لينك حجز الكورس ع الواتس:
https://chat.whatsapp.com/B8RBbEPYIzXHCnfvfry3mr
رقم حجز الاستشارات : ٠٠٢٠١١٥٠٥٨٦٠٥٢
أخطاء قاتلة تعملها زوجة النرجسي بتقضي عليها تماما
لما النرجسي يغلط غلطة كبيرة او يطردك ويخرجك من بيتك ويقول لك تروحي عند اهلك او يتجوز عليكي او يخونك وتمسكيه متلبس المهم لما يعمل كارثة وتروحي بيت اهلك ويقفوا معاكي ويساندوكي ويشترطوا عليه شروط عشان ترجعي وانتي تكوني عارفة انه مش حينفذها ، شوفي ححكي لك حكاية حالة أهلها كتبوا على النرجسي شيكات بالفلوس اللي عليه لها يعني هو كان سالف منها فلوس ولما غضبت وحب يرجعها كتبوا عليه شيكات او وصولات امانة بحقها اللي عنده وهو طبعا مضى عشان ترجع وعشان هو عارف انه حيقدر عليها لما ترجع ،واللي حصل انه بين حسن النية ومضى وهي كأي ضحية اتلخبطت وصدقت انه بيتغير ورضي يمضي على حقها وحيديهولها وخصوصا انه اداها مبلغ منه فطبعا صدقت الهوفرينج اللي عملهفلما قعد ياعتبها انها قبلت ان أهلها يكتبوه وصولات امانة يعني انتي مش مآمناني دا حبيبك انا عمري ما اكل حقك وانا صعبان عليا منك وقام بدور الضحية وهي مش واثقة فيه المهم فضل وراها لحد ما وافقته انها تسحب من حسابها وتديله يروح يسدد لها عند أهلها باقي المبلغ اللي عليه وياخد الوصولات من أهلها تخيلوا الخبث يوصل لفين ، وطبعا بمجرد ماوصل للوصولات خلصت حاجتي من جارتي ورجعنا للتحقير والاهانات وإساءة الادب بس بقى ايه بشكل مضاعف وانفجار لا أخلاقي مرعب وشتايم وانا تكتبوا عليا وصولات يا كذا يا كذا طيب اديني اديتك على قفاكي انتي واهلك وانتي كذا وانتي كذا واهانات ملهاش حصر وطبعا القاء وتخلي وعاجبك على كدة عاجبك مش عاجبك امشي وطبعا مش حيطلق وعايزة تطلقي اخلعي وهي للأسف حرقت مراكبها كلها عند أهلها مش حتقدر تقول لهم ع الكارثة اللي عملتها لانهم مش حيقفوا جنبها تاني وخايفة تروح لهم لحسن هو يقول لهم اللي عملته وبقت بين فكي الرحى
حالة تانية النرجسي خاض في شرفها واساء الادب وسابت له البيت وراحت عند أهلها واخوها وقف لها وقال لها لازم يتأدب ماترجعيش لحد ماهو يكلمني وييجي ياخدك طالما روحتي عند اهلك ماينفعش ترجعي لوحدك لانه حيفهم اننا رضينا عليكي الإهانة وسكتنا وحيعمل فيكي الأسوأ طالما ملكيش حد يقف له ، المهم هي قالت حاضر وقعدت يومين والنرجسي ماعبرهاش وطبعا قلقت وخافت وحيطلقني المهم ثالث يوم النرجسي كلمها وقام بدور الضحية ويبكي وانا ومش قادر أعيش من غيرك وارجوكي وحاجي اخدك من تحت البيت او قابليني فلما قالت له اخويا قال ماروحش غير لما تقابله قال لها ايه؟ اخوكي عايز يخرب بيتك واحنا عايزين نروح بيتنا ونحافظ على بيتنا هو ايه اللي يخصه ولا يهمه غير انك تكوني في بيتك وانا مش حزعلك تاني ،المهم من هنا لهنا روحت معاه ولما اخوها كلمها قالت له انت عايز تخرب بيتي انا روحت وانا كويسة وجوزي جه اخدني واعتذر لي وعايزين ايه تاني ، دي برضه حرقت مراكبها عند أهلها لان اخوها قفل معاها وقرر مايتدخلش تاني لها ومفيش شهرين ثلاثة وبدأ النرجسي يتهمها في شرفها اتهامات مرعبة ولقت نفسها شبه بتنطرد من بيتها وخلصت الحكاية واتطلقت وهو اللي رماها وهو اللي طلق وزي ما احنا عارفين النرجسي لما بيتفضح بيبيع ولما تسيبيه وتمشي لازم يرجعك عشان هو اللي يسيبك ، فماتخسريش اهلك ابدا وسندك بعد ربنا عشان النرجسي ،ماتعمليش أي تصرف يصغر اهلك ادامه لانه حيذلك بالكلام دة أسوأ ذل ، اخر حالة زوجة لها اكتر من ثلاثين سنة زواج والنرجسي كبر جدا ولسة بيطردها وبيسيء الادب واخواتها كتبوا عليه شروط للرجوع وهي خايفة ميوافقش واخواتها يطلقوها وعايزة تكتب له ورقة ضد يضمن بيها حقه يعني ورقة تتنازل فيها عن الحاجات اللي هو حيمضي عليها لاخواتها وعايزة تتفق معاه يمثل انه وافق ادام اخواتها عشان ترجع عشان هي خايفة تطلق مش حتلاقي حد يصرف عليها ، انا طبعا مش مع الطلاق في اخر العمر كدة لكن ماترجعيش بالطريقة دي لانك كدة بتركبيه فوق اهلك مش فوقك انتي بس وهو لو ركب فوق اهلك حيذلك ذل صعب وحيهددك أصلا بالورقة اللي انتي مضيتيها وحيقول لك كل شوية انتي اللي رجعتي ،ومع ذلك عايزة أقول لك لو عملتي كدة ورجعتي وانتي قوية وقدرتي تردي عليه بعنف وقوة وماتسمحيش له يطول لسانه ولا يقرب منك وخصوصا انه كبير بالعمر يعني اكيد مايقدرش عليكي ، وعيشي بقى معاه كأنه مش موجود كل واحد في حاله وملوش دعوة بيكي المهم انك ماتسمحيش له يهينك تاني ولو حاول يطردك ماتخرجيش من بيتك ابدا وقولي له اخرج انت ودافعي عن نفسك وماتستسلميش ولا تخافي هو ضعف على ضعفه لكن انتي اللي مدياه اكبر من حجمه وطبعا هنا بقول لها كدة لانه كبر في العمر يعني ضعف جسديا ونفسيا فهي ممكن تقدر عليه لكن اللي النرجسي اللي معاها تحت السبعين ماتعملش كدة ابدا ابدا