رقم حجز الاستشارات والكورسات : ٠٠٢٠١١٥٠٥٨٦٠٥٢
اسرار السيطرة على النرجسي
قبل أي كلام الكلام النهاردة للي عايزة تتعايش واللي عايزة تهرب الاتنين حيستفيدوا وكمان للتعامل مع أي نرجسي او نرجسية مش الزوج فقط واي شخصية سامة كمان
النهاردة حقول لك كذا قاعدة تتعلمي منهم ازاي تسيطري ع النرجسي اكتر او خلينا نقول تحكمي السيطرة على حياتك مع النرجسي ، حنشوف قواعد هو نفسه بيستخدمها المهم انك تتعلمي منه
١- اول قاعدة المراقبة لازم تراقبي النرجسي مش يعني تمشي وراه ولا تبعتي حد يراقبه ولا تفتشي موبايلاته لا خالص مش دة قصدي انا قصدي تراقبي تصرفاته وتراقبي خططه وتشوفي أسلوبه في الهجوم المفاجيء وتفهمي دايما بيهجم ازاي وبيستدرجك ازاي ، كل ماعرفتي اكتر كل ماكان اسهل عليكي تنفيذ الخطط اللي برسمها لك . شوفي النرجسي بيتعامل ازاي مع أولاده راقبيه وهو بيتلاعب مع كبش الفدا وشوفيه وهو بيتلاعب مع الطفل الدهبي وراقبيه وهو بيتلاعب مع اخواته حتى لو نرجسيين ، راقبيه وهو بيتمحلس لامه واخته وشوفي امتى بيعمل ايه واعرفي خططه وطريقته لان دة حيخليكي تسبقيه بخطوات كتيرة ليه لانك لما تعرفي هو بيعمل ايه ليه حتفهمي امتى وازاي تهاجميه .
٢- تاني قاعدة قلناها في فيديو قبل كدة الغموض وشرحتها لك بالتفصيل ماتخليش نفسك كتاب مفتوح لا للنرجسي ولا لغيره (بس صديقة مؤتمنة او اخت او ام وهو شخص واحد او اتنين بالكتير) النرجسي لازم يكون محتار في امرك عشان تقدري تتغلبي عليه وتتوهيه وبدل مايفكر في ازاي يهاجمك يبقى بيفكر ازاي يتقي هجومك
٣- تالت قاعدة السكوت واخفاء المعلومات عنه ماتخليهوش عارف عنك أي حاجة غير اللي بيشوفه بعينه منك بس يعني اتأكدي انه مش مراقب تليفونك ولو كنتي مش عارفة تتخلصي من مراقبته اشتري تليفون مخصوص للحاجات اللي مش عايزاه يعرفها واللي هو مراقبه قولي فيه المعلومات اللي عايزة توصليها له يعني تخوفيه او تقولي انك ناوية تسيبيه لو انتي مش ناوية او تقولي انك قاعدة لو انتي ماشية يعني تخليه للتضليل
٣- تالت قاعدة الغياب ودي أصلا قاعدة من قواعد النرجسي وبيطبقها معاكي طول الوقت بس هو بيطبقها بغباء أحيانا لدرجة انك بتكرهي وجودة وتوصلي انك تحبي غيابه ،اللي بيحصل ان النرجسي الغبي بيكون عارف القاعدة بس بيطبقها غلط ، القاعدة بتقول اتقن فن الغياب لتزيد تقديرك ومكانتك ودي طبعا من الكتاب الملعون قواعد السطوة ، وبعدين في الشرح بيقول ان في الحب والاغواء مش حينفع تغيب الا بعد ماتكون عملت لنفسك تواجد عظيم في حياة محبوبتك بحيث ان يكون في كل مكان حواليها ذكرى جميلة معاك فلما تغيب كل الأماكن تثير شوقها لك فماتبقاش قادرة تفكر ولا تحس غير بيك وبغيابك عنها وبعدين بيقول ان لازم يكون حضورك طاغيا في البداية لان الحاجات اللي بتؤثر فينا جدا وبنحبها جدا هي اللي بنفتقدها لما تغيب . القاعدة دي انتي تقدري تطبقيها مع النرجسي وبتجيب نتيجة مرعبة جدا وخطيرة ،ازاي بقى انتيب تعملي له الأول لافبمبينج اذا فيه مجال وتوهميه انك تمام جدا معاه وبعدين فجأة تقطعي كلام او تروحي بيت اهلك اذا كنتي تقدري وتقولي انك حتريحي اعصابك او أي حجة اذا عندك الامكانية لدة ، ولو لا يبقى تاخدي جنب في البيت ولا كأنك شايفاه ،طبعا هو مش حينشغل بغيابك حبا فيكي لا طبعا هو حينشغل حبا في مصلحته منك لكن خدي بالك القاعدة دي مش الكل يقدر ينفذها لان ممكن بعض النرجسيين اللي بيمارسوا العنف اللفظي والجسدي ممكن يتهوروا لو نفذتي الكلام دة فكل واحدة ادرى باللي معاها ، المهم الغرض من الغياب دة ان النرجسي يوصله انك عادي تبعدي وانك مش مهتمة وفي نفس الوقت حيتفاجئ بالتصرف لانك قبل كدة كنتي بتبكي لما يخرج ويسيبك في البيت لوحدك ودلوقتي انتي اللي عايزة تبعدي فدة بيعمل زي خبطة على دماغ النرجسي
باقي القواعد حنقولها الحلقات الجاية