رقم حجز الاستشارات والكورسات : ٠٠٢٠١١٥٠٥٨٦٠٥٢
دراسة جديدة عن اكتر حاجة محيراكم في النرجسي
هو انا ليه بقوم من النوم فجأة الاقي النرجسي واقف يبحلق لي ويبص لي بطريقة غريبة واقوم مفزوعة منه؟ او هو ليه النرجسي لما بنكون قاعدين وابص له فجأة الاقيه بيبص لي بتركيز فظيع نظرات عميقة ؟
أولا التحديق فيكي وانتي نايمة وتصحي تلاقيه بيبص لك دة بيكون لسببين ، البحث بيقول ان النرجسي بيميل للسيطرة والتحكم فنظراته لها وهي نايمة بتعكس شعور النرجسي بالسيطرة والقوة على الضحية ، وكمان بيعكس رغبته في رقابتها حتى وهي نايمة احكام الرقابة عليها ، اما اذا كان فيه مشاكل بين النرجسي وزوجته فنظراته لها وهي نايمة بقى بتكون ناتجة عن رغبته الملحة في السيطرة عليها وكمان فعلا عايز يخوفها ويرهبها ، ومن اللي شفته مع الحالات انه فعلا بيعمل حركة قذرة يخليها نايمة ويقف يبرأ لها بشكل مرعب وفي نفس اللحظة يعمل أي حاجة تصحيها بحيث انه يقلقها فتقوم مخضوضة وتتسرع ، بيستفيد حاجتين من الحركة دي أولا يرعبك ويخليكي تبقي متخيلة انه عايز يعمل فيكي حاجة فيزيد خوفك منه وبالتالي تزيد سيطرته عليكي ، والحاجة التانية يبوظ اعصابك ويقلق نومك ودة بيوصل بعض الحالات للتوتر والقلق والامراض النفسية وبعدين يقول عليها مجنونة
طيب بالنسبة بقى للي بيقعد يبص لها وهي صاحية وقاعدين في وسط الناس وتلاقيه مركز عينه عليها بطريقة ولا كأنه بيتابع فريسة ، دي بقى البحث بيقول فيها ايه؟ بيقول ان النرجسي لما يبص لها وتكون نظرات غيظ فدة دليل عدم احترامه لها وفي نفس الوقت مش قادر يتحكم في انفعالاته ادام الناس مش عارف يخبي غيظه يعني ولا قادر يوقف انتقاداته لها لكن في نفس الوقت مش قادر يتكلم ادام الناس فيتغاظ اكتر
اما اذا النرجسي بيبص لها نظرات عميقة بدون غيظ فدة بيعكس اهتمامه بمصلحته منها وبايه اللي ممكن يحصل عليه من علاقته بيها وازاي حيسيطر عليها في نفس الوقت ،كمان هو بيتخيل ان حرية النظر بعمق كدة لاي حد دة معناه انه مسيطر عليه وانه لما قادر يعمل كدة فهو مسيطر
البحث بيقول ان التصرفات دي من النرجسي ممكن تلحق الأذى النفسي بالضحية وبتسبب لها القلق والتوتر وطبعا اكيد النرجسي بيكون كمان عايز يوصل لدة
بيقول كمان ان النظر العميق للضحية بالطريقة دي ممكن يكون على سبيل التفحص او التقييم لان النرجسي بيكون عايز يحصل على معلومات زيادة عنها وازاي يعرف يستفيد منها وهو بيكون متخيل انه يقدر يعرف اكتر من مجرد النظر لها بعمق هو البحث بيقول انه يميل الى تصور نفسه بأنه يمتلك القدرة على فهم الاخرين وتفكيك اسرارهم بطريقة فائقة عن البشر العاديين
فهو بغباؤة منقطع النظير متهيأ له انه لما يبص لك كتير حيفهمك اكتر ،طبعا هو بيراقب تصرفاتك ولغة جسدك وبيتعلم منها حاجات لكن عمره ماحيعرف اسرار نفسك وقلبك وعقلك الا اذا بينتيها له بنفسك .
برضه من خبرتي مع الحالات فهمت انه بيستفيد من النظرات دي في كل مرحلة من معرفتك بيه بيستفيد فيها بحاجة :
اول مرحلة في التعارف بيكون مركز عليكي النظر عشان يوهمك انه من كتر حبك مش قادر يشيل عينه من عليكي ، وتاني حاجة بيدرس لغة جسدك وبيراقب تصرفاتك ويحللها عشان يجمع عنك معلومات
تاني مرحلة في التحقير لما بيكون عايز يرعبك ويحسسك بضعفك وايخوفك
ثالث مرحلة لما بتبدأي تتغيري ودي بقى بتبقى مرحلة عصيبة عليه فبيكون نظراته كلها غيظ وحيرة ونهم للمعرفة عنك بيحاول ياخد معلومات عنك باي طريقة وحيموت ويفهم انتي ايه اللي جرا لك وحالات كتير تقول بتبص له فجأة تلاقيه سرحان فيها
كمان بقى متابعته لكي بنظراته دي في التجمعات العائلية تخلي الناس تقول لك بيحبك دا عينه مانزلتش من عليكي ، طبعا محدش فاهم انه بيراقبك عشان يتصيد لك أي غلطة ينكد عليكي بيها لما تروحي



#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية