ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢

النرجسي بيتغذى على خوفك ازاي توقفي دة؟
شفتي النرجسي لما يبرأ لك ويجز على سنانه وانتي تترعبي وتترعشي وتبقي مش فاهمة فيه ايه ولو سألتيه فيه ايه يزيد في التبريء والتخويف ومايردش عليكي؟
عمرك سألتتي نفسك هو بيعمل كدة ليه؟ طبعا لا مسألتيش نفسك لانه بعد مايوصلك للرعب والمحايلة عليه عشان تعرفي فيه ايه بيقول لك أي سبب تافه او يتهمك اتهام زور ومش حقيقي ويعمل لك غضب نرجسي وتقتنعي انك غلطانة وان له حق وان انتي السبب في انه غضب لانك غلطتي وانتي فعلا ماعملتيش أي حاجة او انك تقولي لنفسك هو فهم غلط ولو دة اللي فهمه فله حق يغضب وبالتالي مخك مش بيشتغل مخك مش بيتسائل هو عمل كدة ليه .
شوفي انتي عارفة ان النرجسي فاقد للاحساس بالأمان فهو بيحاول يعوض دة بإيه انه يوهم نفسه انه قوي ومفيش حد يقدر يهدد امانه فازاي حيحس انه قوي لما يشوفك مرعوبة منه ، يعني النرجسي بيتغذى على خوفك ورعبك وترويعك ،طيب ازاي نتخلص من الحكاية دي ونوقفها بدون معارك كبيرة؟
شوفي كان فيه حاكم روسي اسمه ستالين اكيد بعضكم عارفينه ستالين دة كان قصير بدين بشع ويفتقر الى الخيال كويس ، ستالين دة كان شخص مرعب ومقابلته كانت تمثل رعب لاي حد لان أي هفوة معاه تؤدي لمصير اسود وكان من عادته انه يبرأ في اللي ادامه لحد مايوصل لاقصى درجات الرعب . المهم ستالين في الحرب العالمية عايز حد يؤلف له نشيد وطني جديد ، وطلب يجيبوا له الموسيقار ديمتري شوستاكوفيتش وزملاؤه اللي اشتغلوا ع النشيد وراح الفريق بالكامل وقابلوا ستالين وبدأ ستالين ينتقد احد المؤلفين وبدأ المؤلف يعترف انه جاب موزع سيء المهم بدأ المؤلف يدور على اعذار وفي نفس الوقت من كتر خوفه بدأ يعرض باقي الفريق للخطر والكل عارف ان ستالين بيكون بلا رحمة ان شم رائحة الخوف .
هنا تدخل شوستاكوفيتش وبدأ يغير دفة الحديث ويغير الموضوع وبذكاء وجه سؤال ذكي لستالين ، هل مفروض المؤلف الموسيقي هو اللي يوزع بنفسه فما رأي ستالين في هذا المسألة ، ولان ستالين طبعا شره لتبيين خبراته وقدراته الهشة ابتلع الطعم واندمج في الرد على تساؤل شوستاكوفيتش وعدى الموضوع على خير ،
ايه بقى اللي عمله شوستاكوفيتش عشان يخرج مع فريقه بدون حسائر في الأرواح ؟ حافظ على حضوره العقلي مخلاش الخوف يشله ،فكر في ستالين القصير البدين كشخص عادي فان مش اله ولا خارق هو بني ادم وانك ميت وانهم ميتون ، يعني هو مش ربنا يحيي ويميت ولايرزق ، فلما فكر في ستالين بالشكل دة قدر يوجه له الكلام بصوت متزن وبدون خوف ، هو أصلا ستالين بيستخدم النظرة الشرسة كحيلة يخبي بيها احساسه بعدم الأمان "دة كلام التاريخ عن ستالين" وكل اللي عمله الموسيقار الذكي انه كلمه بثبات وحسسه انه مش خايف منه واداله عضمة يتلهي فيها وظبط له مزاجه بشوية وقود إيجابي لكن وهو بمنتهى القوة والثبات
مفتاح عدم الخوف هنا كان ايه ؟ ان سوشتاكوفيتش اقنع نفسه ان ستالين مجرد شخص قصير سمين ودة برضه كلام التاريخ عن الموقف
طيب انتي بقى لازم تقنعي نفسك ان الشخص اللي ادامك دة مجرد طفل فاقد الشعور بالأمان وبيستخدم حيلة التبريء والإرهاب عشان يخبي مشاعره دي ، لما تخافي من النرجسي فكري نفسك بالمعلومات اللي فهمتيها عنه هو مجرد بني ادم خايف وحاسس بعدم الأمان ، ماتبصيش لصورة النرجسي المزيفة اللي هو بيدعيها شوفي اللي جواه شوفي داخله المليان بالضعف والخوف حتقدري تقتلي خوفك منه لان خوفك أصلا مش منه دة من الخرافة اللي وهمك بيها عن نفسه وعن قدراته وانه على كل شيء قدير ويقدر يعمل فيكي اللي هو عايزه ويقدر يمنع رزقك ورزق اولادك ، وطول ما الأفكار دي انتي معتنقاها طول ماربنا حيقول لك انتي شايفاه بيرزقك وممكن يموتك او يحييكي فخلاص خليه ينفعك
حطي النرجسي في حجمه الحقيقي عشان تعرفي تتخلصي من الخوف هو مجرد شخص بياكل ويشرب ويدخل الحمام وبينام وبيموت يعني هو مش خارق ومش اله وتحت ايد ربنا . ازاي تخافي منه لدرجة الذعر ازاي
لو بطلتي تخافي من النرجسي حتقدري تحافظي على سيطرة عقلك على مشاعرك ويبقى عندك ثبات انفعالي







#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية