ازاي تتخلصي من سيطرة النرجسي؟
شوفي حقولك طريقتين واحدة باللؤم والمسايسة ودي مع النرجسي الخفي وواحدة بالعافية ودوعري ودي مع النرجسي الظاهر
حنبدأ بالخفي
حتبدأي تخرجي من سيطرته بس بعد ماتكوني تعافيتي من ادمانه وكمان من الصدمة يعني استرجعتي نفسك تماما طيب تعملي ايه بقى عشان تخرجي من سيطرته من غير مشاكل ؟
اول حاجة لو نرجسي مسيطر يعني كل نفس بتتنفسيه بيكون بإذن منه لدرجة مواعيد الاكل والنوم هو اللي بيتحكم فيها فاحنا حنبدأ من النقطة دي ، اللي هي حتتحايلي عشان تغيري مواعيد اكلك ونومك على حسب احتياجك ورغبتك مش على حسب احتياجه ورغبته هو ماتستغربوش فيه حالات بتقول انه بيخليها تفضل جعانة بالاربع ساعات عشان خايفة يزعل لو اكلت وفيه حالة لما بدأت تاكل لما تجوع اتعمل لها غضب نرجسي من باب ازاي كل واحد ياكل لوحده لازم ناكل مع بعض وطبعا هو ولا يفرق معاه ابدا نشوف بعض أصلا لكن هي كدة حتخرج من السيطرة ، وطبعا النوم ازاي تنام قبله او تسهر بعده فانتي حتبدأي من الحاجات الهايفة اللي هو خايف تعمليها لانه عارف انها حتجر وراها باقي الحاجات وتفلت منه السيطرة ،لكن وانتيب تعملي الحاجات دي لازم تدي قصادها مقابل يخدره ، يعني مثلا جعتي واكلتي وبعدين لما هو ييجي ياكل تقعدي معاه وهو بياكل تاكلي طبق السلطة او الشوربة مثلا او لو فطار اشربي قهوتك وهو بياكل او اقفي في المكان اللي بياكل فيه رتبي ونظفي وكلميه يعني في الأول لازم تتواجدي جنبه وبعدين بالتدريج حتلاقي نفسك بتحطي الاكل وتخرجي وهو ياكل لوحده (دة مثل للي بيتأخر في شغله ويجوعك لحد ماييجي ، انتي تقدري تنفذي دة في كل حاجة بيحاول يسيطر عليها في البيت ، مواعيد النوم نفس الكلام ابدأي تبدري نومك كل يوم نص ساعة اسبقيه ولو ربع ساعة ، وكل يوم تزودي ، او يوم تنامي وانتي قاعدة وتدخلي تنامي وتقولي حنام ساعة واصحى وماتصحيش كملي للصبح ،بس تعملي الكلام دة في الأيام اللي هو مش عايز علاقة او مينفعش فيها علاقة ، عشان مايمسكش عليكي غلطة ، دي مفروض حاجات بسيطة بس حتاخد منك شهور عشان تعمليها وتوصلي فيها للحرية خصوصا مع النرجسي المسيطر ، بعد كدة زيارات اهله المقننة اللي ملهاش أي لازمة ولا معنى وخصوصا لو اهله نرجسيين وقارفينك لازم تقللي منها وبرضه بالتدريج ، يوم حنظف البيت يوم عندي دكتور واحجزي وروحي سواء لكي او للأولاد رتبي الحجز على يوم زيارة اهله وقولي دة الميعاد الوحيد اكيد حتلاقي حاجة مهمة تعمليها وخليه هو يروح بالاولاد وانتي لما تخلصي تحصليهم لو لحقتي وساعتها لو لحقتي روحي وريهم نفسك في اخر نص ساعة ، كمان في موضوع الخروج والشغل النرجسي زي ما احنا عارفين مش حيعمل حاجة بدون مقابل وانا قلت لك الحكاية دي فهميه انك حتشتغلي عشان تساعديه وتشيلي عنه مصاريفك ولبسك ع الأقل المهم انك توصلي لموافقته ع الشغل وخدي بالك النرجسي الخفي بييجي بالزن وبيزهء بسرعة فمع الزن ممكن يستجيب بس يكون فيه مقابل ،
كل مرة تحققي كسر للسيطرة لازم تدي وقود إيجابي واذا لزم الامر ادي وقود سلبي لانه حيفك ايده عنك لو حس ان سيطرته مانعة عنه الوقود حتى لو كان نرجسي مسيطر
تصميمك واصرارك على احتياجاتك هو اكتر حاجة حتساعدك تخرجي برة سيطرة النرجسي صدقيني انتي تقدري نفذي الطريقة دي تدريج وترمي فتات خبز مع الوقت ووقت طويل حتوصلي للي انتي عايزاه
اما النرجسي الظاهر لو جربتي معاه الطريقة دي ومانفعتش حيبقى مفيش ادامك غير بالعافية وسيبيه يتفلق وماتتفاعليش معاه في الغضب النرجسي والإرهاب اللي بيعمله لك لو حس انك مش خايفة منه حيبطل وهو في كل احواله سيء الادب يعني كدة كدة نكد يبقى اعملي اللي انتي عايزاه بس متخرجيش عن الشرع ولا تعملي حاجة تغضب ربنا ولا تخرجي من وراه لكن بالتدريج الأول كوني حرة في بيتك وبعدين بالتدريج حتعرفي تخرجي وتقضي طلباتك وتتسوقي بنفسك بس بالتدريج ، وخدي بالك اهم حاجة عشان تنجحي في الكلام دة انك تكوني مش بتخافي منه ولا على زعله ولا بتخافي يسيبك لازم تكوني تعافيتي وتكوني متيقنة اللي ربنا كاتبه حيحصل فيحصل واحنا بكرامتنا وميحصلش واحنا مذلولين