لحجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢
عايزة تهزي النرجسي وتشتتيه فاجئيه
النرجسي دونا عن باقي البشر بيحب الحياة الرتيبة اللي مفهاش تغيير عشان مايتعبش نفسه في التفكير وعشان طول ما الدنيا ماشية ع السيستم اللي هو حاطه لكي طول ماهو مسيطر ومتطمن ، فانتي مفروض تعملي ايه ؟ تعملي له تشويش على دماغه وتفكيره ، وتربكيه بالتصرفات الغير متوقعة ابدا منك ولو كانت تافهة وغبية ، زي مثلا انا بحب اسهر فجأة بقيت احب انام بدري بدون مقدمات فجأة ،انا بحب البرتقال بقيت بكرهه فجأة ، بحب الاغنية الفلانية فجأة بقول ايه التفاهة دي ، شوفي الحاجات الصغيرة دي لما تتغير ومعاكي حد سوي عادي ولا حيفرق معاه لكن النرجسي حيرتبك لان أي تغير ولو تافه فيكي حيخوفه لانك حتخالفي الخطة الكونية اللي هو راسمها لك ، والاجمل بقى ان تصرفاتك المفاجئة دي تكون مش مفهومة ولا مفهوم سببها ولما يسألك تقولي مش عارفة انا كمان مستغربة مبقتش حابة الشيء الفلاني ، مش عارفة ليه تصدق وتكوني بتتكلمي بمنتهى الثقة .
الحكاية دي بترعب النرجسي ليه لانه على مافسر تحركاتك وفهمك كان بذل مجهود جامد فانتي لما تتغيري حتتعبيه تاني وحيعيد من الأول وحيبدأ يخاف واذا كان عنده طاقة فحيبدأ يحاول يراقب تاني من اول وجديد وحيبدأ يخاف ويقلق .
الشطارة ان لما تعملي التصرفات المفاجأة دي ماتكونوش في مرحلة خناق ولا صمت عقابي ولا القاء وتخلي تكون الدنيا هادية عشان هو مايقولش بتنكشني او بتحاول تلفت نظري لا اعملي دة وانتو كويسين مع بعض وزي الفل عشان تاخدي النتيجة اللي انتي عايزاها واللي هي تلهيه في حاجة بدل اهو قاعد يخطط يقرفك ازاي وتحسسيه انه رجع للمربع صفر
خدي بالك ان انتي من اكبر مشكلاتك مع النرجسي انك مش عارفة تتوقعيه لان دة بيخليكي قاعدة قلقانة ومتوجسة ومش عارفة الخبطة حتيجي منين ليه لانه كل مرة يطلع لك بحاجة فجأة وهو دة اللي مفروض تعمليه .
فجأة انا عايزة اسافر ،او حروح لاختي الي كنتي مقاطعاها بقالك سنة او حزور امك اللي انتي برضه مقاطعاها او سلفتك اللي مش بتحبيها ، فجأة حدرس وهو عارف انك بتكرهي المذاكرة ، فجأة تعالى انقي لك عروسة ، او توافقي على حاجة طول عمرك رافضاها
شوفي روبرت جرين بيقول ايه : اهل السطوة يبثون الرهبة فيمن حولهم بتعمد
استفزازهم وتوتيرهم حتى تبقى المبادرة في أيديهم . عليك ان تضرب أحيانا دون انذار او مقدمات لتجعل الاخرين يرتجفون .
شوفي بيقول ايه عن احد امراء إيطاليا : كان فجأة يكون كريم جدا مع واحد من موظفينه لحد ما الموظف يفكر انه خلاص حياخد منصب عظيم وفجأة يتعامل معاه باحتقار شديد لدرجة ان الموظف يتباعد عنه على اد مايقدر وساعتها يستدعيه الأمير ويحسن اليه من اول وجديد فيفهم الموظف ان الأمير بيتضايق من رغبته في المنصب والتقدم فيبدأ يتصرف بتواضع اكتر ويبدو انه مش متوقع انه يكون في المنصب فيقلب عليه الأمير ويتهمه انه مبقاش طموح وانه لايصلح لشيء وهكذا ، وبالطريقة دي الأمير بيكون مش مفهوم وبعدين روبرت جرين بيفسر سر التعامل مع الأمير دة انك ماتفترضش انك عارف هو عايز ايه ولا تحاول تخمن ايه اللي يبسطه وايه اللي يزعله ولا تتدخل في قراراته ،بس استسلم لارادته واستنى وشوف اللي حيحصل ،ودة أسلوب النرجسي وغرضه منك في التعامل معاه ،حلو طيب خلينا نجرب الطريقة دي معاه خلينا نوريه تقلبات المزاج وتقلبات التعامل اللي بيعملها معاكي لما تتعمل فيه حيكون الوضع ايه ،هو اكتر هشاشة منك مهما انتي كنتي هشة وهو اضعف منك مهما انتي كنتي ضعيفة فلو جربتي معاه الكلام دة حتقدري عليه ، قربي وابعدي من غير مناسبة ، خليه يبقى مش فاهم ايه اللي يرضيكي ،خليه يتلخبط ويبقى مش فاهمك عشان يتلهي في محاولة فهمك بدل ماهو قاعد يخطط لك ،في نفس الوقت لما النرجسي يلقي نفسه مش فاهمك دة حيضعف ثقته في تصرفاته معاكي وفي نتايجها






#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية