لينك حجز الكورس ع الواتس:
https://chat.whatsapp.com/B8RBbEPYIzXHCnfvfry3mr
رقم حجز الاستشارات : ٠٠٢٠١١٥٠٥٨٦٠٥٢
مع النرجسي دايما والى الابد انتي السبب
انتي السبب في اني عملت غضب نرجسي لانك رديتي عليا مفروض اذلك واعايرك واشتم اهلك وماترديش ،انتي السبب اني عملت لك صمت عقابي لانك مش عاجبك اني اجوعك انتي واولادك وازاي تعترضي على ان مفيش اكل في البيت او تعترضي على اني مقصر في حقك الشرعي وازاي تبيني لي انك محتاجة أي حاجة يعني بتقصدي اني مقصر في واجباتي فكدة انتي اللي خليتيني اعمل لك صمت عقابي ، انتي السبب اني اختفيت فجأة من حياتك لانك مش سايباني امشي مع البنات على كيفي واتشات مع اللي رايح واللي جاي واعمل معاهم علاقات ع النت واعيش حياتي براحتي فانتي السبب اني مشيت لاني مش عارف اخد راحتي في بيتي، انتي السبب اني خسرت شغلي لانك منكدة عليا عشان بعرف واحدة وايه يعني ماكل الرجالة بتعرف واحدة واتنين ، ومش عارف اشتغل بسببك لانك علطول معترضة على اخطائي ولانك مقصرة في حقوقي وبتعملي مشاكل وبتشغليني عن شغلي، وممكن تكوني السبب عشان مش بتصحي تحضري لي الفطار فبتأخر ع الشغل فانفصلت (دة كلام واحدة منكم) انتي السبب اني وقعت ورجلي انكسرت اصلك دعيتي عليا ، انتي السبب ان التلفزيون باظ انتي السبب ان الولد مرض ولا سخن انتي السبب ان البنت رفضت ترضع ،انتي السبب اني جالي برد انتي السبب اني خنتك انتي السبب اني اتجوزت عليكي و في النهاية انتي السبب في ثقب الأوزون
ايه كل دة ليه كدة ؟
النرجسي مستحيل يعترف بأي خطأ يعمله وفي نفس الوقت بيكون محتاج يتخلص من المسئولية والشعور بالعار انه بيغلط فازاي يريح نفسه من الموضوع دة يرميه عليكي ،امال انتي فايدتك ايه ؟ ماهو من ضمن وظايفك عند النرجسي انك تشيلي المسئولية بداله وانك تتحملي نتيجة كل اخطاؤه ، مش بس كدة كمان النرجسي عايزك دايما تحسي بالذنب زي ما انتي عارفة طيب ليه ايه اللي حيستفيده من كدة ، حيستفيد كتييير انك لما تفكري تسيبيه تتراجعي لانك ممكن تكوني السبب فعلا وتحسي انك بتظلميه فتبدأي تقولي لنفسك مش يمكن انا السبب مش يمكن انا ظالماه مش يمكن انا مقصرة معاه ، فاحساسك بالذنب ولوم نفسك وظيفة انتيب تعمليها بدل النرجسي يعني بدل ماهو يفضل يلومك ويقول لك انتي السبب هو حيدربك على دة في اول كام سنة وبعدين انتي حتعمليه بنفسك انتي اللي حتقولي لنفسك ان انتي السبب بدل ماهو يوجع دماغه ويفضل يقول لك انتي السبب ، طول ما انتي شايفة انك غلطانة طول ما انتي ضعيفة ومكسورة وملكيش عين تطلبي أي حق من حقوقك ماهو انتي طول مابتغلطي وبتتسببي في الغلط وفي الخساير فانتي ماتستحقيش أي حاجة فبالتالي حتسكتي عن كل حقوقك دا انتي كمان ممكن تكوني فاهمة انك مالكيش حقوق أصلا وان كتر خيره انه مستحملك وعايش معاكي لانك كلك عيوب ومش بتعملي أي حاجة غير انك تخسريه وتؤذيه لدرجة ان بعض الحالات بتيجي تقول لي انا اذيته كتير وانا شاكة اني انا اللي نرجسية !!!! تخيلوا ؟؟
دي بقى بتكون وصلت للدمار الشامل والادمان المستعصي
عايزة تخرجي من الدايرة دي لازم تشغلي مخك لازم تبطلي تفكري بمشاعرك لازم تتخلصي من ادمان النرجسي عشان تسمحي لعقلك يشتغل وتبدأي تفكري هل فعلا انا السبب هل انا اقدر ااثر ع النرجسي الجبار دة وارغمه انه يغلط طيب لو كدة ليه مش برغمه يعاملني كويس؟ طيب لو انتي السبب في اغلاطه وفي انه يظلمك هل دة معناه انك انتي اللي حتتحاسبي عنها لوحدك وهو بريء ادام ربنا ؟ طيب هل انتي مقتنعة ان ينفع حد يخلي حد يتصرف غلط من غير هو مايكون عايز يتصرف غلط ؟ امال ليه ربنا قال ولا تزر وزارة وزر أخرى ؟
مع النرجسي انتي متلخبطة ومش عارفة الحق فين ومع مين طالما انتي لسة في اول الصدمة بس بما انك قاعدة تتفرجي على الفيديو دة يبقى انتي وصلتي لبر الأمان وفهمتي المشكلة فين بس بقى انتي كنتي غرقانة في بحر مالح وخرجتي شاربة ماية مالحة ومش بعيز رئتينك اتملت مية ومحتاجة تعالجي كل دة وعلاجك في التشافي هو دة اللي حيخرج المرار اللي جواكي كله وحيوضح لك الصورة اكتر وحيوصلك فعلا للنور وحتبطلي تلومي نفسك