ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢
ازاي النرجسي بيستخدم أولاده ويستغلهم ويحاربك بيهم
لما بنتكلم عن النرجسي مع زوجته بيكون الكلام أصلا مش منطقي ولا بيتصدق والناس بتكدبنا وبتقول بتخببوا وبتخربوا البيوت ،طيب لما نتكلم عنه مع أولاده حتقولوا ايه
شوفوا انا حقول باختصار على اد ما اقدر ايه اللي بيعمله النرجسي في أولاده وازاي أصلا بيؤذي الزوجة بيهم ولا كأنهم بني ادمين أصلا
١- من اول ما الطفل يتولد النرجسي بياخد منه وقود إيجابي لحد ما يوصل لعمر ست سنوات او سبع سنوات ويبدأ ينموا اكتر منه نفسيا ويبدأ يعترض ويقول لا ،من اللحظة دي الطفل بيتحول من حبيب ابوه المتدلع للعدو اللي لازم ينكسر ويتعلم مايقولش لا ويكون ظل ابوه بيتعلم دة بالضرب في أساس البني ادم في امانه وفي احساسه بنفسه
٢- تاني حاجة النرجسي بيعملها انه يوقع بين أولاده بمبدأ فرق تسد ،عشان محدش يسمع لحد غيره وطبعا انتي كمان في المجموع اللي بيتفرق واهم مهمة عنده انه يجذب أولاده له ويبعدهم عنك ويكرههم فيكي
٣- من اقذر التصرفات اللي بيعملها النرجسي انه يثلث لك بحد من اولادك سواء ولد او بنت ،هو بيختار اجملهم واذكاهم ويبدأ يقربه منه ويصاحبه ولما تكونوا في مكان مفروض تكوني جنبه والأولاد مع بعض بيسيبك ويمشي مع الابن او البنت اللي اختاره ويبدأ يوجه له الكلام لوحده ودايما يحسسك انه عايزه ومش عايزك او عايزها ومش عايزك وتلاقيه يقول هو او هي طالعة لي ذكية او حلوة لعمتها وهي ممكن تكون أصلا نسخة منك ، دة غير الكلام اللي بيقوله لها عنك هي السبب في مرضك او هي السبب انك متوترة هي عاملة مشاكل في البيت ولما تكوني موجودة يكون مكشر ومتعصب ويعاملهم وحش ولما تكوني مش موجودة يعاملهم احسن معاملة ويجيب لهم كل اللي عايزينه ويخرجهم وكل دة عشان يثبت لهم ان وجودك سبب النكد والمشاكل وفي نفس الوقت يخليكي تغيري من اولادك ظنا منه دة ممكن يحصل
٤- لو النرجسي ماعرفش يوقع بينك وبين اولادك بيمنع المصاريف بتاعتهم عشان يجبرك ترضخي له ، او انه يتخانق معاهم ويحطم فيهم عشان يقول لك لو مارضختيش وقبلتي الذل اللي بذلهولك حذله لاولادك حبايبك
٥- لو اولادك صغيرين ومش مدركين الشر اللي في ابوهم بيبدأ يغريهم بكل حاجة بيحبوها عشان يكونوا في صفه ولو حبيتي تمشي وتسيبيه حقول لك الأولاد مش عايزينك وهم كمان حيقولوا لك مش عايزينك وحيقعدوا معاه عشان تضطري تفضلي معاه وماتطلبيش الطلاق وفي الحالة دي بتقعدي في ذل والم منه ومن اولادك كمان ، لكن الشاطرة اللي تقعد وتركز على أولادها وترجعهم لحضنها تاني
٦- لو انتي اخدتي اولادك وبعدتي عنه او حتى عايشين معاه وهو ملوش دعوة بيهم نهائيا ولا علاقة له بيهم بعد مايكبروا ويتخرجوا بيفتكر ان له أولاد ويبدأ بقى يظهر معاهم في المجتمع ويقول اولادي بيشتغلوا كذا وكذا وتربيتي وتعبت عليهم وينسب مجهودك كله لنفسه ويستفيد من الصورة الحلوة ، لكن بيكون الأولاد في الحالة دي كبروا وفهموه وبعضهم بيهرب من البلد كلها عشان يبعد عنه
٧- من اقذر أساليب الاستغلال للأطفال واللي دايما محدش بيقدر يستوعبه تحرش النرجسي باولاده ودي كارثة الكوارث ،طبعا مش كل النرجسيين بيعملوا دة ،لكن دة موجود بنسبة مش قليلة
كل اللي تكتشف انها مع نرجسي تنتبه لاولادها وتقربهم منها وتبطل عصبية وتسمع فيديوهات تربية الأبناء وتعوض أولادها عن تقصيرها معاهم بسبب النرجسي ،وخدي بالك التقصير هنا مقصود بيه تقصير عاطفي مش اكل وشرب ومذاكرة وتوجيهات وارشادات وزعيق ليل نهار لما بتكرهوا الأولاد في حياتهم اسمعوا فيديوهات التربية واقرأوا عن الأطفال والمراهقين عشان تفهموا نفسية الأولاد وتعرفوا تربوهم صح

















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية