حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢
لما تكتشفي انك عايشة مع نرجسي وتقرري تتعايشي لازم تغيري مفاهيمك أصلا عن الزواج
المعروف ان الجواز مودة ورحمة زي ماقلنا في حلقة أيه لحب وايه الخداع النرجسي . طيب انتي لما تكتشفي ان جوزك نرجسي هل حينفع تتعاملي معاه كزوج مفروض يكون بينك وبينه مودة ورحمة ولا الوضع حيختلف وحنبدأ بقى نحط خطط للحياة والتعايش علي أساس الوضع الجديد ؟ اللي هو ايه الوضع الجديد اللي هو انك عايشة مع شخص مش بيحب مجمد مشاعره . حالات كتير بتيجي تقول لي انا في مرحلة الانكار وبعضهم يقول لي اه هو بينطبق عليه كل صفات النرجسي لكن هل هو فعلا مش بيعرف يحب ،بس هو بيحب أولاده او بس هو بيحب مامته ،للأسف هو مجمد مشاعره وللأسف اغلبهم بيكون خلاص مايعرفش يشغلها تاني وهو دة اللي انتي لازم تفهميه وتفهمي انك حتتعايشي معاه طالما قررتي تكملي ، انتي حتكملي مع روبوت بس شبه البني ادمين وبالتالي انتي مش مع زوج تنطبق عليه المودة والرحمة ابدا انتي أصلا بتعيشي مناورات ومعارك معظم الوقت ان مكنش طول الوقت ، اذا انتي عندك المرونة والحكمة والذكاء اللي يخليكي تقدري تسيطري وتتعاملي بدون مشاعر فانتي تمام كملي لو انتي معندكيش دة يبقى اسحبي نفسك اذا تقدري ، او انك تبدأي تغيري مفاهيمك وتغيري نفسك عشان تقدري تعيشي معاه وأول حاجة لازم تفهميها ولازم تعمليها انك تغيري تفكيرك تغيري معتقداتك الغلط اللي اكتسبتيها من حياتك في الماضي ، ولازم تصالحي نفسك وتشفي جراحها وتتحدي معاها وتكوني انتي وهي جبهة واحدة وتخلقي منها صديق مؤازر بدل ماهي معظم الوقت بتعاديكي وانتي بتعاديها وبدل ماتلعبي مع الخصم بتلعبي مع نفسك وتهزميها ، حاولي تفكري بشكل جديد وزي مابيقولوا تخرجي برة الصندوق غيري طريقة رد فعلك ع الأمور ودة عشان تعمليه لازم تغيري افكارك اللي بتسبب رد الفعل دة ، اذا انتي فهمتي انك ادام شخص مختل وبيهاجمك هل حتفضل ردود افعالك عليه زي ما كانت لما كنتي فاكراه جوزك حبيبك ، هل منطقي ان رد فعلك لسة حيكون انفعالي وعصبي ، هل يعقل انك لسة متعشمة في انه يرحمك او يفهم انه بيؤذيكي ويهتم او يندم او يعتذر ، هي دي المعتقدات اللي لازم تغيريها وتقبلي الحقيقة وتتأقلمي معاها ومع نتايجها ، هو دة اللي حيخلي مشاعرك مش متفجرة وغضبك تحت السيطرة لان الانسان بطبعه بيغضب لما حاجة مش منطقية تحصل او بيغضب لما بيخاف فلما انتي تعرفي انك بتتعاملي مع شخص مش منطقي وانك بتتعاملي مع شخص هش وجبان فأكيد لا حتغضبي ولا حتخافي فانتي عشان توصلي للي انتي عايزاه من ثبات انفعالي وردود فعل مميتة للنرجسي لازم تتصالحي مع الوضع الجديد والصورة الجديدة للزواج اللي غالاب محدش عارف عنها حاجة وممكن الكل بينكرها والكل عايز ينكرها لانه بتحمي الأغلبية العظمى من المجتمع للأسف سواء رجال او نساء فبالتالي الأغلبية دي لازم تنكر انها شريرة واي حد شبهها حتنكر انه شرير وحتدافع عنه وحتهزم الضحية الضعيفة عشان كدة مش لازم تكوني ضعيفة مش لازم تكوني ضحية أصلا لازم تكوني اقوى لو كل الستات اللي بتسمعني وبتسمع غيري عن النرجسيين قدروا يفهموا ويعرفوا اللي حواليهم اللي مفروض انهم ضحايا نرجسيين لو كل واحدة فيكم حطت في دماغها انها تعرف عشر سيدات بان فيه حاجة اسمها نرجسية حنقدر ننشر الوعي ونكتر ونتغلب عليهم حنقوي كل الزوجات الضعيفات انا مش بقول حنخليها تتطلق ابدا تتعايش بس تاخد حقوقها كإنسان له كرامة وله حياة وله روح مش مضغوط لحد مايجيله امراض نفسية ويتجنن . لازم نتحرك وننشر الوعي عشان نقوي الزوجات ونعرفهم اللي بيحصل فيهم عشان نكون احنا الاسوياء اكتر واقوى ونقضي ع الأقل على بذور النرجسيين اللي بيطلعوهم لنا النرجسيين من أولادنا ، لازم نشتغل على نشر الوعي ، صفحتنا ع الفيس بوك اللي اتهكرت كان فيها ١٦٩الف متابع الله اعلم مين هكرها وليه وماعملش بيها حاجة وقف حالها انا بعتب ردة تحدي والله اعلم وبناء عليه عملت صفحة جديدة وحكبرها تاني وحنشر الوعي تاني ولحد اخر نفس مش حبطل اهاجم الظلم اللي في البيوت ومش حبطل ادعم الزوجات المقهورات ومش حبطل افضح النرجسيين
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية