حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢
ليه النرجسي بيقدر يفرض سيطرته عليكي وازاي تاخدي مكانه؟
النرجسي بيفرض سيطرته عليكي بالمعارك والحروب من اول يوم ومش بس كدة دة هو أصلا مايقدرش يعيش من حروب ومعارك وفهمه للموضوع انه من غير حروب مفيش انتصارات ودة له اصل في علم النفس ،اللي هو ايه
عالم نفس الأطفال بياجية بيقول ان الصراع هو جزء أساسي من التطور العقلي ،من خلال المعاوك مع الاقران ثم مع الاهل يتعلم الأطفال التأقلم مع العالم وتنمية استراتيجيات تمكنهم من التعامل مع المشكلات ، وبعدين قال نقطة مهمة جدا ،قال ايه الأطفال اللي بيتجنبوا الصراع بأي تمن وكان بيحيطهم أهلهم بالرعاية الفائقة "اعتقد كمان الأطفال اللي اتربوا بالعنف والرعب وبيخافوا أصلا يدخلوا في أي صراعات بينطبق عليهم نفس الكلام" بينتهي بيهم الحال الى انهم يكونوا معاقين اجتماعيا وعقليا .
لما يكون المعارك جزء من التطور والنمو وبعدين يقف النمو النفسي في المرحلة دي حيفضل الطفل فيها ومش حيقدر يخرج منها نفسيا حيكبر جسدا وعقلا لكن نفسيا حيفضل محبوس كطفل جوة المنطقة بتاعة المعارك اللي بيها عايز يحصل على النصر ،وفعلا بيكون متمرس فيها بحكم التكرار مش بحكم الذكاء ابدا ، والدليل علي كدة ان النرجسي مش بيروح يحارب حد قوي دة بيحارب اضعف خلق الله المرأة والأطفال ، لكن لو هو حروبه ومعاركه صحية وسوية كان يتبنى قضية ويحارب من اجلها مثلا ، لكن هو مازال طفل يحارب الضعفاء ، ولو المرأة كانت قوية بتقدر تكسب كل المعارك معاه وبتحول المعارك لالعاب ذكاء بدل ماهي حروب ومعارك تبقى العاب وتسالي وفعلا معايا حالات وصلت لكدة وحالات في الطريق الموضوع محتاج انك تعترفي الأول انك عايشة مع شخص معاكس لكي شخص ضدك على طول الخط ، وتعترفي داخليا لنفسك مش ليا ولا للثيرابيست اللي بتتابعي معاه لا لازم تعترفي لنفسك وتتضح لكي الرؤية تماما ان انتي مع حد فعلا مؤذي ومش حبيب ولا محب ولما تشوفي دة بوضوح ساعتها حتقدري تشوفي بوضوح بقى صفاته والاعيبه ،وعلى فكرة وجود النرجسي مفروض يقويكي ويخرج منك احسن ما فيكي من صفات وقوة لان العدو دايما محفز على التقدم والتسلح وعشان كدة معظم الزوجات لما بيدركوا وجوده او يدركوا انه نرجسي يعني عدو بيتغيروا تغيير جذري بيفوقوا وبيشتغلوا وبينجحوا وبيدرسوا وبينتبهوا لاولادهم وفي نفس الوقت مش بيجروا ويسيبوا بيتهم ومملكتهم لا قاعدين ومتعايشين وبيسيطروا ع الوضع ، اكيد فيه أوضاع مش بينفع فيها التعايش فمش دول اللي بنتكلم عنهم اكيد ،
شوفي روبرت جرين بيقول ايه والكلام للستات اللي بقول لها انتي مهمة عند النرجسي بس دة مش معناه انه بيحبك لا اوعي خالص هو انتي مهمة عشان هو محتاج لك شوفي روبرت بيقول ايه ، ان تتعرض للهجوم فهذا يعني انك مهم بما فيه الكفاية بحيث تصبح هدفا ، يجدر بك ان تستمتع بالانتباه الذي تحظى به وبالفرصة التي امامك لكي تثبت نفسك ،
لحد هنا وكلام مقبول وكويس كمان وانتي فكري فيه كويس وحاولي تطبقيه لكن بقى الجملة الجاية مبدأ نرجسي بحت ودة تفكير النرجسي جدا جدا جدا : جميعنا لدينا ميول عدوانية نجبر على كبتها ، العدو يوفر لك منفذ لاخراج هذه الميول . أخيرا اصبح لديك شخص يمكنك ان تطلق في وجهه عدوانيتك من دون ان تشعر بالذنب .. طيب هو انتي بالنسبة له عدو؟ طبعا أي حد مش معاه فهو عدوه ، طيب ما انتي كنتي معاه في الأول ، ايوة كنتي معاه لكن جه وقت خلفتي واتلهيتي في البيبي فبقيتي مش معاه ، وفيه ناس بيكون عدواني من اول يوم ودة بيكون من النوع الكاره للمرأة ودة ضحيته بتكون عدو من اول ما عرفها طبعا









#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية