رقم حجز الاستشارات والكورسات : ٠٠٢٠١١٥٠٥٨٦٠٥٢
اللي بيعيش مع نرجسي او نرجسية مابيعرفش أصلا يعني ايه رعاية ذاتية
يعني ايه رعاية ذاتية يعني انك تراعي نفسك تراعي جسمك تراعي صحتك تراعي نفسيتك ، يعني ابسط حاجة تختلي بنفسك ولو دقيقتين تهدي بيهم نفسك بعد مناقشة حادة مع النرجسي ، او انك تاخدي نص ساعة لنفسك ترتاحي في سريرك في وسط اليوم ، او انك تشتري لنفسك حاجة بتحبيها ، أي اهتمام بنفسك بتتحرمي منه وكل مرة بتحاولي تلبي لنفسك احتياج من احتياجاتك بيكون رد فعل النرجسي عليكي ان انتي انانية او انتي تافهة وسخرية منه وتريقة او ان اللي انتيب تعمليه دة مؤذي لكي ومش مفروض تعمليه ودة لما بيكون النرجسي خفي معاكي لسة ، او انه يقول لك انتبهي لاولادك ومذاكرتهم ، أي حاجة لازم يعلق بيها على أي حاجة تعمليها لنفسك واكتر حاجة بيستخدمها النرجسي في الحالة دي هو اللوم لو شافك بتراعي نفسك باي شكل لازم يلومك في أي حاجة لازم يطلع لك أي شغلانة كان مفروض تعمليها وماعملتيهاش المهم انه يربط بين اهتمامك بنفسك وبين اللوم وبكدة تلاقي نفسك بتهتمي بنفسك في السر ، تفرحي نفسك في السر تعملي كل اللي نفسك فيه من وراه وكأنك بتعملي حاجة غلط ودة بيزرع فيكي ان تلبية احتياجاتك دي حاجة غلط وان مش مفروض تعمليها وان الأهم تلبية احتياجات اللي حواليكي وانتي احتياجاتك في الاخر لو لقيتي لها وقت ومش بتلاقي في النهاية ، الكلام دة بيحصل معاكي من وانتي طفلة لو ابوكي او امك نرجسيين وبالتالي لما بتتجوزي النرجسي بتكوني جاهزة بالمواصفات المطلوبة ولو فكرتي تتحرري من اللي كان حاصل في بيت اهلك بتلاقي النرجسي بيؤكد عليه فبتتراجعي فورا وتخلي احتياجاتك اخر حاجة . وبعد ماتتعافي وتتخلصي من النرجسي بتفضلي سنين لسة مش عارفة تعتني بنفسك بتفضلي وقت طويل لسة خايفة تعتني بنفسك ولسة حاسة بالخجل من انك تعتني بنفسك ، لسة خايفة حد يلومك لو عملتي حاجة لنفسك والاسوأ من كدة انك انتي نفسك بتلومي نفسك لو اشتريتي حاجة لنفسك او لبيتي احتياج لنفسك ودة لان كلسة أصوات النرجسيين في دماغك ولسة متمكنة منك ولسة افكارك نابعة من أفكارهم ،
خلينا نتخلص من الأفكار اللي اتزرعت في دماغنا افهمي ان دي مش افكارك وجربي تكوني شجاعة وتلبي احتياجاتك من غير مايهمك رأي النرجسي سواء كان موجود معاكي او لأ .دلوقتي انتي فهمتي هو مش عايزك تراعي نفسك عشان لو راعيتي نفسك حتكوني احسن منه في كل حاجة ولو راعيتي نفسك حتكوني صحتك النفسية جيدة ولو راعيتي نفسك حتشوفي نفسك وتطوريها وتقربي منها وساعتها حتفهمي الاعيبه واذاه لكي وحتتحرري منه وهو دة اللي راعبه .طيب انتي فاهمة كل دة يبقى لازم تغيري افكارك وتفهمي ان رعايتك لنفسك هي اول خطوة في رعايتك للاخرين بطريقة صحية ،هي اول خطوة في انك تحسني علاقتك باولادك لانك حتكوني اهدا وحتكوني مكتفية ذاتيا فتقدري تديهم وتساعديهم بشكل صحي وبدون سيطرة وبدون عصبية ، اهم حاجة تخرج أفكار النرجسي من دماغك هي انك تبدليها بأفكار صحيحة واهم فكرة لازم تكرريها لنفسك طول الوقت انك تستحقي الرعاية وتستحقي انك تفرحي وتبتهجي وتستحقي انك تلبي احتياجاتك وان احتياجاتك هي الأولى بالتلبية من احتياجات الاخرين لانك لو مالبيتيهاش حتكون تلبيتك لاحتياجات اولادك مشوهة حتكوني بتلبي احتياجاتهم وانتي مخنوقة وتعبانة ومستنية مقابل حتكون بعصبية وانتي متخيلة انك بتتفاني في حبهم وبتتوقعي انك حتلاقي الحب دة يترد لك وانهم حيكونوا في صفك وتتفاجئي انهم بيفضلوا النرجسي ، لان تلبيتك لاحتياجاتهم بتكون مصحوبة بالسيطرة وبتكون مشروطة بالتفوق والادب والالتزام لانك أصلا مش بتلبيها وانتي في صحة نفسية جيدة بتلبيها تحت ضغط وبتلبيها بالعصا والجزرة
ابدأي من النهاردة تراعي نفسك في العلن من غير ماتخافي من انتقادات النرجسي وماتديش أي أهمية لانتقاداته وهو حيزهق في الاخر وحيسكت
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي