حجز الاستشارات https://kawthersanad.net/cart-2/

النرجسي الظاهر ازاي تاخدي منه اللي انتي عايزاه؟
احنا قلنا كتير خطط للنرجسي الخفي وازاي تتعاملي معاه وازاي تاخدي منه حقوقك وفلوس لاولادك ، النهاردة بقى نشوف النرجسي الظاهر البجح اللي رافع صوته وزعيق وافترا واللي مش عاجبه يمشي دة بقى له أسلوب في التعامل ممثال لاسلوبه تمام لكن برضه أحيانا حنحتاج شوية تلاعب في النص ،وفي النهاية النرجسيين كلهم كلهم هشين سواء ظاهر او خفي وكلهم عندهم الخوف من الهجر
عشان تعرفي تتعاملي صح مع الشخص اللي ادامك أيا كان نوعه او نوع شخصيته لازم تكونيه فاهماه كويس ومذاكراه ودة لازمه مراقبة مستمرة وتركيز على كلامه وتصرفاته وحركاته ،لازم تحفظيه عن ظهر قلب زي ما النرجسي بيعمل بالظبط هو طول الوقت مركز معاكي انتي لازم تعملي دة دلوقتي جه عليكي الدور تدرسي غريمك وتفهميه عشان بناء على الدراسة دي انتي مش حتحتاجي كوثر سند تقول لك تتصرفي معاه ازاي ، لما تراقبيه حتعرفي بيحب ايه ولما تسمعيه بيتكلم في الموبايل حتعرفي اتجاهاته وافكاره وكمان حتعرفي انه كداب ولا ملاوع ولا بيتعامل ازاي مع اللي مهمين عنده واللي مش مهمين عنده وبالتالي حتعرفي انتي فين منه ، لما تدرسي النرجسي حتوصلي اكيد لنقط ضعفه ولنقط احتياجه لكي وبالتالي حتعرفي تعملي له هوفرينج ببساطة وتقدري تضربي في لحظات الضعف برضه ببساطة
خدوا بالكم احنا بنتكلم عن الأزواج الغير اسوياء احنا بنتكلم عن الأزواج المضطربين .طيب تعالي نشوف حتعملي ايه لما تحبي تاخدي حاجة من النرجسي الظاهر لاولادك الأول مش لكي ، حنبدأ بالهوفرينج
اول حاجة تجربيها مع النرجسي الظاهر انك تديه وقود إيجابي شوية كلام كويس في حقه وتحسسيه انه مركز الكون وانك مهتمة بيه لوحده وماتهتميش باولادك ادامه وخليه كدة سي السيد كام يوم وكأنك بتعملي له لفبمبينج محترم، لكن خدي بالك النرجسي الظاهر مش حياكل من الكلام دة الا اذا انتي كنتي قوية وانتي شخصيا مش محتاجة له في حاجة يعني لا عايزة علاقة ولا عايزة فلوس لنفسك لا انتي مستغنية عنه تشافيتي فمش محتاجة منه لا معنويات ولا علاقة وعندك دخلك الخاص فمش محتاجة منه فلوس غير لاولاده ومش حتجيبي سيرتها أصلا دلوقتي في الحالة دي هو حيصدق الهوفرينج اللي انتي عاملاهوله ، ولما يصدقه حيصدق أي حاجة تقوليها له بعدها .
كمان من الطرق اللي تعملي بيها هوفرينج للنرجسي الظاهر او فتات خبز انك تديه مجال يتكلم عن نفسه وعن امجاده وتكوني مستمع جيد ودة حيقلل الاحتكاكات والخناقات المهم تستمعي وماتقاطعيش ولا تختلفي في الرأي بالعربي كدة تطبلي له
في نفس الوقت عشان تقدري عليه لازم تكوني على مستواه من القوة ولازم تقولي لا لما يتعدى على حدودك ولو بالتدريج زي ما اتفقنا قبل كدة ولو حتضطري تديه من وقتك بزيادة يكون بمقابل ليه لان هو أصلا بجح وبيطلب ببجاحة وبيطلب حاجة مش من حقه فانتي برضه بمنتهى القوة مش البجاحة لانك حتطلبي حقك ، تطلبي مقابل للي حياخده منك ، ازاي يعني؟ يعني لما يطلب منك تروحي تعملي له مشوار مثلا قولي من عنيا بس انت حتروح تودي الولد التمرين في اليوم الفلاني لاني حعوض الوقت دة بدة ، او لما يطلب منك تدفعي فاتورة مفروض هو يدفعها لانه مش معاه فلوس او لاي سبب تدفعي وتدفعيهاله او ضعفها في فاتورة تانية عليكي ، يعني طول ما بيطلب تطلبي المقابل وممكن تسمعي منه كلمات بايخة زي انتي بقيتي مادية او انتي ماتعمليش حاجة لله ابدا ،يكون ردك ابتسامة هادية وبدون تعليق











#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية