هل فعلا الطيبة المفرطة بتزيد طيف النرجسية عند النرجسي ولا هي بتزود شراسته ؟
على حسب ماقرأت وعلى حسب خبرتي ان الطيبة المفرطة ماتزذش النرجسية لكن تزيد استغلال النرجسي للشخص ، يعني
النرجسي أصلا هدفه ايه من الحياة ؟ الاهتمام والشوفان والتقدير والتعظيم ، يعني كل هدفه انه يعوض اللي ما اخدهوش فياخده من أي حد ومن كل حد ، طيب ازاي حيوصل للي هو عايزه دة ومن مين ؟ من الضحية المثالية اللي هو اختارها بناء على متطلباته ، يعني مثلا النرجسي الخفي الخبيث بتكون ضحيته المثالية يعني اللي هو بيشوف انها مثالية بالنسبة له هي الضحية الطيبة طيبة مفرطة واللي هي الشخصية المتعاطفة ، طيب هو أصلا مختارها طيبة عشان يقدر يهندلها بسهولة ويعرف يستغلها من غير الاعيب كتير لان الاعيب دي متعبة بالنسبة له لانه كسول ومعندوش فعلا طاقة كافية لا للتفكير ولا للحركة وكمان هو بيفقد جزء كبير من طاقته في الحصول على الاعجاب والتقدير من المجتمع برة البيت فمش ناقص يفقد طاقة جوة البيت كمان ، عشان كدة كتير من زوجات النرجسي تقول انا أصلا مشفتش الهوفرينج دة ابدا ولا اللافبومبينج ، طب ليه لان انتي أصلا ماشية تدلدقي حب وحنية وطيبة وبيصعب عليكي وبتهتمي بيه كل الاهتمام وبتديه فوق ماهو عايز كمان ، يعني انتي بتديه اللي هو عايزه واكتر ايه بقى اللي يخليه يعمل لك لافبومبينج او هوفرينج ؟ وخصوصا المتعاطفة اللي خارجة من بيت نرجسي بتكون جعانة حب وبتكون بطبيعتها مخلصة ووفية وغالبا بيكون النرجسي اول شخص في حياتها فتلاقيها واقعة أصلا مش محتاجة لافبومبينج هي أصلا ممكن تكون هي اللي بتعتني بيه وبتجيب له الهدايا وواخدة دور الراجل في الحب والرعاية والعناية طيب هو حيتعب نفسه معاها ليه ؟ عشان كدة الأمهات اللي بناتها على وش جواز لازم تفهمها انها متعتنيش ولا تهتم بزيادة بخطيبها سواء كان سوي او لا وان مش سوي متكملش ، فهموهم انه حتى الشخص السوي لما يلاقي اللي ادامه بيدي وبس ومش عايز ياخد ولا بيطلب ياخد فبيستمرئ دة ويستحلاه وخلاص ، فما بالك لو كان أصلا مستغل ونرجسي ولا أي شخصية سامة ؟
يبقى الطيبة المفرطة مش بتزيد طيف النرجسية لكن بتضيع من صاحبتها الفتات اللي ممكن تاخدها من النرجسي بتضيع عليها اللافبومبينج والهوفرينج وبتخليه يصدق نفسه اكتر انه يستحق كل اللي هي بتديهوله ويصدق كمان انها لاتستحق اكتر من اللي بيديهولها لا وكمان بتخليه يتخيل انه عامل اللي عليه وزيادة ،ازاي ؟ لان النرجسي ماشي في الحياة بمبدأ هات وبعدين اشوف حديك ولا لا ، ودي نظرتهم للحياة وتخيلهم ان كل الناس بتمشي بالمبدأ دة ، فلما المتعاطفة بتديه طول الوقت فدة معناه بالنسبة له انها بتاخد طول الوقت ومكتفية كمان وطبعا لان هو بيديها وعامل اللي عليه وزيادة وعشان كدة بنسمع كتير من الزوجات ان النرجسي بيقول لها انا مفيش زوج زيي ، اظن انا عمري ما زعلتك ، اظن مفيش زوج كريم مع زوجته زيي ، ولا مع أولاده زيي مظنش فيه حد حنين زيي ، دة كتيييير جدا بيقوله بعض النرجسيين خصوصا الخفي ،
بناء على الكلام دة فالنرجسي مش بتزيد نرجسيته او مش بيعلا في الطيف لما بيكون مع حد طيب جدا لكن بيهدر حقوقه اكتر وبيهمله اكتر وبيتجاهله اكتر بس دة مش معناه ابدا انه زاد في طيف النرجسية لا دة معناه انه استضعفك والدليل على كلامي ان الحالات اللي بتتعافى وبتقوى وبتسترد نفسها وبتكون مع نرجسي خفي بتعرف تسيطر عليه جدا وبيخاف منها وبيعمل لها الف حساب ، مش معنى كلامي انك متكونيش طيبة لكن متكونيش طيبة بشكل مفرط ومتكونيش طيبة ابدا مع النرجسي ، اذا تعافيتي واصبحتي مش مدمنة حتقلاقي نفسك بقيتي قوية وحتقدري تعملي دة

جروب ادرس عدوك النرجسي
https://www.facebook.com/groups/kawthersanad11
صفحتي الخاصة للتواصل معي
https://www.facebook.com/kawthersanad1.wordpress/
رابط حلقة السيرة
https://youtu.be/V1M4AkHRgoA