- ليه النرجسي بيزداد سوء لما بينجح ويبقى معاه فلوس ؟ وهل بيتحول من خفي لظاهر؟
النرجسي زي ما انتي عارفة عايش على الوقود النرجسي اللي مايقدرش يعيش من غيره زي المية والهوا بالظبط واللي لو فقده ممكن يحصل له ذهان او يفقد عقله مع الوقت لانه اذا فقده بتقوم حرب ضروس بينه وبين نفسه الحقيقية وبيحاول يقضي عليها فعلا واحيانا جهازه النفسي بيفشل في انه يديه حيل دفاعية تحافظ على حياته فبيدي إشارات للمخ ان لازم يحصل شات داون عشان نحمي الجسم فالمخ يعمل شات داون فيموت الشخص ، شوفوا اد ايه الوقود مهم للنرجسي ، طيب تعالوا نشوف مصادر الوقود ايه هي ؟ انتي أولا واولادك ثانيا دة لو هو مش ناجح جدا في شغله اما لو ناجح فبيكون شغله أولا وبعدين انتي واولادك وبعدين مصدر تاني برة اللي هو العلاقات النسائية ، طيب لو شغله دة بقى مش ناجح فيه وبس لا دة كمان جاب له ثروة واصبح ثري طيب الثراء دة بيحقق له ايه؟ مصادر وقود متعددة تغني عنك وعن اولادك وعن الشغل نفسه ، ، طبعا وللأسف اللي معاه فلوس الكل بيعظم له وبيحترمه وبيخطب وده ودة معناه انه الوقود اصبح بلاحساب موجود في كل مكان واي مكان ومنين مايروح حيلاقيه طيب انتي بقى ايه لازمتك في الوضع دة ،الوقود اللي بياخده منك مش حيكون مهم خصوصا انه يقدر يكون عنده أربعين بديل لكي . طيب ازاي يستغنى عن المصدر اللي هو بياخد الوقود بتعذيبه ومحدش عارف ومحدش شايف ووهو مستخبي ومحافظ ع الصورة ؟ ازاي حيعمل دة مع مين؟
تعالي نشوف هو مخبي الحقيقة ليه ومحافظ ع الصورة المزيفة ؟ عشان مايفقدش القبول عند الناس وعشان الناس تحبه وتحترمه وتعظمه ، طيب لو هو أصلا معاه فلوس وثري جدا مهما كات صورته وحشة برضه حيلاقي الانتهازيين والمتسلقين وضعفاء النفوس اللي حيقبلوا منه كل خسة وكل سفالة وكل سوء في مقابل الفلوس اللي ممكن ياخدوها منه فبالتالي هو مش مضطر يخبي الحقيقة زي الأول هو مش مضطر يلبس الماسك زي الأول ودة معناه انه ممكن يتحول من خفي لظاهر ،طبعا ممكن ، لكن مش كل النرجسيين بيتحولوا مع زيادة الفلوس ،يعني مثلا العقلاني مش حيتحول لظاهر مهما كترت فلوسه لانه بيسعى انه يكون نرجسي شعبي يعني عايز يبقى له شعبيته الكبيرة ومشجعينه وتابعين وكل دة فالعقلاني حيحافظ ع الصورة اكتر واحد ،المرح والشعبي برضه حيحاولوا يحافظوا ع الصورة ، اما الجسماني والضحية فممكن يتحولوا ، بس طبعا دي مش قاعدة هي بتتوقف على حاجات كتير تخص النرجسي نفسه وتخص شخصيته وتكوينها ،لكن وارد جدا ان النرجسي يتحول من خفي لظاهر لما فلوسه تكتر .
طيب انتي حتعملي ايه في الحالة دي ؟
دة بيتوقف عليكي انتي عايزة ايه انتي مجبرة تستمري ومضطرة واولادك محتاجين مصاريف وملكيش حلول فعلا ،يبقى لازم تدي فتات خبز وتحسسيه انك مش مانعة وقود عنه بقدر استطاعتك ومفروض تحاولي تحوشي كتير على اد ماتقدري عشان تعملي حساب انه في يوم يقلب عليكم ويمنع المصاريف ودة بيحصل طبعا لانك بتكتشفي خياناته وبتواجهيه او بتنتقديه وبتنتقدي الناس اللي اتعرف عليهم واحيانا تحذريه ان الناس دي عايزة تنهب فلوسك ومش بيحبوك دول بيحبوا فلوسك وكل دة كلام غلط مش مفروض تقوليه ابدا لانه مش حيجيب نتيجة غير انه حيؤذيكي ويؤذي مصالح اولادك ، فانتي لاتعليق البتة على أي حاجة بتحصل معاه اطلاقا وخليكي في حالك واولادك وسيبيه يعمل اللي هو عايزه لانه مش حسمع لك