رقم حجز الاستشارات والكورسات : ٠٠٢٠١١٥٠٥٨٦٠٥٢
هل انتي مهمة عند نفسك ولا النرجسي اهم ولا اولادك اهم؟
هو المفروض مين يكون الأهم انتي ولا اولادك ولا النرجسي ؟
طيب مش مهم المفروض ايه المهم ايه اللي حاصل دلوقتي ، هل انتي مهمة عندك ؟ عارفة ان كلكم حتقولوا اولادي اهم والنرجسي كان الأهم وبدأ يبقى الأولاد اهم لكن مش عارفين نعيش عدل بسببه ، برضه إجابة غلط ،الصح انك انتي تكوني عند نفسك الأهم وبعدين اولادك والنرجسي لو فعلا الزوج نرجسي فهو مش مفروض يكون اهم هو ممكن يكون مهم لان له تأثير على حياتكم فعلا ولازم تكونوا عارفين وفاهمين حتتعاملوا ازاي معاه فله أهمية المعيق في الحياة فأي معيق في الحياة مهم اننا نفهمه ونذاكره كويس ونعرف نقلل اعاقته لحياتنا فأهميته مش عشان هو كويس لا أهميته عشان نتقي شره فهي أهمية العدو الغادر اللي مش مفروض نستهين بيه خصوصا مع وجود أطفال ممكن يعيق نموهم
طيب خلينا منه ومن الأطفال كمان حنتكلم عنهم في حلقة لوحدهم ، المهم عندي دلوقتي هو الشخص الأهم في المعادلة دي اللي هو انتي
انتي هنا بتعادلي رئيس المؤسسة لانك انتي المسئول الحقيقي الوحيد عن الاسرة والأولاد لان النرجسي معروف انه مش بتاع مسئوليات فبالتالي انتي بصفتك قائد الاسرة ورئيس المؤسسة فانتي اهم فرد في الاسرة . مش اهم فرد عشان انتيب تدي ولازم يعظمولك عشان انتي مسئولة وبتتعبي عشانهم وكل الكلام دة لا طبعا انتيب تقومي بمسئولياتك وربنا اللي حيجزيكي عليها ،انتي مهمة لانك لازم تكوني شخص سوي ويتراعى صحيا ونفسيا عشان يقدر يقوم بكل مسئولياته بشكل سوي ولانك شخص مسئول عن تربية أطفال وصنع رجال فانتي مهمة ولازم تكوني سوية عشان الأولاد دول يكونوا اسوياء وانتي لازم تكوني قوية عشان تكوني مصدر الأمان لهم ولازم تكوني ذكية ومثقفة ومطلعة وفاهمة أساليب التربية والتعامل عشان تقدري تربي صح ، فانتي مهمة عشان انتيب تعملي حاجة مهمة انتي مسئولة عن صناعة الرجال ذكور واناث يعني انتي مسئولة عن صناعة مجتمع كامل ،تخيلي بقى انتي اد ايه مهمة .انتي بيتوقف عليكي تقدم الامة او تخلفها على حسب انتي بتربي ازاي وبتعلمي اولادك ايه ، طبعا كل واحدة فينا مش كل واحدة تاخد الكلام على نفسها وتحس انها مسئولة عن ثقب الأوزون وخصوصا الناس اللي اتعلمت جلد الذات ولوم النفس من النرجسيين اللي في حياتها ، لا انتي مسئولة عن اولادك فقط واللي هم خلية في جسم المجتمع فلو كل واحدة عرفت كدة وربت على أساس كدة وكان هدفها الصلاح العام وحملت هم الامة وصلحت أولادها بنية اصلاح بلدها كلها تخيلي الثواب اللي حتاخده حيكون اد ايه وتوفيق ربنا لها حيكون ازاي ، لانها مش بتتعب عشان نفسها ولا حبا في أولادها اللي هم منها وبس لا دي بتتعب حبا في الله واخلاصا له .
طيب ايه بقى معنى الكلام دة وايه الهدف منه؟ معناه انك لازم تفهمي انك مهمة وماتصدقيش أي نرجسي تافه يتفه من مجهودك وعملك في بيتك وتربية اولادك ، والهدف منه انك تفهمي اد ايه انتي شخص مهم في الحياة واد ايه انتي مسئوليتك مهمة جدا وفيها اجر عند ربنا فتقومي بيها بحب ومن غير ماتكوني حاسة انك مظلومة ومضغوط عليكي والنرجسي ظلمك وماشالش معاكي المسئولية ، لا انتي قدرك ان أبو اولادك او زوجك غير مسئول فخلاص انسي بقى ان القفة اللي بودنين يشيلوها اتنين دي لانها مقولة غلط لان القفة ممكن تتشال فوق الراس وبتكون اسهل في الظيل وممكن تتشال بإيد واحدة وتكوني اسرع في المشي طالما الطرف التاني مكسح ، شيلي شيلتك واحمدي ربنا عليها واعرفي كمان انك مهمة ولو ماهتمتيش بنفسيتك وبصحتك وبتعلمك مش حتقدري تقومي بمسئولياتك
اهتمي بنفسك