لحجز الاستشارات : https://kawthersanad.net/
ازاي تخلي النرجسي يثق فيكي؟ وحتستفيدي ايه من الثقة دي؟
حالات كتير بتيجي تقولي ماعرفش أي حاجة عن جوزي ولا فلوسه ولا علاقاته ولا شغله كل حاجة مخبيها عني حتى تليفوناته بيعملها كلها برة البيت عمره ماكلم حتى اهله ادامي ، وبعض الحالات تقول لي اذا النرجسي مات أولاده مش حيعرفوا عنده ايه واملاكه ايه لانه مخبي عننا كل حاجة .
النوع دة من النرجسيين بيكون غالبا مش بيثق في مخلوق بسبب صدمات الطفولة طبعا ،المهم انتي ازاي تكسري الدايرة دي وتخليه يثق فيكي ويعرفك ع الأقل مالياته ؟ ع الأقل تكوني عارفة حقوق اولادك وكمان النرجسي لو وثق فيكي بيكون حاسس بالأمان نسبيا معاكي فاحتكاكاته وتلكيكاته بتقل الى حد كبير ،لكن ثقة النرجسي مش زي ثقة الناس الطبيعيين لا خالص هو ثقته فيكي معناها بالنسبة له انه واثق انك حتدعميه وتشجعيه وتكوني ذاكرة التاريخ بتاعته وانك حتساعديه في الوصول لاهدافه ،يعني بيكون واثق انه حيعرف يستغلك ويحصل على طموحاته من خلالك ، طيب دة حيفيدك انتي في ايه كمان ؟ انك حتكون زمام الأمور في ايدك مالياته تحت ايدك ماهو واثق انك مش حتروحي في حتة وحيديكي شيء من حرية الحركة لانه واثق انك ماتقدريش تبعدي عنه ولا انك تقدري تعملي حاجة هو مش عايزك تعمليها ، ثقة النرجسي فيكي حاجة في مصلحته اكتر ماهي في مصلحتك الا انها حتحقق لك استقرار نسبي في الحياة
طيب ازاي توصلي للثقة دي؟
أولا لازم ماتنسسيش ابدا ان النرجسي عبارة عن طفل فازاي تخلي طفلك يثق فيكي؟
١- اول حاجة لازم تكوني مستمع جيد وتديه الأمان لما يتكلم وعبارات التشجيع والاشادة بكلامه وانه عبقري وملوش مثيل لكن في حال اذا كلامه يستحق الثناء لانك لو بالغتي حيقفشك
٢- اعرفي اهداف النرجسي ايه وابدأي خططي له ازاي يحققها ،كان فيه متابعة كاتبة تعليق بتقول امبارح كان يقولي فكريلي ازاي ابني بيت كبير وكيف أخذ قطعه أرض عشان ابني فيها ، خططي له لكن شطارتك انك تديه الأفكار وتوهميه انها أفكاره وهو حيكون عايز يصدق انها أفكاره اذا أصلا ما ادعاش انها فكرته ،انتي مصلحتك انه يفهم انها أفكاره وتخطيطه عشان لو فشل في التنفيذ او خسر يبقى مايحملكيش مسئولية النتيجة ، المهم انك تحسسيه انك في صفه وانك بتدعميه
٣- حسسيه بالحرية وانك مش راكبة على كتافه ورحت فين وجيت منين ،أصلا دة اريح لك يارب يفضل برة طول الوقت خلي البيت هادي والأولاد يبقوا براحتهم ، طبعا لو انتي مش متعافية مش حتقدري تعملي دة وبتبقي حاسة انك عايزاه قاعد جنبك طول الوقت ولا انتي دريانة باولادك ولا احتياجاتهم ولا حتى احتياجاتك انتي انتي لازم تتعامفي من الإدمان عشان تفوقي وتصحي من غفلتك وتقدري تتلاعبي بالنرجسي صح
٤- من اهم التصرفات اللي تخلي النرجسي يثق فيكي انك لما توعديه بحاجة تلتزمي بيها زي الطفل بالظبط ولو فيه ظرف حيخليكي ماتقدريش توفي بوعدك النرجسي بيغضب ومايعذرش وممكن يعمل غضب نرجسي وصمت عقابي عشان كدة لو وعدتي حسيتي انك مش حتقدري توفي لازم تقدمي البديل قبل ماتقولي انك مش حتوفي .
خدي بالك ان النرجسي بيراقبك وبيراقب كل تعاملاتك وممكن مراقب موبايلك يعني عارفك كويس وفاهم انتي ممكن تعملي ايه وماتعمليش ايه فكوني حريصة انك تبيني له انك مش مهتمة بفلوسه ولا انك ممكن تاخدي أي حاجة بتاعة حد ولا انك ممكن تبصي لحاجة في ايد حد وانك بتخافي ربنا ،الكلام دة كله أصلا بيكون سبب كبير في ثقة النرجسي فيكي
خدي بالك ان الأبحاث بتقول ان النرجسي من الصعوبة بمكان انه يدي ثقته لاي حد ابدا فاذا الزوجة حصلت على الثقة دي فدة انجاز عظيم ،لكن خدي بالك انا مش بقول لك خوني الثقة ابدا ولو كان نرجسي خبيث ،لا انا بقول لك تحصلي عليها عشان تقدري تسيطري على حياتك معاه لكن اللي تاخد حاجة مش حقها ولو من حرامي تتحاسب فدة مش هدفنا احنا هدفنا ازاي تاخدي حقك وحق اولادك







#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية