لينك حجز الكورس ع الواتس:
https://chat.whatsapp.com/B8RBbEPYIzXHCnfvfry3mr
رقم حجز الاستشارات : ٠٠٢٠١١٥٠٥٨٦٠٥٢
كوني نفسك ماتكونيش عبدة
الاحسن انك تفوقي من ذل النرجسي وترجعي لنفسك وفي الحالة دي ممكن النرجسي يسيبك ويروح لغيرك او يتجوز عليكي؟ ولا الاحسن انك تفضلي خاضعة بس يفضل النرجسي لكي لوحدك؟
ماكنت فضلت زي ما انا المستكينة الخاضعة يبهدل فيا بس اهو كان ليا لوحدي
شوفي انتي بتقولي بنفسك انك اكتشفتي ذاتك ورجعتي لنفسك الحقيقية ورجعت لك البهجة والاحساس بالحياة بعد ماكان النرجسي اخدها منك وقضى على أي حاجة حلوة في حياتك ، حتى بسمتك اتحرمتي منها واصبحتي خيال بني ادم لا عايش ولا ميت وهو راضي كدة ومبسوط وحاسس بنفسه وحاسس انه بني ادم وله قيمة على حسابك وحساب عمرك وعلى حساب روحك ومع ذلك هل هو فعلا لكي لوحدك؟
هل النرجسي أصلا لكي؟ النرجسي مش لحد غير نفسه ولما بيروح لغيرك مش بيكون لها بيكون برضه لنفسه وبتكون ضحية زيك بالضبط وحتى لو راح لنرجسية زيه في النهاية كل واحد فيهم لنفسه برضه فشوفي بقى انتي عايزة تبيعي نفسك وروحك وحياتك عشان ايه؟ عشان شخص عمره ماكان لكي ولا لغيرك شخص بيهينك وبيستعبدك ويستغلك وبس ، انا مش بقول لك سيبيه واتطلقي يعني دي مش دعوة للطلاق ابدا لكن دعوة للرجوع لنفسك ، دعوة للحياة السوية ،كوني نفسك وسيبيه يروح لغيرك في مقابل نفسك ترجع لك ولو مكانتش نفسك اغلى واهم منه تأكدي انك مش سوية ومحتاجة تعتني بنفسك وتعالجيها وترجعيها للسواء تاني ،وبعدين تعالي كدة نشوف اذا اذا يعني ودة عمره مابيحصل ،اذا النرجسي كان لكي لوحدك حتستفيدي ايه؟ هل حتحسي انه بيحبك ؟ هل هو بيحب أصلا ؟ هل حتعرفي تاخدي منه أي حق من حقوقك ؟ هل أصلا حتقدري تعيشي معاه حياة سوية؟ هل هو بيشيل معاكي أي مسئولية في البيت ولا تربية الأولاد ولا أي حاجة ، طيب دة لو حصلت معجزة كونية وكان النرجسي لكي لوحدك في الواقع انتي اللي بتكوني تحت رجله ، اما الواقع ان عمره ماكان لكي لوحدك حتى لو ملوش علاقات خارج الزواج حتلاقيه لاهله واخواته ولو كان بيكرههم الا انه لازم يقدم لهم فروض الولاء والطاعة ويحسسك انهم اهم منك وهو أصلا مش لحد لكن لازم يحسسك انه مش لكي لوحدك لازم يثلث ويحسسك انه كتير عليكي يعني أصلا هو عمره ماكان خالص مخلص لبيته وأولاده لكن انتي في كل الأحوال بتبيعي نفسك وروحك له بدون أي تمن .تفتكري انهي احسن ؟ انك تكوني نفسك وتحسي بشاعرك بدون ماتخافي لا النرجسي يعرفها ويبهدلك او يعاقبك او يضربك ، انك تفكري بعقلك انتي وتعيشي حياتك انتي وتتعاملي بشخصيتك انتي مش بشخصيته وتتكلمي كلامك مش كلامه وتتبني افكارك مش أفكاره ،تفتكري انهي احسن انك تحسي نفسك وتحبيها ولا انك تحبي النرجسي وتكرهي نفسك والحياة واهلك واصحابك ؟ انك تحسي باولادك واحتياجاتهم ومشاعرهم وتقدري تسمعي لهم وتحتويهم وتراعيهم ولا تفضلي في نكد النرجسي ومشاكله وتطلعي غضبك واحباطك في اولادك .
انتي أصلا اول مابتحرري نفسك نفسيا من النرجسي بتشمي ريحة الهوا مختلفة وبتدوقي طعم المية مختلفة والله حتى الاكل طعمه بيختلف والحياة بتلاقيها اتلونت بعد ماكانت ابيض واسود واحيانا اسود بس ، المشكلة ماكاتش في النرجسي اد ماكانت فيكي ، لما اتنازلتي عن نفسك بالتدريج كل يوم حتة لحد مابقيتي شبح مش عارفة تميزي مين حبيبك ومين عدوك ومابقتيش عارفة انتي مين أصلا وعايزة ايه وعايشة ليه ، والنهاردة لما فهمتي الحكاية صعبان عليكي انه راح لواحدة تانية طيب خدي بالك حقول لك حاجة اللي راح بسرعة لواحدة تانية دة مستحيل مستحيل يكون أصلا مش مع تالتة ورابعة وانتي خاضعة وذليلة له برضه يعني اللي بيخون بيخون على أي حال واللي بيخون زي اللي بيسرق ربنا مش بيفضحه غير بعد مرات ومرات دا طبعا بغض النظر عن مدعي التدين اللي بيروحوا يتجوزوا التانية والتالتة ، المهم عايزاكي بعد ماتسمعي الحلقة كويس تراجعي نفسك وتشوفي انتي دلوقتي احسن ولا وانتي ذليلة وخاضعة وشبه انسان كان احسن ؟ كوني نفسك