- لينك حجز الكورس ع الواتس:
https://chat.whatsapp.com/B8RBbEPYIzXHCnfvfry3mr
رقم حجز الاستشارات : ٠٠٢٠١١٥٠٥٨٦٠٥٢
الإلقاء اللى بيعمله النرجسي للضحية ، خطوات تنفيذه و مدته و ما بعد الإلقاء و ازاى نتصرف خلال الفترة دى و هل بعد الإلقاء بمدة طويلة توصل لشهور و سنين ممكن النرجسي يعمل هوڤريينج تانى و لا بيكون تصرفه ازاى و ازاى ناخد حذرنا منه اثناء فترة الإلقاء ؟ و هل ممكن يكون الشخص البديل بالنسبة له فى المرحلة دى امه يعيش معاها و تصرف عليه و متغلطهوش فى اى تصرف بيعمله و تفخم فيه و انه عمره ما بيغلط فى حاجة و خصوصا لما يكون شخص نرجسي خفى ضحية يعنى مش بيهمه الحياة الزوجية و لا الاولاد و لا حقوق زوجته عليه سواء الشرعية او المادية و بيصرف بالعافية على الولاد و فى الاساسيات فقط و كمان بيقلل الفلوس كل مرة علشان يعمل مشاكل و برضه مش بيلاقى اى تجاوب فى الدخول فى مشاكل معاه .

احنا اتكلمنا في حلقتين قبل كدة عن الالقاء والتخلي واسبابه وامتى بيكون مؤقت وامتى بيكون دائم . طيب خطوات الالقاء والتخلي ايه ؟ هو مالوش خطوات هو فجأة دالنرجسي بيقرر يرميكي دة بالنسبة لك لكن بالنسبة له هو بيكون مقرر من فترة وبيكون مجهز نفسه وعنده البديل طبعا لكي ، لكن هو مش بيحسسك بشيء لحد ماينفذ ويفاجئك ،فجأة تلاقيه خرج ولم يعد او انه معاكي في البيت بس فصل نفسه في غرفة منفصلة ويبدأ يوقف كلام وانتي في اول كام يوم تفكريه صمت عقابي لكن لما بتلاقيه منع ياكل من ايدك تماما يبقى ساعتها تفهمي انه القاء وتخلي ، والالقاء دة مدته ممكن شهور وممكن سنين احدى الحالات اتعمل لها القاء وتخلي لمدة سبع سنين وهي ماكانتش عارفة أصلا أي حاجة عن النرجسية لكن هي بتحكي انها لما سمعت الفيديوهات فهمت ان دة كان القاء وتخلي وان النرجسي كان معاه مصدر وقود ولما سابه رجع لها بعد سبع سنين ورجع بهوفرينج قوي مدته سنة لحد ما اتأكد انه سيطر على مشاعرها تاني رجع تاني للتحقير والاهانات ، اثناء فترة الالقاء انتي مش محتاجة تاخدي حذرك منه لانه أصلا مش بيكون متواجد في حياتك هو مش موجود عشان تاخدي حذرك منه انتي الفترة دي مفروض تستغليها وتشيليه من دماغك وتبدأي تشتغلي وتعملي اللي انتي عايزاه لانه مفروض ملوش عندك أي حقوق. لانه مش بيديكي أي حقوق . شوفي انتي أصلا لما بيتعمل لك القاء وتخلي بتلاقي نفسك عندك مشاعر متضاربة بتلاقيكي بتتنفسي وبتحسي بالحرية وتحسي انك انسان وانك عايشة حياتك وفي نفس الوقت حزينة ومقهورة على البني ادم اللي حبيتيه وفجأة اكتشفتي انه مش بيحبك وانك لاتعني أي شيء بالنسبة له ، وخصوصا بقى لو اكتشفتي في الفترة دي انه نرجسي ، ومع ذلك الحالة اللي بتقول انه اتعمل لها القاء وتخلي سبع سنين بتقول ان السبع سنين دول بالرغم من انهم كانوا أسوأ سبع سنين في حياتها كلها الا انهم كانوا لهم اكبر اثر في حياتها ، كانت اول مرة تبص لنفسها في المراية وتاخد بالها من ملامحها (دة كلامها) وأول مرة تشوف انها انثى وأول مرة تحب نفسها لان في الفترة دي صديقاتها دعموها ووقفوا جنبها وفضلوا يذكروا لها مميزاتها لحد ما صدقت انها انسانة لها قيمة ورجعت تدرس عشان تكمل دراستها اللي كانت انقطعت عنها بسبب النرجسي وهي كانت في الاربعينات واشتغلت ونجحت وبدأت حياة جديدة وقدرت تستغنى عنه ولما رجع يعمل لها هوفرينج كانت وصلت لقناتنا وفهمت انه نرجسي وقدرت تتلاعب بيه ودلوقتي حياتها مستقرة وقادرة تسيطر عليها .
طبعا ممكن يكون الشخص البديل امه وبتغنيه عنك تماما وخصوصا لو نرجسي عقلاني او نرجسي ضحية بتكون الام افضل بديل بالنسبة له