوا عليكي انتيب تدي كل حاجة وهم اتعودوا ياخدوا وماتعلموش يدوا وبعدين لما تفوقي تقولي هم اللي وحشين هم بقوا نرجسيين هم طالعين لابوهم،
الموضوع موضوعك انتي اتعلمي تقفي وتقولي لا مش حعمل دة عشان مش حقدر او مش مناسبني او ماعنديش وقت ، غيري نفسك واللي حواليكي حيتغير بالتبعية

















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية