لحجز الاستشارات : https://kawthersanad.net/
ازاي تعرفي نقط ضعف جوزك سواء نرجسي او أي شخصية سامة
لما نزلت فيديو "لو قدرتي تعرفي اكتر حاجة النرجسي محتاجها منك حتقدري تسيطري عليه" جت لي أسئلة كتير ازاي اعرف ايه نقط ضعفه وايه اكتر حاجة محتاجها مني عشان كدة عملت لكم الحلقة دي
الحكاية دي لها استراتيجية لازم تتبعيها بهدوء وبصبر وحتاخدي وقت شوية اذا انتي لسة جديدة مع النرجسي ومالحقتيش تفهميه كويس
أولا: لازم تنتبهي للتلميحات والايماءات اللاشعورية ، فاكرين لما قلت لكم قبل كدة ان النرجسي بينطق كلام من اللاواعي وعملت لكم تقريبا حلقة عن الكلمات دي زي مثلا : انا اهم حد عندي ، انا مش حدخل الجنة انا عملي اسود ، اتنا بكرهك ،انا نفسي اذلك ، انا حاربت الدنيا عشان اتجوزك فدلوقتي انا عملت اللي عليا والباقي عليكي ،
الجمل دي اللي النرجسي بيقولها بتكون جاية من القاع عنده وبتخرج عن غير إرادة منه ودي بتبين اللي جواه بوضوع زي انه عايز يذلك او انه منتظر منك تقومي بكل الأدوار بعد ماحارب الدنيا عشان يتجوزك فانتي بقى عليكي مسئولية بقية الحياة الزوجية مدى الحياة ، ممكن بقى تصرفي وتدلعي وتهنني وتجيبي أولاد ولو كانو بيتشروا كان خلاكي تشتريهم عشان مايتعبش نفسه في العلاقة الحميمة لانه خلاص تعب واتجوزك ، عايزة ايه تاني . سيجموند فرويد قال ايه قال" لا احد على وجه الأرض يستطيع ان يخفي سرا ، وحين تصمت شفتاه تتكلم انامله ،فالاسرار تتسرب من كل ثغر " فلو انتي ركزتي مع كلام النرجسي كله حتلاقي فيه ثغرات تبين لك نقط ضعفه ، زي مثلا اللي بيقول لزوجته انا طول عمري ازعق في امي وهي تصالحني ، دة بس عايز يوصل لك انك لازم تصالحيه عشان تحصلي على رضاه ، ، المهم دلوقتي انك تتعلمي تسمعي النرجسي كويس وتكوني صاحية لكلماته اللي بتخرج بدون رقابة من العقل الواعي وانتي حتفهمي عنه اكتر ،ممكن يقول كلكم مش بتحبوني كلكم مش طايقيني محدش عايز يقعد معايا ،وكل دة معناه انا محتاج للاهتمام وانتو مقصرين في دة ، وكمان من ضمن الطرق قلناها قبل كدة انك تقعدي تحكي له حاجة عن طفولتك وتكون تافهة عشان مايذلكيش بيها بعدين المهم تحسسيه انك مآمنة له وتحكي وبعدين هو حيحكي لوحده او الو محكاش توجهي له أسئلة من بعيد زي مين كان اقرب لك وانت صغير او بتحب مامتك اكتر ولا باباك اكتر لو عملتي كدة في الهوفرينج حتاخدي معلومات مهمة تفيدك في معرفة نقط ضعفه وطبعا كلكم عارفين ان هو كان بيعمل معاكي كدة في اول العلاقة ، ومن هنا حنروح لثانيا
ثانيا: اكتشفي الطفل البائس جوا النرجسي ، لما تجرجريه في الكلام عن مامته وباباه وطفولته حتعرفي حاجات هو مش بيحكيها لحد ومش بسهولة وغالبا حتعرفي منه مين كان بيضربه وايه اللي كان بيحسه وايه اللي كان ناقصه وهو النرجسي زي ما انتي عارفة ساذج وسهل تضحكي عليه بس في لحظات الهوفرينج لو اديتيه ايحاء انك تمام حترضي عنه ، لو قدرتي تعرفي مشكلته وهو طفل وبدأتي تتكلمي فيها او تحاولي تعوضيها حتلاقيه يقلب طفل في ثانية ، يعني زي ايه ؟ مثلا اهله حرموه من اللعب ومن الألعاب سواء بخلا او مفيش فلوس او قسوة انتي بقى حاولي تلاحظي الألعاب اللي بتلفت نظره واشتريها لاولادك وزقيهم يخلوه يلعب معاهم حتشوفي فعلا فعلا طفل لو اتعاملتي معاه في اللحظات دي بحنية وهدوء وتشجيع زيه زي الأولاد بالظبط حتعرفي تكسبي ثقته وحتفهمي نقطة ضعفه هنا هي احتياجه للطبطبة مع المدح بهدوء وحكمة الام مش الزوجة ودة تعمليه في حضور الطفل مش وهو متقمص دور الراشد ، عندي حالة بتستخدم الطفل والراشد وبتعرف تاخد من النرجسي عينيه الاتنين ،بس برضه حنرجع نقول لازم التشافي لازم الأول ، ححاول اعمل لكم حلقة عن الطفل والراشد دي ان شاء الله
نكمل الاستراتيجيات الحلقة الجاية ان شاء الله




#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية