لينك حجز الكورس ع الواتس:
https://chat.whatsapp.com/B8RBbEPYIzXHCnfvfry3mr
رقم حجز الاستشارات : ٠٠٢٠١١٥٠٥٨٦٠٥٢
النرجسي لما بينوي يغدر بيعمل حركة في منتهى القذارة
لما النرجسي بيبعد عنك ويعمل لك القاء وتخلي وتلاقيه راح نام في غرفة تانية وبيتأخر جدا بالليل وانعزل عنك تماما وانتي رميتيه ومش معبراه بيكون هو أصلا في الوقت دة بيدور على بديل وبعدين لما بيجهز البديل ويخلص اللاف بمومبنج وخلاص حيتجوز بيعمل مع الزوجة ايه ؟ بتلاقيه يرجع فجأة وبدون مقدمات بيكلمها ويسأل عنها بعد ماكان مقاطعها ويبدأ يقرب ويعمل لها هوفرينج وهو أصلا ناوي يتجوز المصدر الجديد ، طيب هو مجنون؟ هو بيعمل كدة ليه؟
النرجسي الخبيث بيكون له هدف والنرجسي المتوسط بيكون له هدف مختلف لكن الاتنين بيعملوا نفس الحركة
الخبيث بيكون عايز يوهمك انه رجع لك وانه بيحبك وانتي يامسكينة تفرحي وتعيشي كام يوم في الوهم وفجأة ينزل عليكي خبر جوازه كالصاعقة وهو يتفرج عليكي بقى وانتي مصدومة ومنهارة وويحس هو بقيمته واهميته ويشوف ادا ايه انتي منهارة واد ايه انتي بتغيري عشان هو مفيش زيه وانتي لكي حق تموتي عليه ، كمان هو بيكون متغاظ منك لانك لما رماكي وعمل لك القاء وتخلي انتي ما اهتميتيش وطنشتيه فلازم ينتقم منك فمش ينتقم بانه يتجوز وخلاص لا هو حاسس انه لو راح اتجوز وانتي في وضع الالقاد والتخلي مش حتتأثري حتقولي في نفسك يغور ويبقى ماانتقمش بالعكس ريحك عشان كدة بيعمل لك هوفرينج ويجيبك تاني ويعلقك بيه وبعدين يعرفك انه حيتجوز عشان يبقى شر انتقام
طيب بالنسبة للمتوسط بيعمل كدة ليه؟ النرجسي المتوسط بيكون اقل ذكاء عادة من النرجسي الخبيث فبيكون عايز يبقى الحاج متولي عايز يبقى عنده بيت كبير واربع زوجات واولاد مايعرفش اساميهم من كترهم ،هو متخيل انه كدة حيكون عظيم العظماء فلما بيوصل للمصدر الجديد ويظبطه ويوصل لمرحلة الجواز بيبدأ يعمل هوفرينج للزوجة الأولى واللي بيكون برضه عامل لها القاء وتخلي له شهور وهي وظروفها بقى يا اما تقبل وهو أصلا الهوفرينج عامله عشان هي تقبل والبيه يبقى زوج الاتنين وبكرة يجيب الثالثة وهكذا فهو هنا بيعمل الهوفرينج عشان عايز الأولى توافق ع الوضع الجديد وتقبل جوازه وتفضل على ذمته وبعدين الخطوة اللي بعدها عايز يعرفهم على بعض ويبقوا أصحاب ويتخانقوا عليه طبعا او يتنافسوا عليه ويعمل الإمبراطورية اللي بيحلم بيها ،اذا انتي من الناس اللي ممكن تقبل الزواج التاني وتقدر تتحمل وجود زوجة تانية اقبلي الهوفرينج وحطي شروطك وانتهزي الفرصة تاخدي حقوقك الضايعة وهو كدة كدة مش حيشيل مسئوليتك ولا مسئولية ولادك سواء اتجوز عليكي او لا ، خصوصا لو انتي ماتقدريش تسيبيه أصلا وماعندكيش مكان ولا دخل بس انتي مش مفروض تبيني له دة مفروض تبيني له انك حتسيبيه ومش موافقة وبعدين تليني وتقولي لو وافقت حيكون بشروط واذا ماتنفذتش مش حكمل ، هو لو نفسه فعلا في الإمبراطورية الكدابة حيوافق على شروطك ولازم يكون أولها انك تشتغلي لو انتي مش بتشتغلي ، واحد من النرجسيين قال لزوجته لما رفضت انه يتجوز عليها الست الشاطرة تحط شروطها وتستفيد ،كدة بمنتهى البجاحة ، واحنا طبعا بنتعلم منهم ونعاملهم بعملهم ، فانتي حطي شروطك وخدي حقك ، ولو انتي من النوع اللي ماتقدريش تتقبلي الوضع دة يبقى اوعي تديه اللي هو عايزه واوعي تستجييبي للهوفرينج ولا تحسسيه انك صدقتيه وخدي اللي تقدري عليه بس خليكي فاكرة ان الهوفرينج دة هو الهدوء الذي يسبق العاصفة وكوني مستعدة للعاصفة دي ولما ييجي يقول لك انه اتجوز او حيتجوز بصي له ببرود وقولي له انا عارفة وانت فاكرني نايمة على وداني ؟ مبروك عليك
حالة من الحالات لما عملت كدة اتجنن من الغيظ وقعد يقول لها انتي ازاي كدة ازاي انا مش فارق معاكي كدة وهو رايح يتجوز عليها يعني ناس عجيبة ،المهم انه اتصدم وعمل لها غضب نرجسي وخرج مارجعش غير عشان ياخد هدومه وفي النهاية بعد جوازه بكام شهر رجع تاني يعمل هوفرينج ويشتم في الجديدة وانا غلطت غلطة عمري ودي ماتناسبنيش وكلام كتير من دة وبعدين عرفت ان الجديدة حامل وهكذا كل مايكون على وشك كارثة بالنسبة للاولى يروح يعمل لها هوفرينج وكأنه عايز يقرب عشان يشوف لحظات انهيارها لما تسمع كارثته الجديد