حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢
اتصرفي كملكة تتعاملي من الناس كملكة" الحياة مع النرجسي كدة كدة حرب جربي تحاربيها صح"
معاناتك مع النرجسي وصلتك انك أصلا مش بتحبي نفسك ودي أسوأ حاجة ممكن يوصل لها بني ادم لان عدم حبك لنفسك بيظهر على ملامحك ولغة جسدك واحتقارك وتقليلك لنفسك بيظهر برضه وبالتالي الناس بتشوفك بالظبط زي ما انتي شايفة نفسك بما فيهم النرجسي اللي بيوصل لاقصى مراده لما انتي توصلي لكدة ، عشان كدة لازم تتعلمي تحبي نفسك وفي نفس الوقت كمان لازم تتعلمي تتصرفي كملكة خصوصا مع النرجسي ،لازم تفهمي كويس ان المكانة اللي بتحطيها لنفسك هي غالبا اللي بيحطها لك الناس بغض النظر عن انك وصلتي للمكانة المتدنية بسبب اهلك او زوجك ،المهم انك لازم تغيريها لان التعامل بتدني وتواضع زيادة عن اللزوم خصوصا مع الناس المضطربة والسامة حيجلب عليكي ازدرائهم في الاخر ، اتصرفي كملكة والزمي نفسك بالوقار والعزة فحتجبري اللي ادامك مهما كان هو مين انه يحترمك ويرهبك ، ازاي تعملي دة؟
حاجة اسمها استراتيجية التاج :
ايه بقى استراتيجية التاج دي؟ ححكي قصة صغيرة عن احد العامة اللي بقى يجالس الملوك واسمه خلده التاريخ ، اكيد كلكم عارفنه كريستوفر كولومبس اللي اكتشف الامريكتين ، هو أصلا كان ابن نساج متواضع لكنه سوق لنفسه على انه ابن الكونت كولومبو وانه من عيلة عريقة وكان دايما يحاول الوصول للحكام عشان حد يمول رحلته البحرية اللي كان عايز يلاقي من خلالها طريق مختصر لاسيا ولكن شاء القدر انه يكتشف قارتين جداد ، المهم ان كريستوفر كان بيدخل ع الملوك ويتعامل معاهم بمنتهى الثقة بالنفس ويطالبهم بتمويل رحلاته وهو واقع الحال مايعرفش أي حاجة عن البحرية ولا البحر ومع ذلك من كتر ماكان بيتكلم بثقة لدرجة انه كان بيطلب انه ينوب عن الحاكم في الأراضي اللي كان متوقع يستكشفها في اسيا ،يعني واحد بيتكلم بثقة فائقة خلت الملوك يحترموه وفي النهاية قبلت الملكة ايزابيلا انها تمول رحلتين له الأولى فشلت والتانية هي اللي كان فيها الاكتشاف العظيم ، كريستوفر خلق لنفسه تاج ولبسه وبعدين اتصرف بناء عليه ، هو اللي اخترع لنفسه نسب مش بتاعه واقنع الناس بيه لانه كان شايف انه يستحق انه يكون سليل النبلاء
انا طبعا مش بقول لك ادعي نسب مش نسبك ولا عيلة مش عيلتك انا بقول لك البسي التاج اللي لبسه كريستوفر وقدر يقعد مع الملوك وهو أصلا ابوه نساج ، ميزة كريستوفر انه كان بيشع ثقة بنفسه بالظبط زي ثقة النبلاء ومكانش عدواني ولا نرجسي لكن كان ذكي وكان حابب نفسه وواثق فيها وواثق انه يقدر يعمل اللي محدش عمله ، ،الفكرة في ثقة النبلاء واللي انا عايزاكي تكتسبيها انهم مكنوش محتاجين يثبتوا نفسهم ولا يؤكدوا مكانتهم هم كانوا مقتنعين داخليا انهم يستحقوا الأفضل وابدا مايطالبوش بالقليل وكان كولومبوس نظرته لنفسه هي هي نظرة النبلاء لانفسهم ، انهم مختلفين عن عن الناس وان قدرهم هو تحقيق البطولات والاعمال العظيمة ،
استراتيجسة التاج اللي اتبعها كريستوفر بتعتمد على ايمانك ان قدرك هو تحقيق إنجازات عظيمة بيوصل للي حواليكي وبيدركوه فيكي وبيؤثر فيهم ويقنعهم انك فعلا عندك القدرة على انك تعملي اعمال عظيمة فعلا ، لما بتحسي بقيمة نفسك صح بيكون جواكي إحساس انك تستحقي انك تطلبي وان من حقك تاخدي اللي بتطلبيه وان مفيش حاجة كتير عليكي طالما حقك ،
اللي لازم تفهميه ان انتي اللي بتحددي سعرك لنفسك ، الطريقة اللي بتظهري بيها نفسك بتعكس تقديرك للي بتستحقيه ،اذا طلبتي حقك بذل وخوف ورانتي بترتعشي من الخوف من النرجسي عمره ماحيديهولك ، جربي تطالبي بحقك بقوة وبثقة وجازفي وشوفي ايه اللي حيحصل ، الحياة مع النرجسي كدة كدة حرب سواء طلبتي او ماطلبتيش فخليها حرب وانتي فيه احتمال تكسبيها بدل ماهو اللي علطول كسبان ،صدقيني انتي تقدري تكسبيها بس جربي.









#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية